San Juan 9:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ Ñetñapaꞌ alla otereterr: —Phapaꞌ peꞌñalleta eꞌñe ochñartsoth. Theꞌñapaꞌ xha pemneñ oꞌch peyxhatey ya. Allentha moeñoꞌchet eꞌñe ñet poꞌprawoth.

San Juan 9:34 Iomraidhean Croise

San Lucas 11:45

Allempoña poesheñarr ñeñth atarr etsotenayeñ ñoñets ñeñth ateth anareth judioneshakop, ñañapaꞌ ateth otan Jesús: —Maestro, ñeñth ateth photen yaꞌnaña xha moeneꞌ pepenkaten.

San Lucas 14:11

Tharroꞌmar allowen ñeñth eꞌñe kowen entetsa eꞌñe pommoꞌcheñoth ñetña tsapathonethpaꞌ amach esosheꞌmayeꞌ entereto. Tharraña allowen ñeñth ama esosheꞌmayeꞌ entetso theꞌ, ñeñthña tsapathonethpaꞌ atarrchaꞌ kowen enteret.

San Lucas 18:17

Poꞌñoxhpaꞌ oꞌch notas, ñerraꞌm eseshaꞌ ama eꞌñeyeꞌ poeyemteñotheyeꞌ agëññañeto Yompor poꞌkowenña amach ateth perreto ñerraꞌm cheshatholl eꞌñech yemtenana ñeñth kowampeneꞌ, ñetñapaꞌ amach poeyochreshayeꞌ perraneto Yompor attho atarr ayochreshathtena ña.

San Lucas 6:22

‘Ñamha sapaꞌ atarr kosheñtsoꞌtsaꞌyenes ñerraꞌm esempo eꞌmoñeꞌtenset noꞌmar ñerraꞌm esempo moeñoꞌtenset, ñerraꞌm esempo poesasareꞌteñothetas sochatseꞌtenset tharroꞌmar sapaꞌ na sameꞌñena Ñeñthen Acheñetosets.

San Juan 6:37

Allowen acheñeneshaꞌ ñeñth oꞌpatatenna Apapaꞌ ñetñapaꞌ ameꞌñerrnetchaꞌ. Eseshaꞌch nameꞌñerraya ñetñapaꞌ amach alla newaporeꞌterraneto.

San Juan 8:41

Sapaꞌ eꞌñe aña sokthapeꞌchen ateth pena sompor. Ñetñapaꞌ alla otereterr: —Yapaꞌ amakaꞌye ellapnaneshotheyeꞌ yeꞌñalleto. Eꞌñe ñaptha Yompor yepeñ ñeñthara Parets.

San Juan 9:2

Poeyochreshaꞌñapaꞌ allentha aꞌphthoꞌchet: —Maestro, ¿eseshaꞌtña ochñaꞌtats ñatoꞌ ña amapaꞌ pamoꞌmteꞌtheꞌ ñeñthoꞌmar eñalletaña ateth aporoꞌyeth?

San Juan 9:22

Ñewa, pamoꞌmteꞌ ateth otanet tharroꞌmar ñetpaꞌ mechaꞌteñet judioneshaꞌ. Ñewa, judioneshaꞌ ñetpaꞌ ateth aꞌpoktatenet ñerraꞌm eseshaꞌ otets: Jesúspaꞌ ñeñthkaꞌye Cristotets, ñeñthña ateth otetspaꞌ oꞌch moeñoꞌchet ñet poꞌprawoth.

San Juan 9:35

Jesúsñapaꞌ oꞌ eꞌmareꞌch ñeñth aporoꞌyethtatseꞌthpaꞌ oꞌ moeñoꞌchet. Allempoña enter Jesúspaꞌ ateth oter: —¿Phameꞌñeñaꞌt ñeñth Yompor Poechemer?

San Juan 9:40

Patantaꞌtetsña fariseoneshaꞌ ñeñth allameꞌttsoꞌtsaꞌyenet ñesho, ñetñapaꞌ eꞌmoeñet ñeñth ateth oten Jesús. Ñetpaꞌ ateth ochet: —Taꞌm yapaꞌ ¿amatheꞌ aporoꞌyetheyeꞌ pentenye?

1 Corintios 5:13

Yomporpaꞌ ñachña otteñeꞌcherreꞌ ñeñth ama ameꞌñetso. Sapaꞌ aña poktetsa sokop sewaporeꞌch ñeñth attherach sosyaꞌtsañach orrtatyenet.

Gálatas 2:15

Yapaꞌ eꞌñe judionaꞌtareshoth eꞌñalletñay. Tharraña yapaꞌ ama attheyayye ñerraꞌm ñeñth ama judioneshayaye ñeñth nanak ochñath.

Efesios 2:3

Ñewa, amaꞌt alloweney awathpaꞌ eꞌñe atthekma yeyxheꞌth. Aña yokthapeꞌchyeseꞌth ñeñth eꞌñe ateth yemnatseꞌtyen ya, ñeñth ateth moenatseꞌtateney ya yechets ñamha ñeñth kowen yenteꞌth eꞌñe yañeña yokthaphñoth. Eꞌñe ya yokthaphñoth ñeñth ateth yeyxheꞌthpaꞌ ñeñthaña eꞌñe yokthapeꞌchatseꞌtatyesayeꞌth. Ñeñthoꞌmarña Yomporpaꞌ aña oꞌpatatyeꞌth atthoch koñchaterrey. Ñewa, amaꞌt allowen poꞌpotantañ acheñeneshaꞌ ñeñth ateth phatseꞌtyeseteꞌthpaꞌ Yomporñapaꞌ eꞌñe atthekma oꞌpatataneteꞌth ñeñthara koñcheñets. Ñerraꞌm allempokmach yerromañpaꞌ eꞌñech yechenkaꞌwerrañ,

1 San Pedro 5:5

Ñeñthes wepaneshas, theꞌpaꞌ napaꞌ oꞌch notas samha. Añ poktetsa oꞌch sameꞌñeña ñeñth poꞌn yakma ñeñth sompor sepen. Poꞌñoxh oꞌch notas allowenes, eꞌñech kowen sameꞌñannena amach sañeña eꞌñe kowen entatstatso tharroꞌmar: Yomporpaꞌ ama pokteyeꞌ entenano ñeñth ateth ommoꞌchetsa. Añña ñeñth ama esoyeꞌ entetso ñeñthña atarr moerenaña Yompor.

3 San Juan 1:10

Ñeñthoꞌmarña esempoch nexhap peshopaꞌ oꞌch neyerpatosanet ñeñth ateth pena Diótrefes. Ñapaꞌ xhokma tomaꞌtampeney atthach eñosatseꞌtyen yokop. Ama ñeñthayaya ateth peno, elloña ama agënano masheñneshaxhno ñeñth aneneꞌ Yompor poꞌñoñ. Ama agënaneto ñamha ama moenatenano acheñeneshaꞌ oꞌch agëñet ñamet masheñneshaxhno. Ñerraꞌm eseshaꞌña agënawetpaꞌ ñañapaꞌ oꞌchxhoꞌ moeñoꞌterranet arroth all sapxhena.

3 San Juan 1:9

Oꞌch noterrperr poꞌpoñ. Oꞌ nekellkaꞌwa carta allowenakop ñeñth apxhetsa all phaꞌnetsro. Oꞌ notwanet ora allpon ateth notwaph arr necartoth, tharraña Diótrefespaꞌ xha achmhareꞌtey. Ñapaꞌ eꞌñe pommoꞌcheñoth eꞌñe ñañeñapaꞌ aña moenen oꞌch pomnaren phaꞌyenan acheñeneshaꞌ ñeñth oꞌ ameꞌñerrana Yompor, ñeñthoꞌmarña ama eꞌmhñotenye.