San Juan 9:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Thayepaꞌtña añe patsroꞌtsenmeñenpaꞌ na ñeñthen aꞌpoetarsampeneꞌ acheñeneshaꞌ pokthaphña añe patsro.

San Juan 9:5 Iomraidhean Croise

San Mateo 4:16

Ñeñth acheñenesharpaꞌ ñetpaꞌ aña yexhaꞌyenet ñeñth ama kowenayeꞌ enteno Yompor; ñetpaꞌ xha ottenet ñerraꞌm chekmetoꞌtseneta. Tharraña theꞌñapaꞌ oꞌ enteret ñeñthchaꞌ eꞌñe kowen aꞌpoetarsamperrawet pokthaphñet. Ñetña amaꞌt aña oꞌpatyesawetañeꞌth rromoeñets ñeñthara chenkëñets, theꞌñapaꞌ amaꞌt ñokpoetpaꞌ oꞌ aꞌpoetarsamphsarethterret eꞌñe kowen. Arrpaꞌ allowa ateth naneꞌth Isaías poꞌñoñ.

San Mateo 5:14

‘Ñamha añ netmaꞌntatensa poetareꞌ elloña ñeñthña atarr sherbeneꞌ acheñeneshaꞌ arr patsro. Sapaꞌ xhokmach kowen es sorrtatyen. Atethchaꞌ sepena ñerraꞌmrratheꞌ patherr anets ñeñth eꞌñe aꞌnosoꞌtsen aspentho. Ñeñthña anetserpaꞌ xhokmach kowen orrtena allemhatheñ, amach errothenoth maꞌnatacheto.

San Lucas 2:32

Ñapaꞌ ñach sherberrets ateth ñerraꞌmrratheꞌ poetareꞌ ñeñthchaꞌ aꞌpoetarsamperreꞌ allowen acheñeneshaꞌ amaꞌt ñeñth ama israelenaꞌtareyaye atthoch ñetpaꞌxhoꞌña oꞌch eñoteret ñeñthchaꞌ aꞌkeshphatañterrtsa eꞌñe poꞌñoxh. Allochñapaꞌ atthothchaꞌ eꞌñe kowen ayeꞌchoxhtaterrnaph ñamha peyochreshaxhno ñeñthara israelenaꞌtarneshaꞌ.

San Juan 12:46

Napaꞌ añekopña nowapa arr patsro nach aꞌpoetarsampeneꞌ acheñeneshaꞌ pokthaphña, allochñapaꞌ ñerraꞌm eseshaꞌch nameꞌñaya na amach alloꞌtsenareto chekmeto. Ñeñth chekmetoꞌtsena ñetpaꞌ ama eñoteñeto ñeñth kowen enten Yompor.

San Juan 8:12

Jesúsña poꞌpocheñopaꞌ serrpareꞌtaterranerr acheñeneshaꞌ, ñeñthpaꞌ ateth oterraneterr: —Napaꞌ na ñeñthen aꞌpoetarsampeneꞌ acheñeneshaꞌ pokthaphña añe patsro. Eseshaꞌch noktherreꞌ oꞌwañchaꞌ alloꞌna kothapeꞌchatnenanet pokthaphña ñeñth atarr sosyaꞌtsañ; ñeñthpaꞌ chekmeta chopeñeꞌchyenet. Ñetñapaꞌ Yomporchaꞌ poꞌkowenño korrerret ñeñthara ñeñth poetarets.

Los Hechos 13:47

Tharroꞌmar ateth oteney Yompor poꞌñoñoth, arr oteney ateth: Napaꞌ oꞌch nenas sa ateth ñerraꞌm poetareꞌ, sach aꞌpoetarsamphsats. Oꞌch saꞌpoetarsamphsoñ poꞌpoñ acheñ pokthaphña ñeñth ama judioneshayaye. Amaꞌt allowen acheñeneshaꞌ ora allowanen patspaꞌ oꞌch peñotatwanet atthoch keshperret.

Los Hechos 26:18

Tharroꞌmarchaꞌ nemñaph alloꞌtsaꞌyen ñeñth ama judioneshayayeñaꞌ allochñapaꞌ atthoch peserrpareꞌtatwanet atthoch xhapanet poeyoxhro, atthoch oꞌwañchaꞌ chopeꞌchet chekmeto. Añchaꞌña oꞌch alla chopeꞌcherret poetaro. Ñamha atthoch oꞌwañchaꞌ awamenkath phanet oneñeth, añchaꞌña awamenkath penawet Yompor. Allochñapaꞌ oꞌch ameꞌñaꞌwerrnet na, allempoñapaꞌ nephretnaꞌwerranetchaꞌ poꞌchñar, atthoch oꞌch parrokmatwerret eꞌñe atthekma ateth ñerraꞌm ñeñth oꞌ naꞌkowentatwa.”

Los Hechos 26:23

Ñeñthara serrpareꞌtataneteꞌth awoꞌch wapa Cristo añ patsropaꞌ nanakoꞌch moeroxhtachet, allothpaꞌ awoꞌch rroma, tharraña ñapaꞌ tanterrach. Atthoꞌchña tanterra ñanompaꞌ oꞌch aꞌpoetarsamphsanet poeyoxher allowen judioneshaꞌ, ñamha amaꞌt poꞌpoñexhno acheñ.

Efesios 5:14

Ñeñthoꞌmarña sokoppaꞌ ateth axhotenes añ ñoñets: Phapaꞌ ñeñtheph ateth phatseꞌtyetsa eꞌñe attheph ñerraꞌm xha atarr rroma pemoen. Theꞌñapaꞌ oꞌch peꞌmanerra oꞌch petanterra attho rroma pemoen. Cristopaꞌ ñach phaꞌpoetarsamperreꞌ.

El Apocalipsis 21:23

Ñamha Parets paꞌnetsro allpaꞌ ama moenenano atsneꞌ amaꞌt arrorra ama moeneñeto ñeñthchaꞌ xhoyoꞌtetsa all. Tharroꞌmar Yompor ñeñth attho poptena paꞌtsnomoeñothpaꞌ ñeñthña xhoyoꞌtetsa all epoet ñamha Poechemer Cristo ñeñthña lamparñetets. Ñeñthara Cristo ñeñth atmaꞌntatareth Carnero.