San Juan 8:37 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁷ Na poꞌñoxhpaꞌ neñotenes sapaꞌ poꞌmhrenñeseñ Abrahampaꞌ tharraña sapaꞌ aña semnen oꞌch semtsan. Tharroꞌmar neñoñpaꞌ amaꞌt mameshapaꞌ ama xhennaso sa seyoxhro.

San Juan 8:37 Iomraidhean Croise

San Mateo 13:15

Tharroꞌmar ñeñth acheñeneshar theꞌña ñet poeyoxhretopaꞌ nanak echarrtenet atthochña amach es xhenaweto poeyoxhreto. Theꞌña ñetpaꞌ amach moeneñeto oꞌch es eꞌmhñotet thayeꞌtoꞌtheꞌ es xhenawet poeyoxhreto. Theꞌñapaꞌ amach moeneñeto oꞌch es entet thayeꞌtoꞌtheꞌ xherranet poeyoxhreto. Atthochña amach es kothapeꞌcherreto nokop amaꞌt eꞌñe mamesha atthochña naꞌkeshphaterranetañ.

San Mateo 3:9

Sapaꞌ xha soteneñ seyoxhro añoꞌ es sepallteno, sapaꞌ añoꞌ eꞌñe seyemtena satañ Abrahamañ. Tharraña napaꞌ oꞌch notas amach ateth sokthapeꞌchatsto tharroꞌmar ñeñthpaꞌ ama esoyeꞌ enteñe Yompor. Tharroꞌmar oꞌch notas ñerraꞌm Yompor moenetseñ amaꞌt añ mapoeꞌ ñeñth senten arr oꞌch aꞌpnasereñ Abraham poꞌmhreneñ.

San Juan 10:31

Ñeñthoꞌmarña allempo judioneshaꞌ ñetpaꞌ chetet mapoeꞌ alloꞌch rrolleꞌchet.

San Juan 11:53

Eꞌñe allempotheñña atarr oꞌpateñet Jesús oꞌch moetsatachet.

San Juan 5:44

Sapaꞌ tharroꞌmarña ama sameꞌñenno sapaꞌ añakaꞌye seꞌnen oꞌch eꞌñe sañeña ayeꞌchoxhtatannetsa, amakaꞌyeña añeyeꞌña seꞌneno atthoch eꞌñe kowen entas ñapoeth Yompor.

San Juan 7:1

Allempoña Jesúspaꞌ alla chopeñeꞌchyen eꞌñe alla Galileoꞌmar. Ama moeno oꞌch chopeñeꞌchen ñamha all Judeoꞌmar tharroꞌmar judioneshaꞌpaꞌ xha oꞌpateñet oꞌch moetset.

San Juan 7:19

‘Amaꞌt apasoña Moisés ñoñets ñeñth ateth anareth. Tharraña amaꞌt apaseñ, sañapaꞌ amaꞌt eꞌñe poesheñarrothesapaꞌ ama sephowenoña ñeñth ateth oten añ ñoñets, ñeñthepñapaꞌ esoꞌmareꞌtña theꞌpaꞌ semneñña oꞌch semtsan.

San Juan 7:25

Patantaꞌtets jerusaléñoꞌmarneshaꞌpaꞌ ateth otyenet: —Taꞌm amatheꞌ añeyayeña ñeñth oꞌpatenet oꞌch moetset.

San Juan 8:33

Ñetñapaꞌ ateth otereterr: —Yapaꞌ Abrahamkaꞌye poꞌmhrenñey. Amaꞌt awatha yapaꞌ amaꞌt poesheñarrotheyapaꞌ ama ewankaretheye atthoch eseshaꞌ yetarwasateꞌ eꞌñe attha. Esoꞌmartheꞌ phañapaꞌ photeneyña atoramphsaretheyoꞌch.

San Juan 8:43

Esoꞌmareꞌtña sapaꞌ ama xhennasoña seyoxhro ñeñth notenes. Ñatoꞌ tharroꞌmartheꞌña ama semno oꞌch seꞌmhñoten ñeñth ateth notenes.

San Juan 8:56

Abraham ñeñth sa satañpaꞌ atarr nanak kosha allempo eñoch oꞌ xhap allempo ñeñth poktetsa nokop oꞌch nowapa arr patsro. Allempoña eñoch napaꞌ oꞌ nexhap arr patsro atarr nanak kosha.

San Juan 8:59

Ñetñapaꞌ allentha chetet mapoeꞌpaꞌ oꞌch rrolleꞌchetañ tharraña Jesúsña aꞌnawa xhaꞌnerr Parets paꞌpakllothpaꞌ oꞌ awerr oꞌ sowanerranet.

San Juan 8:6

Ñeñthpaꞌ tharroꞌmara ateth otoset ñatoꞌrraña eñorachet ñeñth ama pokteyaye allochñapaꞌ atthoch aꞌmethampeñetaꞌ. Jesúsñapaꞌ allentha moꞌkapaꞌ oꞌ kellkan pats potapho.

Los Hechos 13:26

Alla oterraneterr Pablo: —Sapaꞌxhoꞌña masheñneshachaꞌ pamoꞌtsnaꞌtarekmas penes Abraham. Ñamha arroꞌtsaꞌyen poesheñaꞌtets acheñ ñeñth mechaꞌnaꞌteneꞌ Yompor. Oꞌch notas allowenes, Yompor oꞌ moeñonay kowen ñoñets alloch yekeshperra alloweney.

Romanos 9:7

Ñamha ora allpon poꞌmhrenña Abrahampaꞌ ama allowenakmayeꞌ poꞌnoxh Abraham poechemer entapreteñe Yompor. “Aña eꞌñe poechemer entapreteñ Yompor ñeñth Isaac poꞌmhrenña”, ñeñth ateth otan Yompor Abraham awath.

1 Corintios 2:14

Tharraña acheñeneshaꞌ ñeñth ama chorreñaꞌ Yompor Poekamkëñpaꞌ amach errothenoth xhapaneto Yompor pokthaphña ñamha amach errothenoth agapoñeto ñeñthchaꞌ apanetañ Yompor Poekamkëñoth. Ñerraꞌm yeserrpareꞌtatanet attho es apoeney Yompor Poekamkëñothpaꞌ ñetpaꞌ xhach otyeset atthoꞌ yotatseꞌtyen. Tharroꞌmar ñaptha xhenana poeyoxhro ñeñth chorrena Yompor Poekamkëñ.

1 San Juan 2:14

Ñamha sa ñeñthes pomporneshaꞌ eꞌñe penset, sa theꞌpaꞌ oꞌ señoter Cristo ñeñth eꞌñe awathotheñ eñall amaꞌt eꞌñe allempotheñ ama ayexhkatarethtenaꞌ pats; ñeñthoꞌmarña theꞌpaꞌ ateth nekellkënnas. Ñamha sa ñeñthes wepoeshares, sapaꞌ atarr awamenkathes tharroꞌmar Yompor poꞌñoñpaꞌ oꞌ eꞌñe xhaponasa seyoxhro ñeñthoꞌmarña sapaꞌ oꞌ atarr sathpareꞌter oneñeth; ñeñthoꞌmarña theꞌpaꞌ ateth nekellkënnas.