San Juan 8:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Ñetñapaꞌ ateth otereterr: —Phapaꞌ poꞌñoxh ¿eseshapeꞌtña? Jesúsñapaꞌ alla oterraneterr: —Napaꞌ ñeñthenkaꞌye poꞌñoxh xhokma soteneꞌ.

San Juan 8:25 Iomraidhean Croise

San Lucas 22:67

—Yapaꞌ theꞌpaꞌ yemneñ oꞌch photosey ñerraꞌm poꞌñoxhtheꞌ pha ñeñtheph Cristotets. Jesúsñapaꞌ ateth otosanet: —Amaꞌt notatstas na poꞌñoxh ñeñthen Cristotets sañapaꞌ amachkaꞌye pokteyeꞌ sentno atthoch sameꞌñaꞌna.

San Juan 1:19

Allempo judioneshaꞌ paꞌmhchaꞌtaretherneshaꞌ ñetñapaꞌ moeñet acheñ Jerusaléñoth ñeñthchaꞌ awanmatsa Juanesho. Añ moeñet judioneshaꞌ poꞌkornaneshar ñamha levitaneshaꞌ ñeñth poꞌtarwas peneꞌ oꞌch thorrenet Parets paꞌpakllo. Ñetpaꞌ añekop amñarethtet ñetchaꞌ aꞌphthoꞌtoset Juan ñapaꞌ eseshaꞌtheꞌña. Oꞌña xhapoet ñeshopaꞌ ateth otoset: —Phapaꞌ ¿eseshapeꞌtña, amaꞌt añeyaype ñeñthephchaꞌ Cristoterrets?

San Juan 1:22

Ñetñapaꞌ alla otereterr: —Ñeñthepñapaꞌ ¿eseshapeꞌtña pha? Yapaꞌ yemneñkaꞌye oꞌch photey allochñapaꞌ oꞌch yoteraꞌ ñeñth yemñeneꞌ. ¿Errothenaꞌtchaꞌña photeyña phokop?

San Juan 10:24

Allñapaꞌ arrotampesya judioneshaꞌpaꞌ ateth ochet: —Esempowachñakaꞌye peꞌnwaña ñeñth attho pemoññeꞌtatenya. Ñerraꞌm poꞌñoxhtheꞌ pha Cristotetspaꞌ photeyñakaꞌye eꞌñe poꞌñoxh.

San Juan 19:9

Alla beꞌtherrerr pokollo ateth otwerranerr Jesús: —Phapaꞌ ¿erroꞌmarneshapeꞌtña pha? Jesúsñapaꞌ ama anape.

San Juan 8:12

Jesúsña poꞌpocheñopaꞌ serrpareꞌtaterranerr acheñeneshaꞌ, ñeñthpaꞌ ateth oterraneterr: —Napaꞌ na ñeñthen aꞌpoetarsampeneꞌ acheñeneshaꞌ pokthaphña añe patsro. Eseshaꞌch noktherreꞌ oꞌwañchaꞌ alloꞌna kothapeꞌchatnenanet pokthaphña ñeñth atarr sosyaꞌtsañ; ñeñthpaꞌ chekmeta chopeñeꞌchyenet. Ñetñapaꞌ Yomporchaꞌ poꞌkowenño korrerret ñeñthara ñeñth poetarets.

San Juan 8:24

Napaꞌ oꞌ notas sapaꞌ orach ochñarethes serromwa tharroꞌmar ñerraꞌm amach sameꞌñerrno na ñeñthen peretneneꞌ ochñarets, poꞌñoxh sapaꞌ orach ochñarethes serromwa.

San Juan 8:26

Atarr nanak palltena xhokmach notenes ateth sepena sa, shonteꞌch neños añekop ateth nentyen. Tharraña ñeñth nellsenseneꞌ ñapaꞌ eꞌñe poꞌñoxh ateth oten ña. Napaꞌ añkaꞌyeña neꞌñoreññaña acheñeneshaꞌ arr patsro ñeñth ateth neꞌmoeññañ Apa.