San Juan 8:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Allempopaꞌ ateth otanet Jesús all allekma aññoꞌtenet kelle ñeñth Yomporekop allempo yexhatanet allara Parets paꞌpakllo. Tharraña amaꞌt poesheñarra ama eseshayeꞌ rromaye tharroꞌmar ama xhenaꞌ allempoch ñeñth poktetsa ñokop oꞌch rromoet.

San Juan 8:20 Iomraidhean Croise

San Mateo 26:55

Allempoña Jesúspaꞌ ateth otan acheñeneshaꞌ: —Esoꞌmareꞌt sewaxhaꞌtennanaña eꞌñe okchellethareroches ñamha etsachperethareroches atthoch serrmaꞌn. Napaꞌ ¿eꞌñeꞌt ateth sentenen ñerraꞌmrratheꞌ eñethen? Oꞌ allponmatwanen nanorryen Parets paꞌpaklloꞌmar, all neyxhatyen, esoꞌmareꞌtña ama allempokmaña serrmaꞌneꞌthe.

San Mateo 27:6

Kornaneshaꞌñapaꞌ oꞌ alla cheterret kelle. Ñetñapaꞌ ateth otannaꞌtyeset. —Añ kellepaꞌ allokaꞌye atsaꞌtarethta atthoch shataterrñañet acheñ poꞌrras. Ñeñthoꞌmarña theꞌpaꞌ amatheꞌkaꞌye pokteyaye oꞌch alla yenererr allekma apxhenet kelle Parets paꞌpakllo.

San Marcos 12:41

Allempo Jesúspaꞌ alla anen aꞌyentheyeꞌ allekma naꞌyenet kelle Parets paꞌpakllo. Allñapaꞌ shonteꞌ entenan acheñeneshaꞌ ñeñth naꞌyeneꞌ kelle Partsokop, shonteꞌ ekhllayoretheneshaꞌ ñeñth naꞌyeneꞌ shonteꞌ poꞌkhllayor Partsokop.

San Marcos 12:43

Allempoña Jesúspaꞌ agotan poeyochreshaꞌpaꞌ ateth otanet: —Theꞌpaꞌ oꞌch notas, añ rrethorrnaneshar amaꞌt atarr wokchañpaꞌ ñapaꞌ poꞌñoxhkaꞌye atarr aton nosan kelle, ello metanaꞌtwosan allowen poꞌpotantañexhno allpon kelle ñeñth naꞌyenet ñet.

San Lucas 20:19

Añña ñeñth atarr etsotayenayeñ ñoñets ñeñth ateth anareth ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, ñetña allempopaꞌ oꞌ eñochet ñetkaꞌye atmaꞌntatarethtenet, ñeñthpaꞌ ñokpoetkaꞌye ateth eñorenaña Jesús. Allempoña ñetpaꞌ atarr moeneñetañ oꞌch rremoet Jesús eꞌñe allorokma tharraña ama eseshayeꞌ rromaye tharroꞌmar ñetpaꞌ mechaꞌteñet acheñeneshaꞌ. Ñewa, acheñeneshaꞌ eꞌñekaꞌye kowen enteñet Jesús.

San Lucas 21:1

Allempo alloꞌtsen Jesús Parets paꞌpakllo, ñañapaꞌ arreneth kowen allekma nenet kelle Partsokop. Allñapaꞌ entenan ekhllayoretheneshaꞌ ñeñth naꞌyeneꞌ shonteꞌ poꞌkhllayor Partsokop.

San Juan 10:39

Ellopaꞌ moeneñetañ oꞌch rromoet tharraña ñet allempopaꞌ xha aꞌkeshphachet.

San Juan 2:4

Jesúsñapaꞌ ateth otan pachor: —Achochaꞌ, esoꞌmareꞌtña ateth photenenña na. Nokoppaꞌ amakaꞌye xhenaꞌ allempoch es norrtatyes.

San Juan 7:14

Oꞌña patmaꞌnma attho koshenet Jesúsñapaꞌ beꞌthosos Parets paꞌpakllo, yexhatosanet all.

San Juan 7:30

Allempokma atarr moeneñet oꞌch rromoetañ tharraña ama eseshaꞌ rromaye. Tharroꞌmar ama xhenaꞌ allempo ñeñth poktetsa ñokop atthoch rromoet.

San Juan 7:44

Patantaꞌtetsñapaꞌ atarr moeneñet oꞌch rromoet, tharraña ama eseshaꞌ rromaye.

San Juan 7:8

Sapaꞌ orras sokshapretenaꞌ. Napaꞌ eꞌñe thayekmapaꞌ amachkaꞌye neto koshapretatsa. Tharroꞌmar nokoppaꞌ ama eꞌñeyeꞌ xhenaꞌ allempoch eꞌñe poktaꞌwona.

San Juan 8:2

Tsapathña poꞌpocheño eꞌñe awathekma alla xhenerr Parets paꞌpakllo. Shonteꞌ acheñeneshaꞌ alla waxheneterr ñesho. Ñañapaꞌ anorros allña yexhatenaneterr.

San Juan 8:59

Ñetñapaꞌ allentha chetet mapoeꞌpaꞌ oꞌch rrolleꞌchetañ tharraña Jesúsña aꞌnawa xhaꞌnerr Parets paꞌpakllothpaꞌ oꞌ awerr oꞌ sowanerranet.