San Juan 7:30 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁰ Allempokma atarr moeneñet oꞌch rromoetañ tharraña ama eseshaꞌ rromaye. Tharroꞌmar ama xhenaꞌ allempo ñeñth poktetsa ñokop atthoch rromoet.

San Juan 7:30 Iomraidhean Croise

San Mateo 12:14

Fariseoneshaꞌña xhaꞌnmaxherretpaꞌ kothapeꞌchatannaꞌtyesnerret, atarr oꞌpateñet Jesús atthoch moetsatachet.

San Mateo 21:46

Ñetñapaꞌ moeneñetañ oꞌch rremoetañ tharraña ama eseshaꞌ rromaye tharroꞌmar ñetpaꞌ xha mechaꞌteñet acheñeneshaꞌ. Ñewa, acheñeneshaꞌ eꞌñekaꞌye kowen enteñet Jesús ñapaꞌ poꞌñoxh ñeñth aꞌmhteneꞌ Yompor poꞌñoñ.

San Marcos 11:18

Añña ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha añ ñeñth atarr etsotayenayeñ ñoñets ñeñth ateth anareth, ñetñapaꞌ allempo ateth eꞌmareꞌtetpaꞌ Jesúsepaꞌtchaꞌ atarr oꞌpatet oꞌch moetsatachet. Tharraña allempopaꞌ ama erroth peto xha mechaꞌnaꞌchet tharroꞌmar allowen acheñeneshaꞌpaꞌ atarrkaꞌye kosheññañet ñeñth ateth yexhatenanet, nanak kowen enteñet.

San Lucas 20:19

Añña ñeñth atarr etsotayenayeñ ñoñets ñeñth ateth anareth ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, ñetña allempopaꞌ oꞌ eñochet ñetkaꞌye atmaꞌntatarethtenet, ñeñthpaꞌ ñokpoetkaꞌye ateth eñorenaña Jesús. Allempoña ñetpaꞌ atarr moeneñetañ oꞌch rremoet Jesús eꞌñe allorokma tharraña ama eseshayeꞌ rromaye tharroꞌmar ñetpaꞌ mechaꞌteñet acheñeneshaꞌ. Ñewa, acheñeneshaꞌ eꞌñekaꞌye kowen enteñet Jesús.

San Lucas 22:53

Napaꞌ allponmatwanen alloꞌtsenen Parets paꞌpakllo eꞌñe parro sesho, esoꞌmareꞌtña amaña allempokmayeꞌña serrmaꞌneꞌthe. Tharroꞌmar theꞌ oꞌ xhap allempo ñeñth poktetsa sokop ñeñthoꞌmar theꞌ oꞌ xhap allempoch oneñethpaꞌ oꞌch orrtatennas poꞌwamenk, ñeñthpaꞌ eꞌñe ateth ñerraꞌm chekmeteꞌ.

San Juan 10:31

Ñeñthoꞌmarña allempo judioneshaꞌ ñetpaꞌ chetet mapoeꞌ alloꞌch rrolleꞌchet.

San Juan 10:39

Ellopaꞌ moeneñetañ oꞌch rromoet tharraña ñet allempopaꞌ xha aꞌkeshphachet.

San Juan 11:57

Ñewa, ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha fariseoneshaꞌ ñetpaꞌ ateth otyeset acheñeneshaꞌ: —Ñerraꞌm eseshaschaꞌ eñoteꞌ erroꞌtsentheꞌña Jesúspaꞌ oꞌch sotey ya allochñapaꞌ oꞌch yerrmach.

San Juan 7:19

‘Amaꞌt apasoña Moisés ñoñets ñeñth ateth anareth. Tharraña amaꞌt apaseñ, sañapaꞌ amaꞌt eꞌñe poesheñarrothesapaꞌ ama sephowenoña ñeñth ateth oten añ ñoñets, ñeñthepñapaꞌ esoꞌmareꞌtña theꞌpaꞌ semneñña oꞌch semtsan.

San Juan 7:32

Fariseoneshaꞌñapaꞌ eꞌmareꞌteñet shonteꞌ acheñeneshaꞌpaꞌ eꞌñe kowen eñosyenet Jesúsokop. Ñeñthoꞌmar ñet ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, ñetñapaꞌ moeñet guardianeshaꞌ ñeñthchaꞌ rromoenayañ Jesús.

San Juan 7:6

Jesúsñapaꞌ ateth otanet: —Allempo ñeñth poktetsa nokop oꞌch norrta allowenakoppaꞌ amakaꞌye eꞌñeyeꞌ xhenaꞌ. Tharraña sokoppaꞌ eꞌñekaꞌye pokteꞌ xhokmakaꞌye eñall.

San Juan 7:8

Sapaꞌ orras sokshapretenaꞌ. Napaꞌ eꞌñe thayekmapaꞌ amachkaꞌye neto koshapretatsa. Tharroꞌmar nokoppaꞌ ama eꞌñeyeꞌ xhenaꞌ allempoch eꞌñe poktaꞌwona.

San Juan 8:20

Allempopaꞌ ateth otanet Jesús all allekma aññoꞌtenet kelle ñeñth Yomporekop allempo yexhatanet allara Parets paꞌpakllo. Tharraña amaꞌt poesheñarra ama eseshayeꞌ rromaye tharroꞌmar ama xhenaꞌ allempoch ñeñth poktetsa ñokop oꞌch rromoet.

San Juan 8:37

Na poꞌñoxhpaꞌ neñotenes sapaꞌ poꞌmhrenñeseñ Abrahampaꞌ tharraña sapaꞌ aña semnen oꞌch semtsan. Tharroꞌmar neñoñpaꞌ amaꞌt mameshapaꞌ ama xhennaso sa seyoxhro.

San Juan 8:59

Ñetñapaꞌ allentha chetet mapoeꞌpaꞌ oꞌch rrolleꞌchetañ tharraña Jesúsña aꞌnawa xhaꞌnerr Parets paꞌpakllothpaꞌ oꞌ awerr oꞌ sowanerranet.

San Juan 9:4

Ñeñth poktetsa oꞌch norrtatoñ poꞌpartsoña ñeñth nellsenseꞌ thayepaꞌtñapaꞌ poetarmeñ. Ñerraꞌm oꞌch chekmetenpaꞌ amach eshkayeꞌ yetarwaso.