San Juan 9:30 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁰ Ñeñth poroꞌyeꞌchatseꞌthpaꞌ ateth oterraneterr: —Errothenothwakaꞌye ama señoteñetheꞌña erroththeꞌ wapaña amaꞌt napaꞌ oꞌkaꞌye eꞌñe kowen kowaterren.

San Juan 9:30 Iomraidhean Croise

San Mateo 11:5

Oꞌch eꞌñe seserrpareꞌtatwer ora amaꞌt attho aporoꞌyethexhnopaꞌ theꞌñapaꞌ oꞌ eꞌñe nekwatyeswerranet ñamha ñeñth chekaꞌrepayetspaꞌ theꞌpaꞌ oꞌ eꞌñe chopeꞌchyeswerret kowen, ñamha ñeñth aꞌptsaresyen leprapaꞌ theꞌñapaꞌ oꞌ eꞌñe aꞌkowentatarethetwerret ñamet, ñamha ñeñth paketneshaxhnopaꞌ amaꞌt ñetpaꞌ theꞌñapaꞌ oꞌ eꞌñe eꞌmyeswerret kowen, amaꞌt ñamha ñeñth rromayets theꞌñapaꞌ oꞌ alla atantatarethetwerret, ñamha amaꞌt ñeñth wokchañneshaxhno theꞌñapaꞌ oꞌ eꞌñe neserrpareꞌtatwerranet añ kowen ñoñets alloch keshperret ñamet.

San Mateo 21:42

Allempoña Jesúspaꞌ ateth oterraneterr: —Sapaꞌ amaꞌt awathapaꞌ amaꞌtña selleyareña ñeñth ateth anwareth Yompor poꞌñoñ awathotheñ. Tharroꞌmar ñeñthpaꞌ ateth oten nokop, na atmaꞌntatareth mapoeꞌ. Ñeñthpaꞌ ateth oten: Añ mapoeꞌ ñeñth ama pokteyeꞌ entyeno ñeñth thomatyeneꞌ pokoll, ñeñthña theꞌpaꞌ oꞌ anarethterra ñeñthchaꞌ ello atarr kowen sherberrets eꞌñe ateth ñerraꞌm kellpach allo eꞌñe kowen echarr orratenet pokoll. Ñeñthpaꞌ Yomporkaꞌyeña ateth phateneꞌ, ñeñthoꞌmarña yapaꞌ eꞌñe kowen yenteñ. Arrpaꞌ allowa ateth tomaꞌntaterrerr Jesús eꞌñe ñañeña.

San Marcos 6:6

Ñeñthoꞌmarña Jesús atarr kothapeꞌchateñ pamoꞌtseshaꞌ attho ñetpaꞌ ama akwaꞌpenayeꞌ enteñeto, ñapaꞌ xha moeneꞌ llekateñet. Allempoña Jesúspaꞌ alla chopeñeꞌchyerrerr yexhatyerrtserr allemeñ anetsoꞌmar.

San Lucas 7:22

Jesúsñapaꞌ otapanet: —Theꞌpaꞌ oꞌch awerres seserrpareꞌtatwerchaꞌ Juan ora allpon ñeñth ateth sentyeswennanaꞌ arr ñamha ora allpon ñeñth ateth seꞌmyeswennanaꞌ arr. Oꞌch eꞌñe seserrpareꞌtatwer ora amaꞌt attho aporoꞌyethexhnopaꞌ theꞌñapaꞌ oꞌ eꞌñe nekwatyeswerranet, ñamha ñeñth chekaꞌrepayetspaꞌ theꞌpaꞌ oꞌ eꞌñe chopeꞌchyeswerret, ñamha ñeñth osyen poetsarñats, theꞌpaꞌ oꞌ eꞌñe aꞌkowentatarethetwerret ñamet, ñamha paketneshaxhnopaꞌ amaꞌt ñetpaꞌ theꞌñapaꞌ oꞌ eꞌñe eꞌmyeswerret kowen, amaꞌt ñamha ñeñth rromayets theꞌñapaꞌ oꞌ alla atantatarethetwerret, ñamha amaꞌt ñeñth wokchañneshaxhno theꞌñapaꞌ oꞌ eꞌñe neserrpareꞌtatwerranet añ kowen ñoñets alloch keshperret ñamet.

San Juan 12:37

Jesúspaꞌ amaꞌt shonteꞌ orrtatyenanet poꞌpartsoña tharraña amaña eseshayeꞌ ameꞌñenayoña ña.

San Juan 3:10

Jesúsñapaꞌ ateth otererr: —Phapaꞌ amaꞌt añepeñ israelneshaꞌ poꞌmaestror, amaꞌt peñotenoña añ.

San Juan 9:29

Yapaꞌ yeñoteñ Paretspaꞌ eñoranaꞌtana Moisés, tharraña ñeñth yakmarpaꞌ ama yeñoteñe erroththeꞌña wapa.

San Juan 9:31

Yapaꞌ yeñoteñ ñeñth ochñath acheñpaꞌ amakaꞌye eꞌmhñoteñe Yompor, tharraña ñerraꞌm ya yemhchaꞌnaꞌteñoth Yompor ateth yepena ñeñth moenen ñapaꞌ xhokmach eꞌmhñoteney.

2 Corintios 4:6

Ñewa, yapaꞌ yeñoteñ ateth ot awath Yompor, ñeñthpaꞌ ateth ot: “Eñalletepaꞌch poetareꞌ allochñapaꞌ oꞌwañchaꞌ chekmet.” Ñeñthara Yompor theꞌñapaꞌ oꞌ aꞌpoetarsamperrnay yamha yeyoxher allochñapaꞌ atthoch yeñotater poꞌpotantañ acheñeneshaꞌ attho Cristopaꞌ ña orrtateneꞌ Pompor poꞌkowenña.