San Juan 7:43 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴³ Ñeñthoꞌmarña allowen acheñeneshaꞌpaꞌ ellopaꞌtetstatenet pokthaphña Jesúsokop.

San Juan 7:43 Iomraidhean Croise

San Mateo 10:35

Ñewa, ñeñth noten theꞌ amaꞌt ñeñth eꞌñe pamoꞌtsnaꞌtarekmoet ñatoꞌ noꞌmarach eꞌmoñeꞌtannerret. Tharroꞌmar ñatoꞌ eñallchaꞌ ñeñthchaꞌ nameꞌñerraya, pamoꞌtseshetñapaꞌ ñatoꞌ amach ameꞌñerrneto. Ñeñthoꞌmarña notenes eꞌñe noꞌmarpaꞌ ñatoꞌ poechemerpaꞌ oꞌch epatareꞌtenan pompor, ñamha ñatoꞌ poechoyorpaꞌ oꞌch epatareꞌtenan pachor, ñamha ñatoꞌ ñeñth paꞌthoꞌñen pen oꞌch epatareꞌtenan ñamha paꞌsoꞌmoe.

San Lucas 12:51

Sapaꞌ xhatheꞌ sotenapañ añekoptheꞌ nowapa oꞌch eꞌñe kowen namoꞌtstannaꞌtatera acheñeneshaꞌ arr patsro. Ñeñthpaꞌ ama attheyaye. Añekpaꞌnaña nowapa allochñapaꞌ eꞌñe noꞌmarpaꞌ acheñeneshaꞌñapaꞌ oꞌch attha elloptannaꞌtyeset.

San Juan 10:19

Ñeñth attho serrpareꞌtatenanet Jesús, allña judioneshaꞌpaꞌ ellopaꞌtetstatenet pokthaphña Jesúsokop.

San Juan 7:12

Allña acheñeneshaꞌpaꞌ shonteꞌ eñosyenet ñokop. Patantaꞌtetspaꞌ ateth otyenet: “Ñapaꞌ eꞌñe kowen acheñer”; poꞌpotantañexhnopaꞌ ateth otyenet: “Amakaꞌye kowenayaye, atthakaꞌye shekareꞌtyenan acheñeneshaꞌ.”

San Juan 9:16

Patantarrña fariseoneshaꞌpaꞌ ateth otyeset: —Ñeñth yakmarpaꞌ amatheꞌkaꞌye Partseshotheyeꞌ wapo ñeñthoꞌmar ama esoyeꞌ entenanoña ñeñth anareth patherr yeth allempokma yamesen. Poꞌpotantaññapaꞌ ateth otyeset: —Taꞌ, elloña ñerraꞌm ochñath acheñ amatheꞌ errothenoth orrtatonayeña partsoteñets. Atthoña eꞌñe all ellopaꞌtetstatet pokthaphña ñokop.

Los Hechos 14:4

Attheñapaꞌ añña patantarr acheñeneshaꞌpaꞌ eꞌñe kowen enteñet ateth serrpareꞌtatanet Pablo ñamha Bernabé. Tharraña poꞌpotantaññapaꞌ ama. Ñetñapaꞌ aña ameꞌñatawet judioneshaꞌ. Ñeñthoꞌmarña ama pathrrayeꞌ kothapeꞌchenoña acheñeneshaꞌ all.