San Juan 8:28 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁸ Jesúsñapaꞌ alla oterraneterr: —Ñerraꞌm esempoch sapaꞌ sechantamphsen eno korsocho na Ñeñthen Acheñetosetspaꞌ allempochña xhaponasa seyoxhro napaꞌ ñeñthen eꞌñe poꞌñoxh xhokma soteneꞌ. Xhaponasach ñamha napaꞌ ama es nepeno eꞌñe notha, añña neꞌñorena ateth yexhatenen Apa.

San Juan 8:28 Iomraidhean Croise

San Mateo 24:5

Tharroꞌmar shonteꞌch orrterrtsa ñeñthchaꞌ ayxhaꞌnataterreꞌ nesoꞌcheñ, ñeñthchaꞌ otyerrets: “Napaꞌ ñeñthenkaꞌyeña Cristotets.” Ñetñapaꞌ shonteꞌch shekëret acheñeneshaꞌ.

San Marcos 13:6

Tharroꞌmar shonteꞌch orrterrtsa ñeñthchaꞌ ayxhaꞌnataterreꞌ nesoꞌcheñ, ñeñthchaꞌ otyerrets: “Napaꞌ ñeñthenkaꞌyeña Cristotets.” Ñetñapaꞌ shonteꞌch shekëret acheñeneshaꞌ.

San Lucas 21:8

Jesúsñapaꞌ otanet: —Eꞌñech señoterra, allochñapaꞌ amach eseshaꞌ seshkërraye. Tharroꞌmar shonteꞌch orrterrtsa ñeñthchaꞌ ayxhaꞌnataterreꞌ nesoꞌcheñ, ñeñthchaꞌ otyerrets: “Napaꞌ ñeñthenkaꞌyeña Cristotets; theꞌpaꞌ oꞌkaꞌye xherr allempoch norrterra na ñeñthen Cristotets.” Tharraña sañapaꞌ ñatoꞌtña seꞌmhñotenanetaꞌ.

San Juan 11:42

Ñewa, napaꞌ neñoteñ xhokma peꞌmhñotenen. Añña acheñeneshaꞌ ñeñth thomxhaꞌtets arr ñokpoet neparasyosoꞌteneph allochñapaꞌ atthoch eñotenpet pha ñeñtheph nellsenseneꞌ.

San Juan 13:19

Eꞌñe thayotheñpaꞌ ateth notenes amaꞌt ama etsotenaꞌ allochñapaꞌ esempoch etsoterra, sapaꞌ sameꞌñach napaꞌ ñeñthen poꞌñoxh Cristotets.

San Juan 16:10

Ñamha ñach eñotaterrawet ñeñth eꞌñe pokteꞌ entyen Yompor tharroꞌmar napaꞌ amach alloꞌtsenarano sesho. Napaꞌ oꞌch awerren Apoesho amach alla senterrneꞌthe.

San Juan 18:32

Ñeñthoꞌmarña ñetpaꞌ ateth otyeset allochñapaꞌ atthoch etsota Jesús poꞌñoñ ateth otwanet awaña allempo ñanom eñotatanet ñapaꞌ korsochoch rroma.

San Juan 19:18

Allña korsoꞌtamphsoset epoet ñamha epsheña acheñ. All korsoꞌtamphsetpaꞌ rroxhtamphsatoset epsheña.

San Juan 3:11

Eꞌñe poꞌñoxh noteneph: Alloweney ya ñeñth yeñotenpaꞌ ñeñthchaꞌña yeserrpareꞌten ñamha ñeñth yentyenpaꞌ ñeñthchaꞌña yaꞌpothen tharraña sapaꞌ ama xhennasoña seyoxhro añ ñeñth yaꞌpothen.

San Juan 3:14

Ñewa, awath Moiséspaꞌ yexhkatan ñeñth atmaꞌntatareth shecheph all amayo, ñeñthñapaꞌ wankëꞌ tsachopaꞌ oꞌ echantampes enoneth. Attho Moisés echantamphsan shecheph all amayopaꞌ, napaꞌxhoꞌña ñeñth poktetsa nokop atethchaꞌ perrnet namha, korsochothchaꞌ echantamphsarethen.

San Juan 4:26

Jesúsñapaꞌ alla otererr: —Napaꞌ nakaꞌye ñeñthen peserrpareꞌtateneꞌ.

San Juan 5:19

Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.

San Juan 5:30

‘Amatheꞌ errothenoth es nephaꞌyesoña eꞌñe notha. Ateth eñotatenen Nomporpaꞌ atthochña nemñe patantaꞌtets acheñeneshaꞌ koñcheñtso, poꞌpotantaññapaꞌ amach. Ñamha errothenchaꞌ nentyeswerranetpaꞌ ñeñthpaꞌ eꞌñe pokteꞌ tharroꞌmar ama eꞌñe na nemnenñotheyeꞌ es nephaꞌyeno. Nomporña poemnenñoth es nephaꞌyen tharroꞌmar ña nellsenseneꞌ.

San Juan 6:38

Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

San Juan 8:24

Napaꞌ oꞌ notas sapaꞌ orach ochñarethes serromwa tharroꞌmar ñerraꞌm amach sameꞌñerrno na ñeñthen peretneneꞌ ochñarets, poꞌñoxh sapaꞌ orach ochñarethes serromwa.

San Juan 8:27

Ñetñapaꞌ ama eseshaꞌ xhapaweto poeyoxhreto ñeñth ateth otenanet Pomporekop ñeñth atarr Parets.

San Juan 8:58

Jesúsñapaꞌ alla oterraneterr: —Poꞌñoxhkaꞌ napaꞌ oꞌch notas: Ama eñalletenaꞌña Abraham, nañapaꞌ eñallana.

Los Hechos 2:41

Allempoña allowen ñeñth ameꞌñaya Pedro ateth otanetpaꞌ oꞌ apatarethtet. Allempopaꞌ ñatoꞌ allpon ameꞌñatsa maꞌpa mil acheñeneshaꞌ. Xha shontena ñeñth ameꞌñatsa.

Los Hechos 4:4

Tharraña amaꞌt ateth apharethtetpaꞌ añña ñeñth eꞌmoeꞌ ateth serrpareꞌtatanetpaꞌ shonteꞌ ameꞌñyet. Allempoña ñeñth ameꞌñetsa awañowenpaꞌ oꞌ xhap allempo amnaroch mil ñeñth ameꞌñatsa.

Romanos 1:4

Tharraña Parets Poekamkëñothpaꞌ nanak awamenkathtacheꞌth añekop ñeñth kowenetyetsa Partsokop. Ñamha chemerrña allempo Pomporpaꞌ awoꞌt tantater poꞌrromñothpaꞌ allempoña eꞌñe eñotwarethta ñapaꞌ poꞌñoxh Yompor Poechemer ñeñthara Jesucristo ñeñth Yepartseshar yepen.