San Juan 7:27 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁷ Tharraña añpaꞌ yeñoteñkaꞌye alloth wena. Tharraña esempoch wapa ñeñthchaꞌ eꞌñe poꞌñoxh Cristotats ñapaꞌ amach eseshayeꞌ eñotapaye errothchaꞌ wapa.

San Juan 7:27 Iomraidhean Croise

San Marcos 6:3

Ñapaꞌ añakaꞌye ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Ñapaꞌ añakaꞌye María poechoyor. Paꞌmoꞌnasheñpaꞌxhoꞌña añakaꞌye Jacobo, José, Judas, ñamha Simón. Ñamha poꞌxhaneshaꞌpaꞌ eꞌñekaꞌye yechmeꞌtenanet, parroꞌmarneshayarramcheꞌ. Ñeñthoꞌmarña all eꞌñe ña paꞌnyopaꞌ ama eseshayeꞌ akwaꞌpenaye entenaye.

San Lucas 4:22

Allowenña acheñeneshaꞌpaꞌ eꞌñe kowen eñoraꞌyenet Jesúsokop. Atarr koxhneshaꞌ enteññañet poꞌñoñ ñeñth ateth serrpareꞌtatyenanet. Ñetñapaꞌ ateth otannaꞌtyenet: —Errothenothwañakaꞌyeña atarr koxhneshareꞌ serrpareꞌtatyeney. Ñapaꞌ añakaꞌye José poechemer.

San Juan 6:42

Ñeñthpaꞌ ateth otyeset: —Añmapaꞌ añakaꞌye Jesús, José poechemer, ñeñth pompor ñamha pachor eꞌñekaꞌye yechmeꞌteñ. Theꞌñapaꞌ esoꞌmareꞌtña oten ñapaꞌ entothoꞌ wapa.

San Juan 7:15

Allñapaꞌ epayeꞌ kowanrrorech judioneshaꞌ. Ñetñapaꞌ ateth otyeset: —Taꞌ, errothentheꞌkaꞌyeña añ, amaꞌt ama ayxhatarethe kellekpaꞌ atarrepaꞌt es eñotyen.

San Juan 9:29

Yapaꞌ yeñoteñ Paretspaꞌ eñoranaꞌtana Moisés, tharraña ñeñth yakmarpaꞌ ama yeñoteñe erroththeꞌña wapa.

Los Hechos 8:33

Nanak moeroxhtachet, ama pokteyeꞌ ñeñth ateth phoñet. Ama errotheno oꞌch yotwa ora allowen ñeñth ateth sosey phaꞌyes pamoꞌtsnaꞌtarneshaꞌ. Oꞌ moetsetpaꞌ, oꞌwañ korra añe patsro. Añpaꞌ allowa ateth kellkëꞌth Isaías.