San Juan 9:29 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁹ Yapaꞌ yeñoteñ Paretspaꞌ eñoranaꞌtana Moisés, tharraña ñeñth yakmarpaꞌ ama yeñoteñe erroththeꞌña wapa.

San Juan 9:29 Iomraidhean Croise

San Mateo 12:24

Fariseoneshaꞌña allempo eꞌmareꞌchetpaꞌ ñetñapaꞌ ateth otyeset: —Attho kexhpatatyenan oneñethexhno acheñeneshaꞌ añakaꞌye awamenkath peneꞌ Beelzebú ñeñth pompor pen allowen oneñethexhno.

San Mateo 26:61

Ñetñapaꞌ ateth otoset: —Añ acheñer awañapaꞌ atethkaꞌye oten: “Napaꞌ atarr awamenkathen atthoch naꞌmaterrñañ Parets paꞌpakëll. Allothña pomaꞌpamtañopaꞌ oꞌch alla nathomater.” Ñapaꞌ atethkaꞌye otña allempo.

San Lucas 23:2

Allñapaꞌ atarr otteñeꞌchoset, tomaꞌtampesyesoset, ñeñthpaꞌ ateth otyesoset: —Ya añ acheñer xhokma yenteñ yexhatyenan yamoꞌtseshaxhno judioneshaꞌ ñeñth amaꞌt mameshapaꞌ ama kowenayaye, ñamha ateth oteney añoꞌch yetsaꞌtatsto impuesto ñeñth romoꞌmarneshakop ñeñth nen amhchaꞌtareth Romoth. Amaꞌt ñapaꞌ ateth otena ñapaꞌ ñoꞌ Cristotets ñoꞌ atarr amhchaꞌtarethtetsa arr.

San Juan 1:17

Ñoñets ñeñth ateth anareth awathotheñpaꞌ ñeñth kellkonay Moisés awath. Tharraña Jesucristopaꞌ ñaña orrtatoseꞌña moereñets ñamha ñapaꞌ añ orrtatonay ñoñets ñeñth eꞌñe poꞌñoxh Yompor poꞌñoñ alloch yekeshperra.

San Juan 7:27

Tharraña añpaꞌ yeñoteñkaꞌye alloth wena. Tharraña esempoch wapa ñeñthchaꞌ eꞌñe poꞌñoxh Cristotats ñapaꞌ amach eseshayeꞌ eñotapaye errothchaꞌ wapa.

San Juan 7:28

Jesúsña allempo yexhaten Parets paꞌpakllo, ñapaꞌ poerranaroth ateth otanet: —Sapaꞌ sechmeꞌtennoñtheꞌ, señotennoñtheꞌña na erroththeꞌ nowapa. Tharraña napaꞌ ama nothayeꞌ nowapo, eñallña ñeñth nellsenseꞌ; ñapaꞌ eꞌñe poꞌñoxh ñerraꞌm erroth ot, ama poenesho poꞌñoñ. Ñeñthña sapaꞌ ama señoteñeña sa.

San Juan 8:14

Jesúsñapaꞌ oterraneterr: —Tharraña amaꞌt nañeña aꞌpothetsapaꞌ attho naꞌpothenapaꞌ eꞌñe sherben. Tharroꞌmar napaꞌ neñoteñ alloth nowapa ñamha neñoteñ allchaꞌ neserr. Sañapaꞌ ama señotenno alloth nowapa ñeñthoꞌmarña ama señoteñe allchaꞌ neserr.

San Juan 9:16

Patantarrña fariseoneshaꞌpaꞌ ateth otyeset: —Ñeñth yakmarpaꞌ amatheꞌkaꞌye Partseshotheyeꞌ wapo ñeñthoꞌmar ama esoyeꞌ entenanoña ñeñth anareth patherr yeth allempokma yamesen. Poꞌpotantaññapaꞌ ateth otyeset: —Taꞌ, elloña ñerraꞌm ochñath acheñ amatheꞌ errothenoth orrtatonayeña partsoteñets. Atthoña eꞌñe all ellopaꞌtetstatet pokthaphña ñokop.

San Juan 9:24

Poepocheñopaꞌ alla xhoreꞌtereterr ñeñth poroꞌyeꞌchatseꞌth ateth otapet: —Theꞌ phapaꞌ oꞌch pekowentaterrñañ Yompor. Yapaꞌ yeñoteñ añ yakmapaꞌ atarrkaꞌye ochñath.

San Juan 9:30

Ñeñth poroꞌyeꞌchatseꞌthpaꞌ ateth oterraneterr: —Errothenothwakaꞌye ama señoteñetheꞌña erroththeꞌ wapaña amaꞌt napaꞌ oꞌkaꞌye eꞌñe kowen kowaterren.

Los Hechos 22:22

Ñeñtha otwa Pablopaꞌ añña acheñeneshaꞌ ñeñtha eꞌmoetpaꞌ oꞌwañ eꞌmhñochet. Oꞌ alla rrannarterreterr, ateth otet: —¡Semtseñakaꞌye! Ama pokteyaye oꞌch korra ñeñth ateth acheñ arr patsro.

Los Hechos 26:22

Tharraña Yomporpaꞌ awoꞌt aꞌnatna nanak attho themeꞌttsen nokrrena, atthoch neserrpareꞌtach allowen acheñeneshaꞌ —amaꞌt ñeñth ama esosheꞌmayaye, ñamha amaꞌt ñeñth amhchaꞌtarethneshaꞌ. Tharraña ama añeyeꞌ neyxhatenaneto ñeñth ama kowenayaye. Añña atthekma neyxhatenanet ateth serrpareꞌteꞌth amaꞌt ñeñth aꞌmhtayeꞌth Yompor poꞌñoñ awath. Ñeñthpaꞌ amaꞌt Moiséspaꞌ ateth oteꞌth ñeñthchaꞌ ateth perra esempo.

Los Hechos 7:35

‘Añña Yompor poꞌmhllañotheñer ñeñth orrtetsa all worten tsachmopaꞌ ñeñthña eñotateꞌ Moisés ateth moenen Yompor. Ñeñthoꞌmar yeñoteñ Yomporpaꞌ awoꞌt llesensan Moisés oꞌ alla moeñer pamoꞌtseshesho ñeñthchaꞌ amhchaꞌtarethtatsa ñokpoet ñamha ñeñthchaꞌ aꞌkeshphatawet alloth amoeroxhtatarethteteꞌth. Añ ñeñthara Moisés ñeñth ama pokteyeꞌ ento awaña pamoꞌts ñeñth otet awaña: “Eseshaꞌwañakaꞌ peneneꞌ pha amhchaꞌtareth arr yokop. Eseshaꞌwañakaꞌ photeneꞌ oꞌch phaꞌtsrreꞌmoxhta arr.”

Hebreos 1:1

Eꞌñe awathotheñ Yomporñapaꞌ xhokma eñoranaꞌtyesaneꞌth ñeñth poeyochreshaꞌ peꞌth ñeñthchaꞌ aꞌmhtaꞌyesayeꞌth poꞌñoñ ñeñthara profetaneshaꞌ. Eꞌñe paꞌnamenoth eñotatyesaneteꞌth. Ñetñapaꞌ oꞌch eñotatennayet yatañneshañ judioneshaꞌ ñeñth ateth otenanet Yompor.

Hebreos 1:2

Tharraña theꞌña yapaꞌ eꞌñe ña Poechemer oꞌ eñoranaꞌterrya ñeñth ateth eñoreññaña Yompor yokop. Ñewa, ñeñthpaꞌ ñeñthara Poechemer ñeñth Jesucristotets ñeñth neꞌth Pompor awathotheñ, ñach oꞌpatenaya allowen ñeñth ora allpon eñall, tharroꞌmar ña yexhkatapreteꞌ awath Pompor añ patser ñamha allowen ñeñth esokmañen paꞌnamen eñalletyestsa.