San Juan 8:56 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁶ Abraham ñeñth sa satañpaꞌ atarr nanak kosha allempo eñoch oꞌ xhap allempo ñeñth poktetsa nokop oꞌch nowapa arr patsro. Allempoña eñoch napaꞌ oꞌ nexhap arr patsro atarr nanak kosha.

San Juan 8:56 Iomraidhean Croise

San Mateo 13:17

Poꞌñoxhkaꞌye notenes eꞌñe awathotheñpaꞌ shonteꞌ ñeñth aꞌmhtaꞌyesayeꞌth Yompor poꞌñoñ amaꞌt ñamha ñeñth eꞌñe pokteꞌ es phaꞌyestseꞌth allempo, ñetñapaꞌ atarr moenetañeꞌth oꞌch enterrñañetañ Yompor poꞌkowenña ñeñth oꞌ senter sa theꞌ. Tharraña allempo ñetpaꞌ amaña eseshayeꞌña enterrapaye Yompor poꞌkowenña. Amaꞌt atarr moenetañeꞌth oꞌch eꞌmhñoterrñañet Yompor poꞌñoñ ñeñth oꞌ seꞌmoerr sa theꞌ. Tharraña allempo ñetpaꞌ amaña eseshayeꞌña eꞌmoerrapayeña Yompor poꞌñoñ.

San Lucas 10:24

Poꞌñoxhkaꞌye notenes eꞌñe awathotheñpaꞌ shonteꞌ ñeñth aꞌmhtaꞌyesayeꞌth Yompor poꞌñoñ amaꞌt ñamha ñeñth amhchaꞌtarethtatseꞌth allempo, ñetñapaꞌ atarr moenetañeꞌth oꞌch enterrñañetañ Yompor poꞌkowenña ñeñth oꞌ senterr sa theꞌ. Tharraña allempo ñetpaꞌ amaña eseshayeꞌña enterrapaye Yompor poꞌkowenña. Amaꞌt atarr moenetañeꞌth oꞌch eꞌmhñoterrñañet Yompor poꞌñoñ ñeñth oꞌ seꞌmoerr sa theꞌ tharraña allempo ñetpaꞌ amaña eseshayeꞌña eꞌmoerrapayeña Yompor poꞌñoñ.

San Juan 10:25

Jesúsñapaꞌ ateth otanet: —Amaꞌt notatstas sapaꞌ amachkaꞌ sameꞌñaꞌno. Napaꞌ eꞌñe neyemteñoth Apa ateth es nephaꞌyen. Ñeñth norrtatyenpaꞌ ñeñthchaꞌña señotateꞌ napaꞌ ñeñthen Cristotets.

San Juan 8:37

Na poꞌñoxhpaꞌ neñotenes sapaꞌ poꞌmhrenñeseñ Abrahampaꞌ tharraña sapaꞌ aña semnen oꞌch semtsan. Tharroꞌmar neñoñpaꞌ amaꞌt mameshapaꞌ ama xhennaso sa seyoxhro.

San Juan 8:39

Alla otereterr: —Ya yatañpaꞌ Abrahamkaꞌye. Jesúsñapaꞌ ateth oterraneterr: —Sapaꞌ ñerraꞌm poꞌñoxh Abraham poꞌmhrenñeseñ sokthapeꞌcheneñtheꞌ ateth eꞌñe kowen kothapeꞌcheꞌth Abraham.

Hebreos 11:13

Ñeñthet allponet atarr yemoetnomoet Yompor amaꞌt allempo Yomporpaꞌ ama apoenanetaꞌ ñeñth patser ñeñth oꞌpatataneteꞌth. Tharraña amaꞌt ama aparethterretaꞌ ñeñth patser ñeñth oꞌpatataneteꞌth Yompor, ñetñapaꞌ poeyemoetneñothet Yompor eñoteñet ñetpaꞌ aparethterretchaꞌ ñeñthchaꞌ poꞌñoxh paꞌnetser perret. Ñeñthchaꞌ atarr koshaterrawet. Tharroꞌmarña ñetpaꞌ eñoteñet añ patser poꞌñoxh ama paꞌnetsreyeꞌ peñeto. Ñetpaꞌ awapñanesheta entenet arr patsro.

Hebreos 11:39

Allowenet ñeñthet atarr yemteteꞌth Yompor awath, Yomporñapaꞌ eꞌñe kowen entaneteꞌth, tharraña ñetpaꞌ amaña enterretoña ora allpon ñeñth ateth otaneteꞌth Yompor awath ñeñthchaꞌ ateth apoerranet.