San Juan 8:55 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁵ Sapaꞌ amakaꞌye señoteñe tharraña napaꞌ neñoteñkaꞌye. Ñerraꞌm na otetseñ ama neñoteñe napaꞌxhoꞌña attheneñtheꞌ ñerraꞌm sa, xhatheꞌ neshkareꞌtensoñ. Napaꞌ eꞌñe poꞌñoxh neñoteñ ñeñthoꞌmar xhokma nokthapeꞌcheññañ poꞌñoñ.

San Juan 8:55 Iomraidhean Croise

San Mateo 11:27

Jesúspaꞌ alla oterranerr acheñeneshaꞌ: —Nompor allowen poꞌkowenña eꞌñe eñotatwenen. Na ñeñthen Poechemerenpaꞌ ama poꞌñoxh eseshayeꞌ neñotenaye, ñapthaña Nompor eꞌñe eñotenen. Nomporpaꞌxhoꞌña ama poꞌñoxh eseshayeꞌ eñotenaye napthaña na ñeñthen Poechemeren eꞌñe neñoteñ Nompor, ñamha erraꞌtsenchaꞌ ñeñth eꞌñe pokteꞌ nenten na ñeñthen Poechemeren ñeñthñapaꞌ oꞌch neñotater Nompor.

San Lucas 10:22

‘Nompor allowen poꞌkowenña eꞌñe eñotatwenen. Na ñeñthen Poechemerenpaꞌ ama poꞌñoxh eseshayeꞌ neñotenaye, ñapthaña Nompor eñotenen. Nomporpaꞌxhoꞌña ama poꞌnoxh eseshayeꞌ eñotenaye, napthaña na ñeñthen Poechemeren eꞌñe neñoteñ Nompor, ñamha erraꞌtsenchaꞌ ñeñth eꞌñe pokteꞌ nenten na ñeñthen Poechemeren ñeñthñapaꞌ oꞌch neñotater Nompor.

San Juan 1:18

Yompor Paretspaꞌ amaꞌt awathapaꞌ ama eseshayeꞌ poentare. Poꞌpathrrorña ñeñth Cristotosets ñeñthpaꞌxhoꞌña Parets ñeñth eꞌñe parro atthekmoet; ñapaꞌ ña yeñotaterreꞌña ateth penaña Pompor Parets.

San Juan 10:15

Ateth pena Apa eꞌñe eñotenen, nañapaꞌ eꞌñe neñoteñ namha Apa. Napaꞌ eꞌñe nañeña oꞌch naꞌrroyerra atthoch nerroma necarnerorekop.

San Juan 15:10

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

San Juan 15:21

Ñeñthpaꞌ atethchaꞌ perrset tharroꞌmar sapaꞌ nakaꞌye sameꞌñena tharroꞌmar ama eseshayeꞌ eñotenaye Yompor ñeñth nellsenseneꞌ.

San Juan 16:3

Ñeñthpaꞌ tharroꞌmarchaꞌ ateth phaset ñetpaꞌ ama eseshayeꞌ eñotenaye Apa amaꞌt napaꞌ ama eñotenneto.

San Juan 17:25

Apa, pha ñeñtheph eꞌñe pokteꞌ es pets, acheñeneshaꞌ ñeñth ama ameꞌñetso arr patsro ñetpaꞌ ama eñotenpeto. Nañapaꞌ eꞌñe poꞌñoxh neñoteneph. Añña ñeñth eꞌñe neyemtenaya ñetñapaꞌ eñotenpet phapaꞌ pha nellsenseneꞌ.

San Juan 6:46

‘Amaꞌt eseshapaꞌ ama poentareto Apa. Napthaña na ñeñthen wapatsa Yomporeshoth nentarkaꞌyeña Apa.

San Juan 8:19

Ñetñapaꞌ ateth otereterr: —¿Erroꞌtsenaꞌtña pha Phompor? Jesúsñapaꞌ ateth oterraneterr: —Amaꞌt napaꞌ ama señotenno, Apapaꞌxhoꞌ ama señoteñe. Ñerraꞌm señotennoñ na Nomporeꞌnatheꞌ señoteneñ.

San Juan 8:29

Ñeñth nellsenseneꞌ ñapaꞌ eꞌñe parroꞌtsenen. Ama aꞌmontsenno, tharroꞌmar napaꞌ eꞌñe xhokma ateth nepena ñeñth moenen ña.

San Juan 8:44

Sapaꞌ oneñethakaꞌye ñeñth sompor sepen. Ñeñthoꞌmarña sapaꞌ aña semnen oꞌch sepha ñeñth moenen sompor. Ñapaꞌ awathotheñ eꞌñe paꞌmothrotheñ amtsañta. Ñapaꞌ amaꞌt mameshapaꞌ ama eñoraꞌpenoña Yompor poꞌñoñ ñeñth eꞌñe poꞌñoxh tharroꞌmar ñoñets ñeñth eꞌñe poꞌñoxhpaꞌ amakaꞌye atanenoña ña poeyoxhro. Ñerraꞌm xho eñorenapaꞌ, shekëñtsach eñorena tharroꞌmar ñapaꞌ eꞌñe shekëñtsa eñoten. Poꞌñoxh sekëñetspaꞌ pomporkaꞌ penanña oneñeth.

San Juan 8:51

Poꞌñoxhkaꞌ notenes: Ñerraꞌm eseshaꞌ eꞌñe kothapeꞌcherreꞌ neñoñpaꞌ ñetña amaꞌt awathapaꞌ amach eꞌñe poktakma rromoerreto.

San Juan 8:52

Judioneshaꞌñapaꞌ alla otereterr: —Theꞌña poꞌñoxh yapaꞌ oꞌ yeñotaph phapaꞌ xha chorrenpha oneñeth. Amaꞌt Abrahampaꞌ oꞌ rromoen ñamha ñeñth aꞌmhtaꞌyesayeꞌth Yompor poꞌñoñ ñeñthpaꞌxhoꞌña oꞌ kollaꞌwenet. Theꞌña phapaꞌ ateth photeney eseshoꞌch kothapeꞌcherreꞌ peñoñpaꞌ amaꞌt awathapaꞌ añoꞌch rromoerreto.

Los Hechos 17:23

All naswanempaꞌ shonteꞌ nentyesnom ñeñth semaꞌyochyena ñeñth seyomporer sepen. Patherr allekma semaꞌyochenapaꞌ napaꞌ nent all oten añ ñoñets: “Añpaꞌ añekop Yompor ñeñth ama yeñotenaꞌ.” Ñeñth semaꞌyochena ñeñth ama señotenaꞌpaꞌ ñeñthara Yompor theꞌpaꞌ ñeñthchaꞌña neserrpareꞌtatas.

2 Corintios 4:6

Ñewa, yapaꞌ yeñoteñ ateth ot awath Yompor, ñeñthpaꞌ ateth ot: “Eñalletepaꞌch poetareꞌ allochñapaꞌ oꞌwañchaꞌ chekmet.” Ñeñthara Yompor theꞌñapaꞌ oꞌ aꞌpoetarsamperrnay yamha yeyoxher allochñapaꞌ atthoch yeñotater poꞌpotantañ acheñeneshaꞌ attho Cristopaꞌ ña orrtateneꞌ Pompor poꞌkowenña.

1 San Juan 1:6

Yapaꞌ amaꞌt yoteneñ oꞌ eꞌñe yeparrokmaterr epay Yompor, tharraña ñerraꞌm ora yorrtatyen ñeñth ama kowenayeꞌ enteno ña, yañapaꞌ attha yeshkën. Ñeñthoꞌmarchaꞌña xhach yottena ñerraꞌm chekmeta yechopeꞌchen tharroꞌmar ama eꞌñe yeyxhenaꞌ ñeñth eꞌñe poꞌñoxh kowen enten Yompor.

1 San Juan 2:22

Theꞌña sapaꞌ señochepaꞌch ñeñth atarr nanak ashkañtetsapaꞌ ñeñthkaꞌyeña otets Jesúspaꞌ añoꞌ Cristoyaye ñeñth atarr yekwen ya awathotheñ ñeñthchaꞌ llesenserr Yompor. Ñeñthoꞌmarña ñetpaꞌ xha eꞌmoñeꞌteñetña Cristo, ama xhoyeꞌ ameꞌñeñeto, Pomporeꞌnaña ama ameꞌñeññañeto, xha aꞌnasoteñet.

1 San Juan 2:4

Ñeñth otets, ñapaꞌ eꞌñoꞌ eñoteñ ateth pena Yompor, ñerraꞌm atthera athpareꞌtenan Yompor poꞌñoñ ñeñth ateth oteney, ñeñthña ateth otetspaꞌ ñapaꞌ atthakaꞌye shekën. Amaꞌt eꞌñe mameshapaꞌ ama xheññañoña Yompor poꞌñoñ poeyoxhro ñeñth eꞌñe poꞌñoxh ateth oteney.

1 San Juan 5:10

Ñerraꞌm eseshaꞌch ameꞌñerraya Yompor Poechemer, ñeñthñapaꞌ echerranchaꞌ eꞌñe ña poeyoxhro ñeñthchaꞌ eñotaterreꞌ eꞌñe pokteꞌ oꞌch eꞌñe yemterrana Jesucristo ñeñth eꞌñe poꞌñoxh Yompor Poechemer. Ñeñthña ama ameꞌñenayo Yomporpaꞌ xha ottatateñ ñerraꞌmrratheꞌ ñapaꞌ atarr ashkañ tharroꞌmar ñeñth acheñerpaꞌ ama ameꞌñenano Yompor ñeñth ateth eñotateney Poechemerekop.

El Apocalipsis 3:9

Ñamha añña ñeñth otetseñ ñetpaꞌ judioneshetoꞌ —ñewa, ñetpaꞌ ama Yomporeyeꞌ poeyochreshaꞌ penaweto tharroꞌmar ñetpaꞌ aña poeyochreshaꞌ penawet oneñeth, ñetpaꞌ attha shekareꞌtenset. Tharraña ñetña theꞌpaꞌ oꞌch nameꞌñatanet allochñapaꞌ oꞌch xhapanet poeyoxhreto sapaꞌ ñeñthes atarr nemorrentena. Ñeñthoꞌmarña ñetpaꞌ oꞌch wapoet sesho oꞌch konkorposet alloꞌtsenes.