San Juan 8:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ Jesúsñapaꞌ alla oterraneterr: —Poꞌñoxhkaꞌye notenes: Allowen ñeñth ochñaꞌtareꞌtetspaꞌ poꞌchñara wankënawet, ñetñapaꞌ poꞌchñara tarwasatenawet eꞌñe attha.

San Juan 8:34 Iomraidhean Croise

San Mateo 5:18

Eꞌñe poꞌñoxh notenes: Ama awaporeꞌtpawoyaye Yompor poꞌñoñ ñeñth ateth anareth awathotheñ, amaꞌt thayotheñ tharrempowach esempowañenchaꞌ chenkaꞌwerra pats ñamha enet. Amaꞌt pathrra ñoñets ñeñth ateth anarethpaꞌ amach chenkërro amaꞌt eꞌñe pathrra kellek poeshempothollowenpaꞌ amach chenkërro amaꞌt thayotheñ tharrempowach esempowañenchaꞌ eꞌñe etsotwerra ñeñth ateth oten awathotheñ.

San Juan 3:3

Jesúsñapaꞌ ateth otaph: —Eꞌñe poꞌñoxh notaph, eseshaꞌch ama eñalleterrtso ello ñetñapaꞌ amach errothenoth poeyochreshaꞌ perraneto Yompor.

Los Hechos 8:23

Pedropaꞌ alla otererr: —Napaꞌ neñoteneph nanak sosey phokthapeꞌchen peyoxhro, xha phottena ateth ñerraꞌm phoꞌchñarpaꞌ wankëneph.

Romanos 6:12

Ñeñthoꞌmarña theꞌpaꞌ oꞌch notas, amach semnatatsche soꞌchñarpaꞌ oꞌch alla tarwasaterrnaserr saꞌrromñathechets. Allochñapaꞌ amach alloꞌna sephatseꞌtyesneno ñeñth ateth moenatseꞌtatyenes sechets.

Romanos 6:16

Ñatoꞌ oꞌch yetmaꞌntacha ateth. Ñewa, yapaꞌ yeñoteñ ñerraꞌm eseshaꞌ yemnen ñeñthchaꞌ yetarwasateneꞌ añe patsro, ñeñthpaꞌ poꞌñoxh ñeñthchaꞌ yepatronar yepen, ñamha eꞌñech pawner yentatena atthochña ñeñthach yameꞌñena ñeñth yepatronar yepen. Ñamha atthekmach yepena ñerraꞌm añ yemnen yoꞌchñarach yetarwasateneꞌ, tharraña ñerraꞌm añ yetarwasateneꞌ yoꞌchñarpaꞌ ñeñthpaꞌ tsaꞌtaterryach rromoeñtso ñeñthara koñcheñtso. Tharraña ñerraꞌm añ yameꞌñena Yompor ñeñth ateth oteney poꞌñoñoth, ñeñthpaꞌ alloch yorrtatyen eꞌñe kowen ñeñth eꞌñe ateth moenen ña.

Romanos 6:6

Tharroꞌmar yeñoteñ ñeñthey acheñey ñeñth yeyoxhroꞌtsen ñeñth yokthapeꞌchatayeꞌth sosyaꞌtsañ awath ñeñthpaꞌ oꞌ aꞌmchechatarethetwerra ateth ñerraꞌmrratheꞌ akorsoꞌtamphsarethta epoet Cristo. Atthochña oꞌwañchaꞌ kothapeꞌchatseꞌtatneney yoꞌchñarañeña. Amach alloꞌna tarwasatnenye yoꞌchñar.

Romanos 7:14

Yapaꞌ yeñoteñ añ ñoñets ñeñth ateth anarethpaꞌ Partseshoth eꞌñe kowen anaretheñ, tharraña ateth ñerraꞌm napaꞌ arromñathotha ateth nepena, xhokmach nephatseꞌtyen ñeñth ama kowenayeꞌ enteno Yompor. Eꞌñe ateth nepena ñerraꞌmrratheꞌ aña netarwasateneꞌ noꞌchñar.

Romanos 7:25

Nanak neparasyosoꞌteñ Yompor tharroꞌmar neñoteññañ Poechemer ñeñth Yepartseshar Jesucristo ñepaꞌtña eꞌñe yaꞌwañamperreꞌ yoꞌchñar. Ñeñthoꞌmarña eꞌñe yeyoxhropaꞌ yemneñeñ oꞌch yokthapeꞌcherrñañeñ Yompor poꞌñoñ, tharraña yoꞌchñarñapaꞌ ñeñthaña xhokmach yetarwasateneꞌ eꞌñe yechtso.

Romanos 8:21

Tharroꞌmar ora allpon ñeñth yentyen añe patsropaꞌ ateth anarethet ñamet xhokmach mellashaꞌtwet, allempoñapaꞌ oꞌwañchaꞌ sherbet. Tharraña ñerraꞌm esempowañenchaꞌ, ñeñthey oꞌ poechemer perrey Yompor oꞌch yekowentapretera Cristo, ñamha allempoña ora allpon Yompor poeyexhkatarpaꞌ ñetpaꞌxhoꞌña oꞌch alla aꞌkowentatarethetwerret ñamet.

Efesios 2:2

Aña seyxheꞌth ñeñth ateth phatseꞌtyena acheñeneshaꞌ arr patsro ñeñth ama ameꞌñetso. Allempo sapaꞌ aña sameꞌñatayeꞌth oneñeth ñeñth paꞌmhchaꞌtarether pen allowen ñeñth errakmañen amhchaꞌnoxhetyetsa entoth ñeñth ama entpawoyaye. Ñeñthña oneñeth pokthaphñapaꞌ ñeñth atarr koshateneꞌ allowen acheñeneshaꞌ ñeñth athparñathtetsa theꞌ arr patsro.

Tito 3:3

Ñeñthpaꞌ eꞌñe pokteꞌ atethchaꞌ phannenet tharroꞌmar yapaꞌxhoꞌña yeñoteñ awathpaꞌ aña yephatseꞌtyeseꞌth ñeñth ama pokteyaye. Yapaꞌxhoꞌña atthach ama es yepxheꞌthe allempo nanak yephatseꞌtyeseꞌth sosyaꞌtsañ. Ñamha nanak yathpareꞌteꞌth awath, ñamha aña yexhatyesyeteꞌth ñeñth ama poꞌñoxhoyaye kothaphñats. Yechetspaꞌ aña nanak moenatseꞌtatyeꞌth ñeñth ama kowenayaye ñamha allempopaꞌ aña nanak yoksheꞌth paꞌnamen sosyaꞌtsañexhno. Ñamha allempopaꞌ nanak atsrreꞌmoxhen yentannaꞌtyeseꞌth ñamha nanak es yeyeꞌchapretannaꞌtyeseꞌth. Ñamha allempopaꞌ ñerraꞌm eseshaꞌ yeꞌmoñeꞌteꞌpaꞌ yapaꞌxhoꞌña oꞌchxhoꞌ yeꞌmoñeꞌchxhoꞌ yamha.

2 San Pedro 2:19

Ñeñth ama Yomporeyeꞌ poꞌñoñ yexhatetsopaꞌ oꞌch alla oterraneterr: “Ama palltenoña oꞌch es yeswanom. Yapaꞌ eꞌñe kowenoꞌtseney. Yokoppaꞌ ama eñalleña ñeñthchaꞌ yeyoreꞌterreꞌ.” Amaꞌt ateth oteneñ ñeñth athpareꞌtetspaꞌ tharraña napaꞌ oꞌch notas, ñeñth atethpaꞌ aña yexhenet eꞌñe ñet pokthaphña ñeñth nanak sosyareꞌ. Tharroꞌmar ñerraꞌm erraꞌtsen es yeyxhateneꞌ ñeñthpaꞌ ñeñthaña pomnaren yepeneꞌ.