San Juan 7:33 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³³ Jesúsñapaꞌ alla oterraneterr: —Oꞌ mameshamha eꞌñe parroꞌtseney. Oꞌchña mamerrerrpaꞌ oꞌch alla awerren alloꞌtsen ñeñth nellsenseneꞌ.

San Juan 7:33 Iomraidhean Croise

San Marcos 16:19

Oꞌña ateth otwanerranet Partseshaꞌ Jesúspaꞌ allentha aꞌtapater Pompor poeꞌntaño, allñapaꞌ anorrwen eꞌñe Pompor poꞌkowenroth, all partsotapretwera.

San Juan 13:1

Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 13:33

Jesúsñapaꞌ alla oterraneterr: —Naꞌkñetharneshachaꞌ, oꞌ eꞌñe koñeꞌthamha pallta alloꞌtsenmeñenchaꞌ na eꞌñe arr parro. Napaꞌ oꞌch awerren. Allempoña sapaꞌ seꞌnerrnaꞌch. Ateth noteñ awaña judioneshaꞌ, allchaꞌ neserr napaꞌ sañapaꞌ amach errothenoth sexhapo, theꞌpaꞌxhoꞌ sapaꞌ eꞌñe ateth notenes.

San Juan 14:12

Poꞌñoxhkaꞌye oꞌch notas, ñerraꞌm eseshaꞌ nameꞌñerraya ñetpaꞌxhoꞌña elloch atarr kowen orrtatyerret ñeñth ateth norrtatyen theꞌ. Tharroꞌmar na theꞌpaꞌ oꞌch awerren Apoesho.

San Juan 14:19

Oꞌ mameshamerra palltenmeñ ñeñthña ama ameꞌñetso arr patsro ñetñapaꞌ amach eseshayeꞌ nenterraye, tharraña sapaꞌ xhokmach senterren. Tharroꞌmar napaꞌ korretsana, ñeñthoꞌmarña sapaꞌxhoꞌña korretsasach.

San Juan 14:28

Theꞌpaꞌ oꞌ seꞌmwe ateth oꞌ notwas, na oꞌch awerren, ellochña alla nowerrerr sesho. Ñerraꞌm poꞌñoxh semorrentennañ oꞌtheꞌ sokshañ tharroꞌmar napaꞌ oꞌch awerren Apoesho. Tharroꞌmar ñapaꞌ nanak awamenkatheshaꞌ, ello metanenen na.

San Juan 16:10

Ñamha ñach eñotaterrawet ñeñth eꞌñe pokteꞌ entyen Yompor tharroꞌmar napaꞌ amach alloꞌtsenarano sesho. Napaꞌ oꞌch awerren Apoesho amach alla senterrneꞌthe.

San Juan 16:28

Poꞌñoxh napaꞌ Apoeshoth nowapa, oꞌ nexhap añe patsro. Elloñapaꞌ oꞌch alla nesaꞌnerr añ pats, oꞌch alla awerren Apoesho.

San Juan 16:5

Na theꞌpaꞌ oꞌch awerren alloꞌtsen ñeñth nellsenseꞌ. Saña amaꞌt poesheñarrothesapaꞌ amaña saꞌphthoꞌtenno, errachña neserr.

San Juan 17:11

‘Theꞌña nokoppaꞌ oꞌ xherrmoch eꞌñech ñeñtheshaña añe patsroꞌtsenen tharroꞌmar napaꞌ oꞌch alla awerren pesho. Tharraña ñetpaꞌ alloꞌtsenaretach arr patsro. Pha Apa Partso, pekwamphsepaꞌch allowen ñeñth neyochreshaꞌ pephatenen. Pewamenkothchaꞌña pekwamphsanet. Allochña ñetpaꞌ oꞌch eꞌñe parrokmatet eꞌñe ateth yepena yamha.

San Juan 17:13

‘Tharraña theꞌ napaꞌ oꞌch awerren pesho. Napaꞌ añekopña neñen añexhno añ patsro atthoch ñetpaꞌ atarrchaꞌ kosherret poeyoxhreto eꞌñe ateth nokshena na.

San Juan 20:17

Jesúspaꞌ ateth otererr: —Amach xha perrmatsetno, napaꞌ ama naꞌtenaꞌ Apoesho. Arrña orraph masheñneshesho oꞌch photenanetaꞌ napaꞌ oꞌch naꞌterr Nomporesho ñeñth Neyomporer nepen ñeñthara ñeñth Seyomporer sepen samha.

San Juan 9:4

Ñeñth poktetsa oꞌch norrtatoñ poꞌpartsoña ñeñth nellsenseꞌ thayepaꞌtñapaꞌ poetarmeñ. Ñerraꞌm oꞌch chekmetenpaꞌ amach eshkayeꞌ yetarwaso.