San Juan 8:29 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁹ Ñeñth nellsenseneꞌ ñapaꞌ eꞌñe parroꞌtsenen. Ama aꞌmontsenno, tharroꞌmar napaꞌ eꞌñe xhokma ateth nepena ñeñth moenen ña.

San Juan 8:29 Iomraidhean Croise

San Mateo 17:5

Allempo eñorena Pedropaꞌ xha orrtosawet os ñeñth atarr kowen poptetsa xhepaꞌtchaꞌ aꞌpomamphsosanet. Xha eꞌmorrtostsa ñoñets osoth; ñeñthña ñoñetspaꞌ Yompor otosawet; ñeñthpaꞌ ateth ot: —Añmapaꞌ ñeñth no Nechemer ñeñth atarr nemoerena ñeñthña atarr nokshateneꞌ, ñeñthchaꞌña eꞌñe kowen seꞌmhñoterr.

San Mateo 3:15

Jesúsñapaꞌ ateth otererr: —Phapatapnoꞌthach Juanachaꞌ tharroꞌmar atethkaꞌye poktetsa oꞌch yetsota allowen ñeñth poktetsa Partsokop. Allempoña Juanpaꞌ eꞌñe pokteꞌ eñch,

San Mateo 3:17

Allempoñapaꞌ xha eꞌmorrtatsa ñamha ñoñets entoth ateth eñorena Yompor. Ñeñthña ñoñetspaꞌ ateth oten: —Añmapaꞌ ñeñthña Nechemer ñeñth atarr nemorrentena. Ña atarr nanak nokshateneꞌ.

San Juan 14:31

Napaꞌ añchaꞌña ateth nepha ñeñth ateth otenen Apa. Atthochña acheñeneshaꞌ arr patsropaꞌ eñochetchaꞌ na poꞌñoxhpaꞌ eꞌñe nemorrenteña Apa. Theꞌpaꞌ sathomxhaꞌt oꞌch awey arroth.

San Juan 15:10

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

San Juan 16:32

Theꞌpaꞌ oꞌ eꞌñe xhapmoch sa amaꞌt poesheñaꞌttsospaꞌ oꞌ xhaponasañ xhach sematrraꞌtyesa allemeñ. Xhach sawanomyesa allchaꞌ semnaꞌyes sa. Nañapaꞌ saꞌypoꞌñaꞌwanmoenchaꞌ. Tharraña napaꞌ ama eꞌñe naptheyaye, epanña Apa.

San Juan 17:4

‘Napaꞌ oꞌ eꞌñe nekowentatwonaph arr patsro. Oꞌ eꞌñe netsotwonaph ñamha petarwas ñeñth ateth photen.

San Juan 4:34

Jesúsñapaꞌ alla oterraneterr: —Añkaꞌyeña nerrar nepen oꞌch nepha ateth moenen Nompor ñeñth nellsenseneꞌ, tharroꞌmar ñeñthpaꞌ atthochña eꞌñe netsotwoñ poꞌtarwas.

San Juan 5:30

‘Amatheꞌ errothenoth es nephaꞌyesoña eꞌñe notha. Ateth eñotatenen Nomporpaꞌ atthochña nemñe patantaꞌtets acheñeneshaꞌ koñcheñtso, poꞌpotantaññapaꞌ amach. Ñamha errothenchaꞌ nentyeswerranetpaꞌ ñeñthpaꞌ eꞌñe pokteꞌ tharroꞌmar ama eꞌñe na nemnenñotheyeꞌ es nephaꞌyeno. Nomporña poemnenñoth es nephaꞌyen tharroꞌmar ña nellsenseneꞌ.

San Juan 6:38

Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

San Juan 8:16

Tharraña ñerraꞌm esempo naꞌmethenanet ñeñth ateth nentapretyenanet ñeñthpaꞌ eꞌñe poꞌñoxh ateth tharroꞌmar napaꞌ ama naptheyeꞌ es nephaꞌyeno, napaꞌ xhokmaña epan Apa ñeñth nellsenseneꞌ.

2 Timoteo 4:17

Tharraña Yepartseshar Cristopaꞌ ama aꞌypoꞌñaꞌno, elloña nanak awamenkath phaꞌn. Ñeñthoꞌmarña oꞌ alla neserrpareꞌterrerr Yompor poꞌñoñ atthoch eꞌmareꞌch allowen acheñeneshaꞌ amaꞌt ñeñth ama judioneshayaye ñeñth alloch yekeshperra. Attho nekeshperra allempo all atarr amoeroxhtatarethen, napaꞌ ateth nenteñ ñerraꞌmrratheꞌ Yepartsesharpaꞌ oꞌ aꞌkeshphaterren eꞌñe maꞌyarr poenamoth.

2 Timoteo 4:22

Eꞌñe allowanenpaꞌ oꞌch notaph, Yepartseshar Jesucristopaꞌ xhokmoepaꞌchña eꞌñe parroꞌtseneph. Ñamha Yomporepaꞌch saꞌnatenaya allowenes. Ñeñthpaꞌ atthetepaꞌch Nompore. Allowa. Pablo

Hebreos 4:15

Tharroꞌmar Jesús ñeñth Yekorneshar yepen ñapaꞌ eꞌñe eñoteñ atthoch eꞌñe kowen llekapretenya allempo ama eꞌñeyeꞌ womenkayeꞌ yenteno yeyoxhro. Tharroꞌmar ñapaꞌxhoꞌña atthekma wapoñeꞌth allowen paꞌnamen topateñets, eꞌñe ateth yepena ya theꞌ xhokma wennaya paꞌnamen topateñets. Tharraña ñapaꞌ amaꞌt paꞌnamen wapoyeꞌth topateñets, ñapaꞌ amaꞌt parrocha ama phano ñeñth ama pokteyeꞌ enteno Pompor.

Hebreos 7:26

Ñeñthpaꞌ eꞌñekaꞌye pokteꞌña yokop oꞌch yechen Yekorneshar ñeñth Cristo tharroꞌmar ñapaꞌ eꞌñe kowen Parets, ama eñalle poꞌchñar amaꞌt mamesha ñeñthchaꞌ aꞌsosyateneꞌ. Ñapaꞌ oꞌ sowanerran allowen ñeñth kotheneꞌ sosyaꞌtsañ oꞌ alla xherr allowanen Yompor poeꞌntaño allña partsotapretenan Pompor.

1 San Juan 2:1

Nechemerneshachaꞌ theꞌ sokoppaꞌ oꞌch nekellkonas atthoch amach alloꞌna sephaꞌneno ñeñth amaꞌt mameshapaꞌ ama pokteyeꞌ enteno Yompor. Tharraña ñerraꞌm eseshaꞌ orrtateneꞌ ñeñth ama kowenayaye, ñerraꞌm oꞌch enamoerr peretneñets, Yomporpaꞌ oꞌch peretner tharroꞌmar eñall yokop ñeñthchaꞌ eñosets Apoesho. Ñeñthñapaꞌ añ Jesucristo ñeñth eꞌñe pokteꞌ es phaꞌyets.

1 San Juan 3:22

Attho yameꞌñerrñaña poꞌñoñ ñeñth ateth oteney, ñapaꞌ atarr koshenya; ñeñthoꞌmarña ñerraꞌm es yenamoeñ, ñapaꞌ xhokmach eꞌñe poꞌñoxh apoeney.