San Juan 8:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Ñetñapaꞌ oꞌ eꞌmet ateth otanet Jesúspaꞌ eꞌñe akophotheñ awanemwerret eꞌñe poesheñaꞌttset. Añ ñanom awanerrtsa poꞌnmeneshaxhno, atthothapaꞌ oꞌ ñapthamha Jesús epoet koyaneshaꞌ.

San Juan 8:9 Iomraidhean Croise

San Lucas 13:17

Acheñeneshaꞌ allowen ñeñth eꞌmoñeꞌteneꞌ ñetpaꞌ ñeñthña atarr penkatawet. Poꞌpotantañña acheñeneshaxhnopaꞌ ñetñapaꞌ atarr nanak koshenet. Atarr nanak kowen entenet ñeñth ateth pha Jesús.

San Juan 8:10

Jesúsña echanterrerrpaꞌ ateth otan koyaneshaꞌ: —Noxheshachaꞌ, ¿erroꞌtsaꞌyenetaꞌtña? Amaꞌt poesheñarrotheta ñetpaꞌ areꞌtchaꞌña koñchatape.

San Juan 8:12

Jesúsña poꞌpocheñopaꞌ serrpareꞌtaterranerr acheñeneshaꞌ, ñeñthpaꞌ ateth oterraneterr: —Napaꞌ na ñeñthen aꞌpoetarsampeneꞌ acheñeneshaꞌ pokthaphña añe patsro. Eseshaꞌch noktherreꞌ oꞌwañchaꞌ alloꞌna kothapeꞌchatnenanet pokthaphña ñeñth atarr sosyaꞌtsañ; ñeñthpaꞌ chekmeta chopeñeꞌchyenet. Ñetñapaꞌ Yomporchaꞌ poꞌkowenño korrerret ñeñthara ñeñth poetarets.

San Juan 8:2

Tsapathña poꞌpocheño eꞌñe awathekma alla xhenerr Parets paꞌpakllo. Shonteꞌ acheñeneshaꞌ alla waxheneterr ñesho. Ñañapaꞌ anorros allña yexhatenaneterr.

San Juan 8:3

Ñeñthña etsotayenayeñ ñoñets ñeñth ateth anareth judioneshakop ñamha fariseoneshaꞌ ñetñapaꞌ wapatoñet poesheñarr koyaneshaꞌ ñeñth rromoet all eñchet chetapretenan poꞌpsheñeñ pakma poerrollar. Nosñañet eꞌñe rroxho.

San Juan 8:8

Alla moꞌkërrerr oꞌ alla kellkërranerr pats potapho.

Romanos 2:15

Ñeñth ateth phaꞌyeneꞌ ñeñth kowentetsa, yapaꞌ yeñoteñ poeyoxhretoña eñoteñet ñeñth ateth kowentetsa, ñeñthara ñeñth ateth oten Yompor poꞌñoñ ñeñth oꞌ anarethetwa. Ñewa, oꞌch yetmaꞌntacha ateth ñerraꞌmrratheꞌ Yompor poꞌñoñpaꞌ eꞌñech poeyoxhreto akellkarethtena. Tharroꞌmar eꞌñe ñet poeyoxhretothpaꞌ eñotenet ñerraꞌm esempopaꞌ oꞌch phowerret ñeñth ama kowenayaye, ñamha eñotenet ñerraꞌm esempopaꞌ oꞌch ateth penet ñamha ñeñth eꞌñe kowen.

Romanos 2:22

Ñamha sapaꞌ amaꞌt seserrpareneñ attho amoꞌ achtapretpawo thaporets, tharraña elloña sapaꞌ xhokma sapretannena sethapor. Ñamha sapaꞌ amaꞌt setsenaꞌteneñ ñeñth ayexhkatareth, tharraña sañapaꞌ awoꞌt seyorayesña poerawoth ñeñth atarr koxhneshaꞌ ñeñth allo arkaꞌtampenet ñeñth poꞌyoser penet. Ñeñth ateth etetspaꞌ ñeñthpaꞌxhoꞌña atthekma enteñ Yompor ama aphapawoyaye ateth.

1 San Juan 3:20

Tharroꞌmar ñerraꞌm ama eꞌñe yeñmañeshokmayeꞌ es yephaꞌyeno Yomporekop, Yomporñapaꞌ elloña eꞌñe poꞌñoxh ateth eñoteney tharroꞌmar ñapaꞌ ña atarr eñotañeshaꞌ.