San Lucas 1:33 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³³ Attheña ñapaꞌ amhchaꞌtarethtach Jacob poꞌmhrenñekop ñeñthara israelneshaꞌ. Amaꞌt errponañapaꞌ amach wañerro ñeñth attho amhchaꞌtarethtena ña.

San Lucas 1:33 Iomraidhean Croise

San Mateo 1:1

Arrpaꞌ all akellkareth Jesucristo paꞌtañneshañ eꞌñe paꞌsoꞌchñexhnowenet. Jesucristopaꞌ David poꞌmhreneñ, eꞌñe Abrahamotheñ. Allowen añ soꞌchñetspaꞌ ñeñthara mereñtsorekmoet.

San Mateo 28:18

Allempoña Jesúspaꞌ ponmanet ateth otapanet: —Napaꞌ aparethen allowen llesens añe patsrekop ñamha Yompor poeꞌntañekop.

San Lucas 1:34

Maríañapaꞌ ateth otapan mellañotheñ: —Taꞌm ¿errothenothchaꞌña nechyoreꞌtña? Napaꞌ amaꞌt poesheñarra enkaneshaꞌ amarramtso yorennaꞌ.

Romanos 9:6

Tharraña amaꞌt allowen judioneshaꞌña amaꞌtchaꞌ ama ameꞌñereto Cristopaꞌ Yomporñapaꞌ amach errothenoth wañerroña poꞌñoñ ñeñth ateth otaneteꞌth awath; ñeñthpaꞌ xhokmach etsota ñeñth ateth otanet, tharroꞌmar ñapaꞌ ama poenesho poꞌñoñ. Ñamha allowen ñeñth israelenaꞌtarpaꞌ ama allowenakmayeꞌ Yomporenaꞌtareyayeto.

Gálatas 3:29

Ñamha ñerraꞌm yapaꞌ Cristonaꞌtareypaꞌ añña Yomporpaꞌ eꞌñe ateth enteney ñerraꞌmrratheꞌ poꞌmhreneñ peney Abraham. Ñeñthoꞌmarña yapaꞌ oꞌch yagapapreter ñeñth ateth Yomporpaꞌ otan awath Abraham ñeñthchaꞌ ateth aꞌnacha.

Gálatas 6:16

Yomporepaꞌchña saꞌnataya allowenes ñeñthes ateth petsa ñeñth ateth oꞌ notwas ñeñth kowentetsa Yomporekop. Ñamha Yomporepaꞌchña semoeraya allowenes ñeñthes poꞌñoxh Yomporenaꞌtares.

Filipenses 3:3

Tharraña yapaꞌ yaña eꞌñe poꞌñoxh poechemer oꞌ enterrey Yompor, tharroꞌmar yapaꞌ eꞌñe yeñoteñ ama yetsorrannaꞌteñotheyeꞌ poechemer penye Yompor. Poꞌñoxh poechemer perrey tharroꞌmar yapaꞌ eꞌñe yoksheñoth Parets ñeñthpaꞌ eꞌñe Poekamkëñoth wena. Ñamha poechemer oꞌ perrey Yompor tharroꞌmar yapaꞌ yoksheññaña Poechemer Cristo Jesús ñamha tharroꞌmar yapaꞌ ama añeyeꞌ yeyemteno ñeñth ateth yetsotaten eꞌñe yañeña, ñeñth eꞌñech yechtsochaya.

Hebreos 1:8

Tharraña Poechemerekoppaꞌ ama attheyeꞌ oteno. Ñokoppaꞌ ateth eñora: Phapaꞌ atarr Partsoph, ñeñthephchaꞌ xhokma amhchaꞌtarethtetsa pekonaño ñeñth errponañowen. Ñamha ñeñth attho phaꞌmhchaꞌtarethtena phapaꞌ eꞌñe pokteꞌ es pephaꞌyenanet.

El Apocalipsis 11:15

Allempoña poꞌpsheñeñ mellañotheñ ñeñth poꞌkanxhrroñpaꞌ oꞌ poktorerrerr ñamha. Poktoraꞌwerrtserrpaꞌ entoñapaꞌ atarr womenk eꞌmorrterrerr ñeñth eñoretsa all ento. Ñeñthpaꞌ ateth otenet: Ñeñth allpon amhchaꞌtarethetyetsa arr patsro theꞌñapaꞌ oꞌwañchaꞌ alloꞌna amhchaꞌtarethetnenet tharroꞌmar ñeñth attho amhchaꞌtarethetyenetpaꞌ ñeñthpaꞌ allochña amhchaꞌtarethterra Yompor epoet ñamha Poechemer ñeñth Cristo. Ñeñthchaꞌ attho amhchaꞌtarethterra Yomporpaꞌ ñeñthpaꞌ amach awañañathterro amaꞌt errponaña.