San Juan 9:26 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁶ Ñetñapaꞌ alla otereterr: —¿Errotheꞌtña perreph? ¿Errothenotheꞌtña oꞌ kowaterreph?

San Juan 9:26 Iomraidhean Croise

San Lucas 6:7

Acheñeneshaꞌña ñeñth atarr etsotayenayeñ ñoñets ñeñth ateth anareth epoet ñamha fariseoneshaꞌ ñetña allpaꞌ Jesúsa atarr kowanaꞌtyenet atthoch enteñeterr ñatoꞌrraña oꞌch aꞌkrratenanerr acheñ añe yethro allempokma amesenet. Ñerraꞌm oꞌch aꞌkrratenanerr amaꞌt poesheñarra acheñ añe yethro allempo amesenet, allempoñapaꞌ eshekchaꞌ aꞌmethampeñetaꞌ amhchaꞌtarethesho.

San Juan 9:10

Ñetñapaꞌ ateth otyeset: —¿Errothenotheꞌtña oꞌ pekwerr?

San Juan 9:15

Fariseoneshaꞌñapaꞌ ello alla otereterr: —¿Errothenotheꞌtña oꞌ kowaterrpet? Ñañapaꞌ ateth otosanet: —Añokaꞌye aꞌyaklleꞌcherrnet senmatso ñeñth aꞌxhaxhaꞌtareth epoet pats oꞌña neꞌpaklleꞌcherrapaꞌ allentha nekwerr.

San Juan 9:25

Ñañapaꞌ ateth oterraneterr: —Taꞌ, ñatoꞌ ochñatheñtheꞌ napaꞌ ama neñoteñe. Napaꞌ añakaꞌye neñoten napaꞌ aporoꞌyethen theꞌñapaꞌ oꞌ kowen nekwerr.

San Juan 9:27

Ñañapaꞌ oterraneterr: —Amaꞌtña napaꞌ oꞌkaꞌye notwas sañapaꞌ areꞌtña señoteñe. ¿Esoꞌmareꞌtña semneñ oꞌch alla noterrserr? Ñatoꞌ ¿añekoptheꞌ semneñ oꞌch yochreshaꞌtasa samha?