San Juan 8:46 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁶ Amaꞌt poesheñarrothesa sa, napaꞌ amach errothenoth sotno napaꞌ eñalloꞌ noꞌchñar. Attho napaꞌ añ notenes ñeñth eꞌñe poꞌñoxh esoꞌmareꞌtña sañapaꞌ ama sameꞌñenno.

San Juan 8:46 Iomraidhean Croise

San Mateo 21:25

Sapaꞌxhoꞌña oꞌch sotosen, awañmoꞌcha allempo apateꞌth Juanañ Yomporekop, ñapaꞌ ¿eseshaꞌtña llesenseꞌ ñatoꞌ Yompor amapaꞌ acheñatheꞌ apoeꞌña llesens? Nemnen oꞌch sotosen ñeñth ateth sokthapeꞌchen sa. Ñetñapaꞌ eꞌñe aꞌnawa otannaꞌtyeset: —Taꞌm errothchaꞌkaꞌye yochtheꞌ. Ñerraꞌm xha yoch Yomporeshothkaꞌye apetña llesens, ñapaꞌ xhatheꞌkaꞌye otey: “Ñewa, sañapaꞌ esoꞌmareꞌtña ama seꞌmhñocheña awaña allempo serrpareꞌtatosan acheñeneshaꞌ.”

San Marcos 11:31

Ñetñapaꞌ eꞌñe aꞌnawa otannaꞌtyeset: —Taꞌm errothchaꞌkaꞌye yochtheꞌ. Ñerraꞌm xha yoch Yomporeshothkaꞌye apetña llesens, ñapaꞌ xhatheꞌkaꞌye otey: “Ñewa, sañapaꞌ esoꞌmareꞌtña ama seꞌmhñocheña awaña allempo serrpareꞌtatosan acheñeneshaꞌ.”

San Juan 14:30

‘Theꞌ eꞌñe parroꞌtseneypaꞌ oꞌwañchaꞌ alloꞌna neñosnen shonteꞌ tharroꞌmar oꞌ wapmocha oneñeth ñeñth paꞌmhchaꞌtarether pen acheñeneshaꞌ arr patsro. Tharraña amaꞌt oꞌ wapañpaꞌ eꞌñe ñothapaꞌ amach erroth phosno.

San Juan 15:10

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

San Juan 16:8

Ñerraꞌm esempoch wapa Yompor Poekamkëñ acheñeneshaꞌña arr patsropaꞌ ñachña xhapatawetña poeyoxhreto atthoch eñochet ñet poꞌñoxhepaꞌt eñallet poꞌchñaret. Ñamha añchaꞌña xhapatanet poeyoxhreto ñeñth eꞌñe pokteꞌ entyen Yompor. Ñamha añchaꞌña xhapatanet poeyoxhreto atthoch ñetpaꞌ eñoteretchaꞌ poꞌñoxhpaꞌ koñcheñtsach amñarethterret ñeñth ama nameꞌñenayo na ñeñthen Yompor Poechemeren.

San Juan 18:37

Pilatoñapaꞌ ateth otererr: —Ñeñthepñapaꞌ pepaꞌtkaꞌyeña amhchaꞌtareth. Jesúsñapaꞌ ateth otererr: —Na poꞌñoxhpaꞌ amhchaꞌtarethenkaꞌye eꞌñe ateth photenen pha. Napaꞌ ñeñthoꞌmarña neꞌñalletosa añe patsro atthoch nach aꞌpothoseꞌ ñeñth eꞌñe poꞌñoxh Yompor pokthaphña. Allowen ñeñth moeneneꞌ ñeñth eꞌñe poꞌñoxh Yompor pokthaphña, ñetñapaꞌ eꞌmhñotennet.

San Juan 8:47

Erraꞌtsentheꞌ Yomporenaꞌtarpaꞌ ñetñapaꞌ xhochkaꞌye eꞌmhñoteññañet Yompor poꞌñoñ. Ñeñthoꞌmarña sapaꞌ ama seꞌmhñoteññañe poꞌñoñ, amakaꞌye Yomporenaꞌtareyayso.

San Juan 8:7

Ñetñapaꞌ alla aꞌphthoꞌtereterr. Jesúsña echanterrtsapaꞌ ateth otanet: —Ñerraꞌm erraꞌtsenothestheꞌ ama eñalle soꞌchñarpaꞌ sarrolleꞌchkaꞌye sanom.

2 Corintios 5:21

Añ ñeñthara Cristo ñapaꞌ amaꞌt parrochapaꞌ ama phano ñeñth ama pokteyeꞌ enteno Pompor Parets, tharraña Pomporñapaꞌ awoꞌt moenateñ oꞌch ateth apharethta ñerraꞌmrratheꞌ acheñ ñeñth atarr ochñath. Tharraña ñeñth attho apharethtapaꞌ ñeñthpaꞌ eꞌñe yokop. Allochñapaꞌ eꞌñe yeyemteñoth Poechemer Cristo, Pomporña yapoerreꞌ alloch eꞌñe pokteꞌ enterrey.

Hebreos 4:15

Tharroꞌmar Jesús ñeñth Yekorneshar yepen ñapaꞌ eꞌñe eñoteñ atthoch eꞌñe kowen llekapretenya allempo ama eꞌñeyeꞌ womenkayeꞌ yenteno yeyoxhro. Tharroꞌmar ñapaꞌxhoꞌña atthekma wapoñeꞌth allowen paꞌnamen topateñets, eꞌñe ateth yepena ya theꞌ xhokma wennaya paꞌnamen topateñets. Tharraña ñapaꞌ amaꞌt paꞌnamen wapoyeꞌth topateñets, ñapaꞌ amaꞌt parrocha ama phano ñeñth ama pokteyeꞌ enteno Pompor.

Hebreos 7:26

Ñeñthpaꞌ eꞌñekaꞌye pokteꞌña yokop oꞌch yechen Yekorneshar ñeñth Cristo tharroꞌmar ñapaꞌ eꞌñe kowen Parets, ama eñalle poꞌchñar amaꞌt mamesha ñeñthchaꞌ aꞌsosyateneꞌ. Ñapaꞌ oꞌ sowanerran allowen ñeñth kotheneꞌ sosyaꞌtsañ oꞌ alla xherr allowanen Yompor poeꞌntaño allña partsotapretenan Pompor.

1 San Pedro 2:22

Ñapaꞌ ama eñalletataneꞌthe poꞌchñar amaꞌt koñeꞌtha. Ñapaꞌ ama shekaꞌyeꞌthe amaꞌt parrocha.