San Lucas 1:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁵ Ñapaꞌ atarrchaꞌ asherben enteñ Yompor. Ñapaꞌ amach orrarñatheyaye, amaꞌt vinosapaꞌ amach orreñe. Amaꞌt ñamha paꞌnamen ñeñth aposaꞌtpotetsapaꞌ amach orreñe amaꞌt mamesha. Ñapaꞌ eꞌñech aña chorraya Parets Poekamkëñ. Amaꞌt allempotheñ pachor paꞌthoꞌtsen ñapaꞌ eꞌñech chorreña Parets Poekamkëñ.

San Lucas 1:15 Iomraidhean Croise

San Lucas 1:14

Phapaꞌ atarrchaꞌ phokshena nanak. Shonteꞌch acheñeneshaꞌ ñeñthchaꞌ nanak phokshapretaya attho oꞌ eñalleta pechemer.

San Lucas 7:28

Ñeñthoꞌmarña na theꞌpaꞌ ateth notenes: Allowen allpon acheñeneshaꞌ ñeñth eñalletetsa arr patsro amaꞌt poesheñarra ama eñalleña ñeñth atarr sherbets ateth ñerraꞌmrratheꞌ Juan ñeñth apatyesayeꞌth awaña acheñeneshaꞌ Yomporekop. Tharraña ñeñth ama esosheꞌmayeꞌ enteneto amaꞌt mamesha, tharraña ñerraꞌm poeyochreshaꞌ peñ Yompor attho theꞌpaꞌ oꞌ ayochreshathtena, ñeñthña acheñerpaꞌ atarrkaꞌye sherben, ello metanenan attho atarr sherben Juan.

San Juan 5:35

Juanpaꞌ eꞌñe ateth peꞌth ñerraꞌmrratheꞌ lampareñ korretsa, atthoña xhoyoꞌteꞌth. Sañapaꞌ sa moenatseꞌth oꞌch sokshameꞌta mameꞌ all aꞌpoetarsamphsas.

Los Hechos 2:4

Añña ñeñth xhapyesawet eꞌñe poesheñaꞌttsokmoetpaꞌ añepaꞌt Parets Poekamkëñ ñeñthchaꞌ chorrawet. Allempoñapaꞌ allorokma eñosyeset poꞌpoñ ñoñtso ñeñth ama eñoseteꞌthe awaña. Añña Parets Poekamkëñpaꞌ awoꞌ eñoratyesanet poꞌpoñeꞌttsokma atthoch serrpareꞌtachet paꞌnamen acheñ eꞌñe ñet poꞌñoñeto.

Gálatas 1:15

Tharraña Yomporpaꞌ awoꞌt akrerren awathotheñ amaꞌt allempo ama neꞌñalletenaꞌ. Tharroꞌmar allempo xhap allempoch eñotaterrenpaꞌ oꞌ yemtaterrna Poechemer ñeñthara Jesús. Eꞌñe poemoereñothen nanakpaꞌ oꞌ xhoreꞌterren atthoch nach serrpareꞌteꞌ poꞌñoñ alloꞌtsaꞌyen ñeñth ama judioneshayaye. Ñamha allempo eꞌñe pokteꞌ enteñ Yompor oꞌch eñotaten atethpaꞌ napaꞌ ama eseshaꞌ naꞌphthoꞌto amaꞌt poesheñarra.

Efesios 5:18

Ñamha oꞌch notas, amach seposaꞌtatsto; ñeñthpaꞌ xhach kothapeꞌchatenes sosyaꞌtsañexhno atthoch aꞌpoerrataterres. Amach seposaꞌtatsto, añepaꞌchña sechorrenaya ñeñthchaꞌ sokshateneꞌ ñeñthara Parets Poekamkëñ.