San Lucas 1:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Ñewa, Zacarías allempo sherbenan Yompor oꞌpono, allñapaꞌ machayothepaꞌtchaꞌ orrtoña Yompor poꞌmhllañotheñer. Arr thomos altar poꞌkowenroth, ñeñth altarpaꞌ allekma aꞌkrratenet ñeñth eñmosathtetsa Yomporekop, ñeñthpaꞌ attho sherbeteꞌth Yompor.

San Lucas 1:11 Iomraidhean Croise

San Lucas 1:19

Mellañotheññapaꞌ alla otererr: —Napaꞌ ñeñthen Gabrieletets ñeñthen sherbeneꞌ Yompor. Napaꞌ ña nellsenseneꞌ atthoch neꞌñoranaꞌtapha oꞌch neñotataph añ kowen ñoñets.

San Lucas 1:28

Mellañotheñña allempo xhap eꞌñe ñeshopaꞌ ateth otos: —Oꞌch noxha newomhchaꞌtoseph. Yompor eꞌñe poemoereñotheph phapaꞌ atarrchaꞌ koshaterreph, ñapaꞌ eꞌñe peshoꞌtsen. Yomporpaꞌ atarr bensareꞌtampeneph. Ello pemhtanaꞌtweñ allowen phakmaneshaꞌ attho bensareꞌtampenanet ñet.

San Lucas 2:10

Mellañotheññapaꞌ otosanet: —Amach semhchaꞌtatsetno xhoña seꞌmhñoten na, oꞌch neñotatoses ñeñthchaꞌ atarr sokshaterreꞌ sa amaꞌt ñamha allowen errapharen acheñeneshakop.

San Lucas 2:9

Allñapaꞌ machayothepaꞌtchaꞌ orrtanet Yompor poꞌmhllañotheñer, xha poptanaꞌtosanet. Ñeñthpaꞌ Yompor poꞌkowenña ñeñth xha aꞌpoetarsamphsosawet. Ñetñapaꞌ atarr nanak mechaꞌtrraꞌtapet.

Los Hechos 5:19

Tharraña amaꞌt abeꞌtharethtetpaꞌ tsapoñapaꞌ oꞌ wapanet Yompor poꞌmhllañotheñer ñeñth wetsa poeꞌntañoth oꞌ toramperranet, oꞌ xhapaterranet aꞌyenethpaꞌ ateth otanet:

Hebreos 1:14

Yeñoteñ allowen mellañotheñnaneshaꞌpaꞌ añekpa allsensarethtenet ateth ñerraꞌm Yompor Poekamkëñ, ñetchaꞌ sherbenet Yompor. Atthochña ñetchaꞌ yenpoenet allowen ñeñthchaꞌ aꞌkeshphatarethterrtsa.

El Apocalipsis 9:13

Allempoña poꞌpsheñeñ mellañotheñ ñeñth poꞌpechapoeñ oꞌ poktorerrerr. Poktoraꞌwerrtserrpaꞌ naña allpaꞌ neꞌmoerrerr ñoñets ñeñth eꞌmorrtetsa altar paꞌtatsoꞌmaroth poꞌwkoroth. Añ altar ñeñth ayexhkatareth oro, ñeñthpaꞌ eꞌñe ñewapotheꞌtsen Yompor poꞌkonaño.