San Juan 8:43 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴³ Esoꞌmareꞌtña sapaꞌ ama xhennasoña seyoxhro ñeñth notenes. Ñatoꞌ tharroꞌmartheꞌña ama semno oꞌch seꞌmhñoten ñeñth ateth notenes.

San Juan 8:43 Iomraidhean Croise

San Mateo 13:15

Tharroꞌmar ñeñth acheñeneshar theꞌña ñet poeyoxhretopaꞌ nanak echarrtenet atthochña amach es xhenaweto poeyoxhreto. Theꞌña ñetpaꞌ amach moeneñeto oꞌch es eꞌmhñotet thayeꞌtoꞌtheꞌ es xhenawet poeyoxhreto. Theꞌñapaꞌ amach moeneñeto oꞌch es entet thayeꞌtoꞌtheꞌ xherranet poeyoxhreto. Atthochña amach es kothapeꞌcherreto nokop amaꞌt eꞌñe mamesha atthochña naꞌkeshphaterranetañ.

San Juan 5:25

Eꞌñe poꞌñoxh oꞌch noterrserr: Oꞌ xherrmoch allempoch ateth perra, ñeñth arromñatheneshaꞌpaꞌ ñetñapaꞌ eꞌmoerrnanetchaꞌ neñoñ ñeñthen Yompor Poechemeren. Ñeñthchaꞌ eꞌmhñoterreꞌ na neñoñ ñetñapaꞌ korretsetach.

San Juan 5:43

Napaꞌ attho nowapa Nomporña nellsenseneꞌ tharraña sapaꞌ amaña sameꞌñenno. Ñerraꞌm eseshaꞌchña wapatsañ ñeñth eꞌñe ñotha wena saña ñeñthpaꞌ atarrtheꞌ sameꞌñyañ.

San Juan 6:60

Allempoña ateth eꞌmoeñet ateth oten, shonteꞌ poeyochreshaxhnopaꞌ ateth otyeset: —Añ ñoñetspaꞌ amakaꞌye eꞌñeyeꞌ pokteyaye, amatheꞌ eseshaꞌ ameꞌñayo.

San Juan 7:17

Ñerraꞌm eseshaꞌña moeneꞌ oꞌch ateth pet ñeñth moenen Yompor ñetñapaꞌ eñochetchaꞌ neyxhateñpaꞌ Yomporo amakaꞌye nothayeꞌ neñeno.

San Juan 8:27

Ñetñapaꞌ ama eseshaꞌ xhapaweto poeyoxhreto ñeñth ateth otenanet Pomporekop ñeñth atarr Parets.

San Juan 8:33

Ñetñapaꞌ ateth otereterr: —Yapaꞌ Abrahamkaꞌye poꞌmhrenñey. Amaꞌt awatha yapaꞌ amaꞌt poesheñarrotheyapaꞌ ama ewankaretheye atthoch eseshaꞌ yetarwasateꞌ eꞌñe attha. Esoꞌmartheꞌ phañapaꞌ photeneyña atoramphsaretheyoꞌch.

San Juan 8:39

Alla otereterr: —Ya yatañpaꞌ Abrahamkaꞌye. Jesúsñapaꞌ ateth oterraneterr: —Sapaꞌ ñerraꞌm poꞌñoxh Abraham poꞌmhrenñeseñ sokthapeꞌcheneñtheꞌ ateth eꞌñe kowen kothapeꞌcheꞌth Abraham.

Los Hechos 7:51

Alla oterraneterr Esteban: —Sapaꞌ nanak seꞌcharrtena, seyoxhropaꞌ ama sokthapeꞌcheno ateth ñerraꞌm Yomporenaꞌtares. Ama semno oꞌch seꞌmhñotoñ Yompor poꞌñoñ. Xhokma sathpareꞌteññañ Parets Poekamkëñ. Ateth peꞌth satañneshañ awath theꞌpaꞌ atethxhoꞌ sepena samha.

Romanos 3:11

Ñamha amaꞌt poesheñarrotheya ama xhennayo yeyoxhro atthoch yeñotoñ Yompor poꞌkowenña. Amachña añeyeꞌ yeꞌneno ñeñth ateth moenen Yompor, amaꞌt poesheñarrotheya.