San Juan 9:32 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³² Ya amaꞌt awathapaꞌ ama yeꞌmareña eseshaꞌpaꞌ oꞌ kowaterranña ñeñth attha eñalletña aporoꞌyeth.

San Juan 9:32 Iomraidhean Croise

San Lucas 1:70

Ñeñthpaꞌ awathotheñ ateth eñoratyesaneꞌth ñeñth aꞌmhtaꞌyesayeꞌth poꞌñoñ, amaꞌt allowen ñeñth eꞌñe maꞌyoxhraꞌyestseꞌth Partsokop.

San Juan 10:21

Poꞌpotantañexhnoñapaꞌ ñetpaꞌ ateth otyenet: Ñerraꞌm xho chorreña oneñethpaꞌ amatheꞌ errothenoth eñosoña ateth eꞌñe kowen. Oneñethpaꞌ amatheꞌ errothenoth kowaterranoña aporoꞌyeth.

San Juan 9:31

Yapaꞌ yeñoteñ ñeñth ochñath acheñpaꞌ amakaꞌye eꞌmhñoteñe Yompor, tharraña ñerraꞌm ya yemhchaꞌnaꞌteñoth Yompor ateth yepena ñeñth moenen ñapaꞌ xhokmach eꞌmhñoteney.

San Juan 9:33

Ñerraꞌm ñapaꞌ ama Yomporeshoth wapañe amatheꞌ errothenoth kowaterrnoñe.

El Apocalipsis 16:18

Allempoñapaꞌ meramerta oꞌ tatsllares, eꞌmorrta ñamha ñeñth maꞌmoretets, atarr womenk eꞌmorrtena. Poetalleꞌcha ñamha pats nanak womenk ñeñth amaꞌt awathapaꞌ ama ateth poepharo allempotheñ eꞌñe paꞌmothrotheñ eñalleta acheñeneshaꞌ arr patsro.