San Juan 8:51 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵¹ Poꞌñoxhkaꞌ notenes: Ñerraꞌm eseshaꞌ eꞌñe kothapeꞌcherreꞌ neñoñpaꞌ ñetña amaꞌt awathapaꞌ amach eꞌñe poktakma rromoerreto.

San Juan 8:51 Iomraidhean Croise

San Mateo 16:28

Poꞌñoxhkaꞌ theꞌpaꞌ oꞌch notas, patantaꞌttsos ñeñthes arroꞌtsaꞌyenes amaꞌt ama serromwenaꞌpaꞌ oꞌ senterrñañ Yompor poꞌkowenña attho napaꞌ Ñeñthen Acheñetosetspaꞌ atarrchaꞌ naꞌyochreshathterra.

San Juan 14:23

Jesúsñapaꞌ ateth oterraneterr: —Ñerraꞌm eseshaꞌch nemorrentaya na eꞌñechña ateth perret ñeñth ateth notenanet. Apañapaꞌ atarrchaꞌ morrentenanet. Ñeshetoñapaꞌ yexhapchaꞌ atthoch yeyxherra ñet poeyoxhreto.

San Juan 15:20

Seyerpach añ ñoñtsor ñeñth oꞌ notwas: “Allowen ñeñth yochreshats errothenchaꞌ perrñañet ñeñth yochreshaꞌtenawet, ñetpaꞌxhoꞌña eꞌñech atthekma apharethterret ñamet.” Attho napaꞌ kothareꞌtennet poeꞌmoñeꞌteñothetan, sapaꞌxhoꞌña poeꞌmoñeꞌteñothetaspaꞌ kothareꞌtasetchaꞌ samha. Attho napaꞌ ama ameꞌñerrnaneto neñoñ, sapaꞌxhoꞌña amach ameꞌñerrnaseto samha señoñ.

San Juan 17:6

‘Allowen acheñ ñeñth neyochreshaꞌ pephatenen nañapaꞌ añ neñotatenanet ñeñth ateth pepena pha tharroꞌmar ñetpaꞌ ñeñthet eꞌñe allpona phoꞌpatatna arr patsro. Ñetñapaꞌ pepaꞌtña oꞌpatenawet ñeñthchaꞌ neyochreshaꞌ pephaten namha. Theꞌña ñetpaꞌ eꞌñe ameꞌñerrnapet peñoñ.

San Juan 5:24

‘Napaꞌ eꞌñe poꞌñoxh ateth notenes: Ñerraꞌm eseshaꞌ eꞌmhñoteꞌ neñoñ ñamha ñerraꞌm yemterrnanet Nompor ñeñth nellsenseneꞌ ñetñapaꞌ korretsetach poksheñeshokmañen thayotheñ errponañowen. Amach aꞌkoñchatarethterreto amaꞌt errponaña. Tharroꞌmarña ñetpaꞌ oꞌ metanerretña ñeñth eꞌñe poꞌñoxh rromoeñets, oꞌ xherret allña ñetpaꞌ korretsetach thayothen errponañowen.

San Juan 6:50

Tharraña ñeñthen soteneꞌ theꞌ ñeñthña eꞌñe poꞌñoxh sokrramh ñeñthen wapatsa entoth allochñapaꞌ eseshaꞌch rreꞌpaꞌ ñetñapaꞌ korretsetach thayotheñ eꞌñe errponañowen.

San Juan 8:12

Jesúsña poꞌpocheñopaꞌ serrpareꞌtaterranerr acheñeneshaꞌ, ñeñthpaꞌ ateth oterraneterr: —Napaꞌ na ñeñthen aꞌpoetarsampeneꞌ acheñeneshaꞌ pokthaphña añe patsro. Eseshaꞌch noktherreꞌ oꞌwañchaꞌ alloꞌna kothapeꞌchatnenanet pokthaphña ñeñth atarr sosyaꞌtsañ; ñeñthpaꞌ chekmeta chopeñeꞌchyenet. Ñetñapaꞌ Yomporchaꞌ poꞌkowenño korrerret ñeñthara ñeñth poetarets.

San Juan 8:52

Judioneshaꞌñapaꞌ alla otereterr: —Theꞌña poꞌñoxh yapaꞌ oꞌ yeñotaph phapaꞌ xha chorrenpha oneñeth. Amaꞌt Abrahampaꞌ oꞌ rromoen ñamha ñeñth aꞌmhtaꞌyesayeꞌth Yompor poꞌñoñ ñeñthpaꞌxhoꞌña oꞌ kollaꞌwenet. Theꞌña phapaꞌ ateth photeney eseshoꞌch kothapeꞌcherreꞌ peñoñpaꞌ amaꞌt awathapaꞌ añoꞌch rromoerreto.

San Juan 8:55

Sapaꞌ amakaꞌye señoteñe tharraña napaꞌ neñoteñkaꞌye. Ñerraꞌm na otetseñ ama neñoteñe napaꞌxhoꞌña attheneñtheꞌ ñerraꞌm sa, xhatheꞌ neshkareꞌtensoñ. Napaꞌ eꞌñe poꞌñoxh neñoteñ ñeñthoꞌmar xhokma nokthapeꞌcheññañ poꞌñoñ.

Hebreos 11:5

Ñamha awath Enoc ñeñth atarr kowen yemtayeꞌth Yompor, ñapaꞌ eꞌñe ora aner Yompor poeꞌntaño eꞌñe bethnathoth. Ñapaꞌ ama xhoyeꞌ rromo arr patsro. Eꞌñe attha aꞌchenkach pamoꞌtseshaꞌ ama eseshaꞌ enterraye tharroꞌmar Yompor errayaꞌ. Ñewa, allempo ama aꞌtapateraꞌ Yompor poeꞌntaño ñapaꞌ atarr kowen koshataneꞌth Yompor allempo añe patsroꞌtsen, tharroꞌmar ñeñthpaꞌ ateth oten Yompor poꞌñoñ ñeñth akellkareth.

Hebreos 2:9

Tharraña eꞌñe yeñoteñ poesheñarr ñeñth arromñathekoptartostsa ñeñth ateth phostsa ñeñthkaꞌyeña Jesús. Allempo acheñetos arr patsro Pomporña moenateꞌ amach tama awamenkathtoso ateth atarr awamenkathtena mellañotheñnaneshaꞌ. Tharraña ñeñthpaꞌ mamekpa ateth moenach atthoch eꞌñe arromñathekoptartosa arr patsro. Ñeñthpaꞌ añekopña ateth pha atthoch moeroxhtosa oꞌch rromos allowenakpay ñeñthey arromñatheneshaꞌ. Yompor eꞌñe poemoereñothey ya atthoña moenatan Poechemer oꞌch rroma yokop. Ñeñthoꞌmarña Pomporpaꞌ oꞌ alla atarr kowentaterran Poechemer allempo oꞌ alla ner ñeñthchaꞌ atarr amhchaꞌtarethterrtsa.