San Juan 8:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Ñoñets ñeñth ateth anareth ñeñth sechen sa, ñeñthpaꞌ ateth oten: Ñerraꞌm epsheña aꞌpotheneꞌ eꞌñe atthekma ñeñthpaꞌ eꞌñekaꞌye poꞌñoxh otenet.

San Juan 8:17 Iomraidhean Croise

San Mateo 18:16

Ñerraꞌm sokthapeꞌchatweñaꞌ amach eꞌmhñotasopaꞌ seꞌñ poesheñarr amapaꞌ epsheña ñeñthchaꞌ saꞌpoktatapreterreꞌ. Atethchaꞌ sepha allochñapaꞌ ñeñthchaꞌ eñosets epsheña amapaꞌ maꞌpsheñoꞌmareschaꞌ eñosets allempopaꞌ eꞌñech poꞌñoxh sameꞌña ñeñth ñoñets tharroꞌmar eꞌñech atthekma otenet.

San Juan 10:34

Jesúsñapaꞌ alla oterraneterr: —Ñoñets ñeñth ateth anareth awathotheñ sokop allpaꞌ atethkaꞌye anwareth añekop ñeñth eꞌñe ñenmath aꞌpotheꞌ Yompor poꞌñoñ, ñeñthpaꞌ ateth otaneteꞌth Yompor: “Sapaꞌ atethchaꞌ entenes acheñeneshaꞌ ñerraꞌmrratheꞌ yompores.”

San Juan 15:25

Tharraña ñeñthpaꞌ tharroꞌmara ateth penet allochñapaꞌ atthoch etsoterra ñoñets ñeñth eꞌñe ateth anwareth awathotheñ, ñeñthpaꞌ ateth oten nokop: “Eꞌñech atthotha eꞌmoñeꞌterrnet.”

2 Corintios 13:1

Ñatoꞌ pomaꞌpocheño oꞌch alla awerrnerr sesho. Ñamha oꞌch notas poꞌpoñ, ñeñth otteñeꞌcharethtetsa, ñerraꞌm epsheña aꞌmethareꞌtampeneꞌ amapaꞌ maꞌpsheña, allempopaꞌ pokteꞌ oꞌch yeꞌmhñoch ñatoꞌ poꞌñoxhtheꞌ ateth phatseꞌtyena.

Gálatas 3:24

Ñewa, ñatoꞌ oꞌch netmaꞌntacha ateth. Añ ñoñets ñeñth ateth anareth judioneshakoppaꞌ ña yekwamphsayeꞌth awath. Ñeñthpaꞌ tharrempowa ateth pha allempo wapa Cristo, ñamha añ ñoñetspaꞌ añekpa sherbhaꞌ atthoch ameꞌñaterrya Cristo, allochñapaꞌ eꞌñe yameꞌñeñotha ñapaꞌ oꞌch pokteꞌ enterrey Yompor.

Gálatas 4:21

Ñewa, theꞌpaꞌ oꞌch seꞌmhñoten sa ñeñthes moenets oꞌch alla seyemterra añ ñoñets ñeñth ateth anareth awathotheñ. Sapaꞌ amaꞌt señoteñe ñeñth ateth oten añ ñoñets ñeñth ateth anareth.

Hebreos 10:28

Ñewa, awath ñerraꞌm eñall amaꞌt poesheñarra ñeñth athpareꞌtayeꞌth Moisés poꞌñoñ, ñerraꞌm eñall epsheña amapaꞌ maꞌpsheña ñeñthchaꞌ aꞌmethampeneꞌ ñeñthña athparñathpaꞌ awoꞌch moetse allowen acheñeneshaꞌ. Amaꞌt poesheñarrapaꞌ amach eñalleña ñeñthchaꞌ morrentaya.

1 San Juan 5:9

Ñewa, arr patsro xhokma eꞌñe pokteꞌ yenteñ ñeñth ateth eñotateney acheñ tharroꞌmar ñeñthpaꞌ xhokma sherbeney. Ñamha ñeñth ateth eñotateney Yompor elloña ñeñthpaꞌ atarr nanak sherbeney. Tharroꞌmar ñeñthpaꞌ eꞌñe ña Poechemerekop eñotateney Jesúspaꞌ Yomporo Poechemer.

El Apocalipsis 11:3

Ñamha allempopaꞌ oꞌch nemñe epsheña ñeñth neyochreshaꞌ nepen. Nach awamenkath phawet atthoch aꞌpothet ñeñthchaꞌ ateth perra esempowañen. Mil doscientos sesenta yeth allponmatchaꞌ serrpareꞌtennanet neñoñ. Poellkëñothet chorretchaꞌ paꞌshtamasheꞌm. Arrpaꞌ allowa ñeñth ateth otnet all Yompor poeꞌntaño.