San Lucas 1:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Mellañotheññapaꞌ ateth otosan Zacarías: —Zacarías, amach peyorenatsto tharroꞌmar Yomporpaꞌ eꞌmoennaph ñeñth ateth penamoeñ pemaꞌyocheñoth. Ñeñthoꞌmarña theꞌ pethapor Elisabetpaꞌ eñalletaterranchaꞌ patherr asheñorr ñeñth eꞌñe pho pechemer, ñeñthñapaꞌ pesochchaꞌ Juan.

San Lucas 1:13 Iomraidhean Croise

San Mateo 1:21

Theꞌpaꞌ eñalletatanchaꞌ asheñorr, ñeñthñapaꞌ pesochchaꞌ Jesús tharroꞌmar ñapaꞌ ñeñthchaꞌ aꞌkeshphaterreꞌ paꞌcheñer poꞌchñarothet. Arrpaꞌ allowa ñeñth ateth och mellañotheñ.

San Mateo 14:27

Jesúsñapaꞌ eñoranaꞌtwenanet, ateth otwenanet: —Xhoñakaꞌye sokshapoenna, nakaꞌye oꞌ nowapa, amach attha semhchaꞌtatstapno.

San Mateo 28:5

Allempoña mellañotheñpaꞌ ateth otapan koyaneshaxhno: —Amach xha seyorenatsto. Napaꞌ neñotenes añkaꞌye semnen oꞌch sentaꞌmoeñ Jesús ñeñth korsoꞌtamphset.

San Marcos 16:6

Ñeñthña mellañotheñerpaꞌ ateth otapanet: —Amach xha seyorenatsto. Napaꞌ neñotenes añkaꞌye semnen oꞌch sentaꞌmoeñ Jesús ñeñth otenet nazaretoꞌmarneshaꞌ ñeñth oꞌ korsoꞌtamperret. Tharraña ña theꞌ oꞌkaꞌye tanterra, ama arroꞌtsenaro. Sekweñaꞌkaꞌye all neretañ, amakaꞌye eñalle.

San Lucas 1:14

Phapaꞌ atarrchaꞌ phokshena nanak. Shonteꞌch acheñeneshaꞌ ñeñthchaꞌ nanak phokshapretaya attho oꞌ eñalleta pechemer.

San Lucas 1:30

Mellañotheññapaꞌ alla otererr: —María, amach pemhchaꞌtatsto, Yomporpaꞌ atarr oꞌ morrenterrpha.

San Lucas 2:21

Ñewa, allempoña oꞌ posokmataꞌmoen, ñeñth asheñorrothollpaꞌ oꞌ tsorratatholleꞌchet, ñeñthpaꞌ ateth yexhenaña allowen judioneshaꞌ. Allempo ñeñthña cheshathollpaꞌ oꞌ sochet JESÚS. Ñewa, ñeñth soꞌchñets ñeñthpaꞌ ateth otenanaꞌ mellañotheñ María amaꞌt awañmoꞌchotheñ allempo ama axhomentenaꞌ.

Los Hechos 10:31

Ñañapaꞌ otosen: “Cornelio, pemaꞌyocheñoth theꞌpaꞌ eꞌmoeneph Yompor. Eꞌñe pokteꞌ entennaph attho es phapaꞌyeñ ñeñth es palltetsa. Ñeñthoꞌmarña theꞌpaꞌ oꞌ yerpapha.