San Juan 7:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Tharroꞌmar acheñeneshaꞌña añ patsropaꞌ amachkaꞌye errothenoth eꞌmoñeꞌtasoña sa, tharraña napaꞌ xhokma eꞌmoñeꞌtyennet tharroꞌmar napaꞌ añkaꞌye neñotatyenanet ñeñth ateth phatseꞌtyenet ñeñth ama pokteyaye.

San Juan 7:7 Iomraidhean Croise

San Lucas 6:26

‘Ñamha atarr llekëñtsoꞌtsaꞌyenes ñerraꞌm esempo allowen acheñeneshaꞌ eꞌñech kowen entapretenset, eꞌñe kowen eñosyenet sokop. Tharroꞌmar ñetpaꞌ ateth peteꞌth paꞌtañneshañ awath, eꞌñe kowen eñosyeseteꞌth añ acheñreneshakop ñeñth amaꞌt ama Yomporeyeꞌ poꞌñoñ aꞌmhtaꞌyeseteꞌthe.

San Juan 17:14

Napaꞌ añ neꞌñoranaꞌtenanet ñeñth eꞌñe pho peñoñ. Acheñeneshaꞌña ñeñth ama ameꞌñetso añ patsro, ñetñapaꞌ xha eꞌmoñeꞌtenanet tharroꞌmar ñetpaꞌ ama alloꞌna parroꞌmarneshateneto ñeñth ama ameꞌñetso, ateth nepena namha ama neparroꞌmarneshatenaneto.

San Juan 3:19

Ñañapaꞌ oꞌ wapa arr patsro atthoch yexhatosey ñeñth eꞌñe kowen enten Yompor, atthoña aꞌpoetarsamphsosnay yokthaphña. Tharraña shonteꞌ acheñeneshaꞌ ñetñapaꞌ ama moeneto oꞌch aꞌpoetarsamphsarethtet pokthaphñet. Ñetpaꞌ aña moenenet chekmeteꞌ tharroꞌmar amakaꞌye masosyayeꞌ kothapeꞌchyeneto. Ñeñthoꞌmarña ñetpaꞌ atthothchaꞌña amñarethterret koñcheñtso.

Romanos 8:7

Tharroꞌmar ñerraꞌm añach yeꞌnen ñeñth ateth moenatseꞌtateney yechetspaꞌ ñeñthpaꞌ ateth yepena ñerraꞌmrratheꞌ xha yeꞌmoñeꞌteñ Yompor, ñeñthoꞌmarña xhach yathpareꞌteññañ poꞌñoñ. Amach errothenoth yameꞌñeroña Yompor ñerraꞌm añach yeꞌnen ñeñth ateth moenatseꞌtateney yechets. Ñamha ñerraꞌm atthach yepenapaꞌ amach errothenoth yokshacheña Yompor.

Gálatas 4:16

Ñatoꞌ sapaꞌ xhatheꞌ sotenapañ xhotheꞌ oꞌ neꞌmoñeꞌtas, tharroꞌmar napaꞌ oꞌ neserrpareꞌtatas ñeñth eꞌñe poꞌñoxh ateth noten.

Santiago 4:4

Ñewa, awañapaꞌ soten awoꞌch sameꞌñera Cristo, tharraña theꞌñapaꞌ aña sokshatseꞌtyena poꞌpoñ. Amaꞌt señoteñe ñeñth koshatseꞌtyenaya ñeñth patsoꞌmarekpapaꞌ ñeñthña eꞌmoñeꞌteneꞌ ñeñth kowentetsa Yomporekop. Ñeñthoꞌmarña ñerraꞌm yapaꞌxhoꞌ oꞌch alla yokshatseꞌterra ñeñth patsoꞌmarekpapaꞌ oꞌchxhoꞌ alla yeꞌmoñeꞌter yamha Yompor.

1 San Juan 4:5

Ñeñthña shekareꞌtyets eꞌñe ñet pokthaphñothet poꞌñoxhpaꞌ patsoꞌmarnesheta. Ñeñthoꞌmarña ñerraꞌm eñosetpaꞌ añach serrpareꞌtyenet ñeñth patsoꞌmarekpa. Ñeñthoꞌmarña ñetpaꞌ patsoꞌmarneshach eꞌmhñotenawet.