San Juan 8:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Ñañapaꞌ alla oterraneterr: —Sapaꞌ alla ayexhkañas arr patsro. Nañapaꞌ entoꞌmarneshan. Sapaꞌ patsoꞌmarneshasa, nañapaꞌ ama patsoꞌmarneshayayno.

San Juan 8:23 Iomraidhean Croise

San Juan 1:14

Cristoña ñeñth Poꞌñoñ pen Yompor oꞌ acheñetos arr patsro, oꞌ yeyxhañ eꞌñe parro mameꞌ añe patsro. Ñapaꞌ atarr amoerañtosa. Ñamha attho yexhatosey Yompor poꞌñoñ ñeñthña ñoñetspaꞌ eꞌñe poꞌñoxh ateth, ama shekëñtsoyaye amaꞌt mamesha. Ñamha yapaꞌ xhokma yentoñeꞌth poꞌkowenña. Ñeñthña poꞌkowenñapaꞌ ateth ñerraꞌm Pompor ñeñth poꞌpathrror peneꞌ ña.

San Juan 17:14

Napaꞌ añ neꞌñoranaꞌtenanet ñeñth eꞌñe pho peñoñ. Acheñeneshaꞌña ñeñth ama ameꞌñetso añ patsro, ñetñapaꞌ xha eꞌmoñeꞌtenanet tharroꞌmar ñetpaꞌ ama alloꞌna parroꞌmarneshateneto ñeñth ama ameꞌñetso, ateth nepena namha ama neparroꞌmarneshatenaneto.

San Juan 17:16

Ñetpaꞌ ama alloꞌna parroꞌmarneshateñeto ñeñth ama ameꞌñetso arr patsro ateth nepena namha ama neparroꞌmarneshatenaneto.

San Juan 3:13

‘Ama eñalle amaꞌt poesheñarra ñeñthchaꞌ aꞌtapoets ento ñamha ñeñthchaꞌ sowerrtsa ñeñthara entoth. Napthaña na Ñeñthen Acheñetosets ñeñthen sowatsa entoth, naptha nentar Nompor poeꞌntaño tharroꞌmar napaꞌ ñeñth naꞌnetser nepen.

San Juan 3:31

Ñewa, yeñoteñ ñeñth wetsa entoth Yomporeshoth eñchetepaꞌ ñapaꞌ atarrkaꞌye amhchaꞌtareth. Tharraña ñeñth patsoꞌmarneshaꞌ ñeñthpaꞌ alla eñorena patsoꞌmar. Ñeñth wetsa entoth Yomporeshoth eñchetepaꞌ ñapaꞌ atarrkaꞌye amhchaꞌtareth.

Santiago 4:4

Ñewa, awañapaꞌ soten awoꞌch sameꞌñera Cristo, tharraña theꞌñapaꞌ aña sokshatseꞌtyena poꞌpoñ. Amaꞌt señoteñe ñeñth koshatseꞌtyenaya ñeñth patsoꞌmarekpapaꞌ ñeñthña eꞌmoñeꞌteneꞌ ñeñth kowentetsa Yomporekop. Ñeñthoꞌmarña ñerraꞌm yapaꞌxhoꞌ oꞌch alla yokshatseꞌterra ñeñth patsoꞌmarekpapaꞌ oꞌchxhoꞌ alla yeꞌmoñeꞌter yamha Yompor.