San Juan 7:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Poꞌpotantañpaꞌ ateth otyeset: —Añmapaꞌ ñeñththeꞌkaꞌyeña Cristotets ñeñth xhokma yekwen. Poꞌpotantaññapaꞌ ateth otyenet: —Ñeñthchaꞌ Cristoterretspaꞌ amatheꞌ arrotha wapo Galileoth.

San Juan 7:41 Iomraidhean Croise

San Juan 1:41

Andrésñapaꞌ allorokma awerr eꞌnerrayaꞌ Simón; oꞌña enteraꞌpaꞌ ateth otwerr: —Yapaꞌ oꞌkaꞌye yenter Mesías. (Ñewa, ñeñthña ñoñets Mesías añkaꞌye otenet ñeñthchaꞌ Cristoterrets.)

San Juan 1:46

Natanaelñapaꞌ ateth otapan Felipe: —Nazaretothpaꞌ amaꞌt awathapaꞌ amakaꞌye wenoña ñeñth eꞌñe kowen acheñ. Felipeñapaꞌ ateth otererr: —Poꞌñoxh orrakaꞌye oꞌch penteñaꞌ.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 4:25

Koyaneshaꞌñapaꞌ alla otererr: —Napaꞌ neñoteñ añ Mesíaspaꞌ wapach ñeñthara ñeñth yoten Cristo. Ñerraꞌm ña wapatsapaꞌ eꞌñech serrpareꞌtatwerrey ora allowen ñeñth esokmañen eñall.

San Juan 4:29

—Theꞌpaꞌ soktherren oꞌch senteñaꞌ poesheñarr enkaneshaꞌ ñeñth oꞌ serrpareꞌtatwosen ora allpon ñeñth ateth nephaꞌyesara. Ñatoꞌ ñeñththeꞌña Cristotets ñeñth atarr yekwen oꞌch wapa.

San Juan 4:42

Ñetñapaꞌ ateth oteñet koyaneshaꞌ: —Theꞌñapaꞌ ama eꞌñe pha peñoñotheyeꞌ yameꞌñeno. Theꞌpaꞌ eꞌñe ya eꞌmoeneꞌ yamha alloweney. Ñeñthoꞌmarña theꞌ yapaꞌ oꞌ yeñoch poꞌñoxh ñapaꞌ ñach yaꞌkeshphaterreꞌ alloweney ñeñthey añe patsroꞌtseney.

San Juan 6:69

Yapaꞌ oꞌkaꞌye yameꞌñapha. Yapaꞌ yeñoteneph phapaꞌ pepaꞌtkaꞌye Cristotets, ñeñtheph Yompor Poechemereph.

San Juan 7:27

Tharraña añpaꞌ yeñoteñkaꞌye alloth wena. Tharraña esempoch wapa ñeñthchaꞌ eꞌñe poꞌñoxh Cristotats ñapaꞌ amach eseshayeꞌ eñotapaye errothchaꞌ wapa.

San Juan 7:31

Shonteꞌ acheñeneshaꞌ ñeñth ameꞌñaya. Ñetñapaꞌ ateth otyenet: —Añtheꞌkaꞌyeña poꞌñoxh Cristo ñeñth yekwen oꞌch wapa. Yapaꞌ oꞌkaꞌye orrtatosnay poꞌpartsoña, amatheꞌ errothenoth wapo poꞌpsheñeñ ñeñthchaꞌ ello metanoseꞌ poꞌpartsoteña ñeñth ateth entatyeney añ yakmar.

San Juan 7:52

Ñetñapaꞌ ateth ochet: —Esoꞌmarwachkaꞌ pemoñesyaña galileoꞌmarneshaꞌ, ñatoꞌ phapaꞌ galileoꞌmarneshaphtheꞌ. Phapaꞌ amarramcheꞌ galileoꞌmarneshayaype. Theꞌpaꞌ pelleyaꞌyes Yompor poꞌñoñ allochñapaꞌ oꞌch peñoch Galileothpaꞌ amaꞌt poesheñarrapaꞌ amach wapoña ñeñthchaꞌ aꞌmhteneꞌ Yompor poꞌñoñ.