San Lucas 1:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Atthoꞌ ellapes Zacarías oꞌponopaꞌ acheñeneshaꞌñapaꞌ koweñet aꞌyoth ama xhaꞌnerro. Atthoꞌ koweñetpaꞌ otannaꞌtet: —¿Esoꞌmartheꞌ amoꞌ xhaꞌnerroña Yompor paꞌpaklloth?

San Lucas 1:21 Iomraidhean Croise

San Mateo 27:5

Allempoña ñapaꞌ attha waporeꞌterranaꞌ kelle oꞌpono Parets paꞌpakllopaꞌ oꞌ alla awerr, eꞌñe poellkëñothpaꞌ tsomhaꞌwerra ñañeña.

San Mateo 8:10

Allempo eꞌman Jesús ñeñth ateth oten capitán, ñañapaꞌ ateth otan allowen acheñeneshaꞌ ñeñth kothaꞌneneꞌ: —Ñapaꞌ atarrkaꞌye yemtenna, amaꞌt ñapaꞌ amakaꞌye judioneshayaye. Napaꞌ poꞌñoxh oꞌch notas: Amaꞌt awathapaꞌ ama nentareña acheñ ñeñth eꞌñe ateth neyemtenaya, amaꞌt allowen israelenaꞌtarneshaꞌpaꞌ amaꞌt poesheñarra ama nentareña ñeñth ateth atarr neyemtenaya.

San Lucas 1:20

Tharraña phapaꞌ ama phameꞌñenno ñeñth ateth noteneph, ñeñthoꞌmarña theꞌ phapaꞌ oꞌch phoꞌpanat, amach eshek peꞌñorerro thayotheñ tharrempowach allempoch eñalleta pechemer, allempochña peꞌñorerra. Tharroꞌmar poꞌñoxh etsoterrach ñeñth ateth oꞌ notwaph oꞌch xhap allempo onañchareth. Arrpaꞌ allowa ñeñth ateth ot mellañotheñ.

San Lucas 1:22

Allempoña xhaꞌnerrpaꞌ ama eshkayeꞌ eñoranaꞌtwerraneto. Ñetñapaꞌ otyenet poeyoxhreto, ñatoꞌ xhotheꞌ es orrtoya Yomporekop ñeñthoꞌmartheꞌña atarr ellapes oꞌpono Yompor paꞌpakllo. Ñañapaꞌ ama eshkayeꞌ eñoranaꞌtwerraneto, pototha eñotatwerranet ñeñth ateth ent Yompor paꞌpakllo.