San Juan 9:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Patantarrña fariseoneshaꞌpaꞌ ateth otyeset: —Ñeñth yakmarpaꞌ amatheꞌkaꞌye Partseshotheyeꞌ wapo ñeñthoꞌmar ama esoyeꞌ entenanoña ñeñth anareth patherr yeth allempokma yamesen. Poꞌpotantaññapaꞌ ateth otyeset: —Taꞌ, elloña ñerraꞌm ochñath acheñ amatheꞌ errothenoth orrtatonayeña partsoteñets. Atthoña eꞌñe all ellopaꞌtetstatet pokthaphña ñokop.

San Juan 9:16 Iomraidhean Croise

San Mateo 12:10

Allñapaꞌ alloꞌtsen poesheñarr yakma ñeñth xha chellena pot. Fariseoneshaꞌñapaꞌ allentha aꞌphthoꞌchet: —Añe yethro allempokma yamesenpaꞌ taꞌm ¿pokteꞌtheꞌ penteñ oꞌch phaꞌkrrateñerr acheñ? Tharroꞌmar ateth aꞌphthoꞌteñet allochñapaꞌ eshekchaꞌ otteñeꞌchet.

San Mateo 12:2

Fariseoneshaꞌña ñeñth entawet ateth phaꞌnmoetpaꞌ ñetñapaꞌ allentha otyeset Jesús: —Pekweꞌñakaꞌyeña añ peyochreshaꞌ tasoꞌtampesyesnomoet trigo; ateth penet ñeñth ama pokteyaye oꞌch ateth yepha tarwasats añe yethro tharroꞌmar theꞌpaꞌ añe yethro ñeñth ateth anareth awathotheñ allempokmach yamesen.

San Lucas 13:14

Allempoña ñeñth amhchaꞌtarethtetsa all judioneshaꞌ poꞌprawo, ñapaꞌ allempo entan ateth oꞌ aꞌkrratan Jesús atsnañeth, ñañapaꞌ ñeñtha atarr atsrreꞌmateꞌ. Amaꞌt mameshapaꞌ ama pokteyeꞌ eñche oꞌch aꞌkrratan acheñ ñeñthe yethro allempo amesenet. Ñeñthoꞌmarña ñapaꞌ ateth otan acheñeneshaꞌ: —Eñall pechapmat yeth allempo pokteꞌ oꞌch yetarwasen. Ñeñthpaꞌ pokteꞌ oꞌch sewapa allempo atthoch saꞌkrrater atsnañeth. Tharraña añ yethro allempo yamesen amach sewapatsto aꞌkrrateꞌ atsnañeth.

San Juan 10:19

Ñeñth attho serrpareꞌtatenanet Jesús, allña judioneshaꞌpaꞌ ellopaꞌtetstatenet pokthaphña Jesúsokop.

San Juan 14:11

Sameꞌñaꞌna ñeñth notenes, napaꞌ eꞌñe neparrokmaten epan Apa, Apapaꞌxhoꞌña eꞌñe parrokmatenna. Amaꞌt napaꞌ ama ameꞌñaꞌpoyeꞌ sentenno tharraña attho poꞌñoxh norrtatyeññañ Nompor poꞌpartsoña amaꞌt ñeñthapaꞌ sameꞌñyañakaꞌye.

San Juan 15:24

Ñerraꞌm amach norrtatanetañe kowenñats ñeñth amaꞌt awatha poꞌpsheññexhnopaꞌ ama orrtataneteꞌthe eꞌñe atthothapaꞌ amatheꞌ eñallñeña atthoch neyowaꞌyesanet poꞌchñarothet. Tharraña theꞌña ñetpaꞌ amaꞌt eꞌñe entennetañpaꞌ xhaña eꞌmoñeꞌtennet ñamha Nomporeꞌna eꞌmoñeꞌtennanet.

San Juan 2:11

All ñanom entatanet Jesús poꞌpartsoñapaꞌ ñeñthpaꞌ arr Cano allara Galileo. Atthokaꞌyeña orrtatanetña Jesús poꞌpartsoteña. Allempoña poeyochreshaꞌpaꞌ oꞌ eñochet poꞌñoxhepaꞌt ñapaꞌ Parets atthoña eꞌñe ameꞌñyet.

San Juan 3:2

Ñañapaꞌ wapa Jesúsesho tsapopaꞌ ateth otos: —Maestrochaꞌ yeñoteneph phapaꞌ añ pellsenseneꞌ Yompor atthoch peyxhatosey kowen tharroꞌmar yapaꞌ yeñoteñ añach orrtatyeneꞌ partsoteñets ñeñth awamenkath pen Yompor.

San Juan 5:10

Ñeñthoꞌmarña judioneshaꞌpaꞌ ateth ochet ñeñth oꞌ korrerra: —Theꞌ añe yethro allempokma yamesen. Amakaꞌye pokteyaye oꞌch phanen pemoeꞌ.

San Juan 5:36

Tharraña ateth naꞌpothen napaꞌ ñeñthña nanak sherbets. Ello metanenan ñeñth ateth aꞌpothan na Juan. Allowen es nephaꞌyen ñeñth ateth yechenna Apa oꞌch eꞌñe netsotoñ, añ netsotateñpaꞌ ñeñthña oꞌ eñotatanet napaꞌ Apa nellsenseneꞌ.

San Juan 6:52

Judioneshaꞌñapaꞌ ñeñthoꞌmaraxhoꞌ es otannaꞌtyeset. Ñetñapaꞌ ateth otyeset: —Errothenothwachñakaꞌ apoeyña eꞌñe ña poꞌchets ñeñthchaꞌ yerraꞌ.

San Juan 7:12

Allña acheñeneshaꞌpaꞌ shonteꞌ eñosyenet ñokop. Patantaꞌtetspaꞌ ateth otyenet: “Ñapaꞌ eꞌñe kowen acheñer”; poꞌpotantañexhnopaꞌ ateth otyenet: “Amakaꞌye kowenayaye, atthakaꞌye shekareꞌtyenan acheñeneshaꞌ.”

San Juan 7:23

Attho sapaꞌ setsorrateñ asheñorrotholl amaꞌt añ yethro allempokma yamesen atthoch amach sathpoeno ñoñets ñeñth ateth anareth Moisésoth, ñeñthepñapaꞌ esoꞌmarwañakaꞌyeña seꞌmoñeꞌtenenña na allempo eꞌñe naꞌkrraten poesheñarr acheñ añ yethro allempokma yamesen.

San Juan 7:43

Ñeñthoꞌmarña allowen acheñeneshaꞌpaꞌ ellopaꞌtetstatenet pokthaphña Jesúsokop.

San Juan 9:24

Poepocheñopaꞌ alla xhoreꞌtereterr ñeñth poroꞌyeꞌchatseꞌth ateth otapet: —Theꞌ phapaꞌ oꞌch pekowentaterrñañ Yompor. Yapaꞌ yeñoteñ añ yakmapaꞌ atarrkaꞌye ochñath.

Los Hechos 14:4

Attheñapaꞌ añña patantarr acheñeneshaꞌpaꞌ eꞌñe kowen enteñet ateth serrpareꞌtatanet Pablo ñamha Bernabé. Tharraña poꞌpotantaññapaꞌ ama. Ñetñapaꞌ aña ameꞌñatawet judioneshaꞌ. Ñeñthoꞌmarña ama pathrrayeꞌ kothapeꞌchenoña acheñeneshaꞌ all.