San Lucas 1:26 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁶ Allempoña oꞌ pechapmha arrorr axhomenta Elisabet, Yomporñapaꞌ oꞌ alla moeñerranerr poꞌmhllañotheñer ñeñthara Gabriel. Arr moeñe anetso Nazareto ñeñthara Galilea.

San Lucas 1:26 Iomraidhean Croise

San Mateo 2:23

Xherr Galileopaꞌ awerr patherr anetso ñeñth paꞌsoꞌcheñ Nazaret. Allñapaꞌ alla yexhaꞌwerra. Atthothkaꞌyeña etsotaña ñeñth ateth otyeseꞌth ñeñth aꞌmhtaꞌyesayeꞌth Yompor poꞌñoñ; ñetpaꞌ ateth otyeseteꞌth ñeñthchaꞌ Cristoterretspaꞌ “oteñetchaꞌ nazaretoꞌmarneshaꞌ.”

San Lucas 1:19

Mellañotheññapaꞌ alla otererr: —Napaꞌ ñeñthen Gabrieletets ñeñthen sherbeneꞌ Yompor. Napaꞌ ña nellsenseneꞌ atthoch neꞌñoranaꞌtapha oꞌch neñotataph añ kowen ñoñets.

San Lucas 2:39

Allempoña oꞌ aꞌpoktatwet ora allpon ñeñth ateth anareth Yompor poꞌñoño ñeñthchaꞌ eꞌñe yexhaꞌ judioneshaꞌ ñetñapaꞌ awanerret paꞌnyeto Nazareto allara Galileo.

San Lucas 2:4

Ñeñthoꞌmarña Josépaꞌ on Nazaretoth allara anets Galileo, oꞌch awoꞌ all paꞌnetser peꞌth paꞌtañneshañ, ñeñthña anetserpaꞌ añ paꞌsoꞌcheñ Beléñ, allara Judeo, tharroꞌmar Beléño eñalleta awath paꞌtañ David. Tharroꞌmar Josépaꞌ Davidnaꞌtarkaꞌye.

San Juan 7:41

Poꞌpotantañpaꞌ ateth otyeset: —Añmapaꞌ ñeñththeꞌkaꞌyeña Cristotets ñeñth xhokma yekwen. Poꞌpotantaññapaꞌ ateth otyenet: —Ñeñthchaꞌ Cristoterretspaꞌ amatheꞌ arrotha wapo Galileoth.