San Juan 7:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ ‘Amaꞌt apasoña Moisés ñoñets ñeñth ateth anareth. Tharraña amaꞌt apaseñ, sañapaꞌ amaꞌt eꞌñe poesheñarrothesapaꞌ ama sephowenoña ñeñth ateth oten añ ñoñets, ñeñthepñapaꞌ esoꞌmareꞌtña theꞌpaꞌ semneñña oꞌch semtsan.

San Juan 7:19 Iomraidhean Croise

San Mateo 12:14

Fariseoneshaꞌña xhaꞌnmaxherretpaꞌ kothapeꞌchatannaꞌtyesnerret, atarr oꞌpateñet Jesús atthoch moetsatachet.

San Mateo 21:38

Ñeñthpaꞌxhoꞌña amaꞌt mameshapaꞌ arepaꞌtchaꞌña mechaꞌnaꞌtapeto. Allempo entapoñet poechemer ñetñapaꞌ ateth otannaꞌtyeset: “Añmapaꞌ ñeñthkaꞌyeña poechemer ñeñthchaꞌ oꞌpaterraya pompor poenaremh esempo. Ñapaꞌxhoꞌña theꞌpaꞌ oꞌchkaꞌye yemtsaph allochñapaꞌ yachkaꞌyeña eꞌñe oꞌpaterrayaña pompor poenaremh. Theꞌpaꞌ oꞌch awey oꞌch yemtsaph ñamha.”

San Marcos 11:18

Añña ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha añ ñeñth atarr etsotayenayeñ ñoñets ñeñth ateth anareth, ñetñapaꞌ allempo ateth eꞌmareꞌtetpaꞌ Jesúsepaꞌtchaꞌ atarr oꞌpatet oꞌch moetsatachet. Tharraña allempopaꞌ ama erroth peto xha mechaꞌnaꞌchet tharroꞌmar allowen acheñeneshaꞌpaꞌ atarrkaꞌye kosheññañet ñeñth ateth yexhatenanet, nanak kowen enteñet.

San Marcos 3:4

Jesúsñapaꞌ ateth otanet: —¿Errothenaꞌtña ñeñth eꞌñe pokteꞌ senten ñeñthchaꞌ ateth yepha añ yethro allempo yamesen? Ñatoꞌ oꞌch ateth yepeꞌ eꞌñe kowen poꞌpsheñeñ, amapaꞌ ñatoꞌ oꞌch ateth yephoñ ñeñth ama kowenayaye. ¿Ñatoꞌ añtheꞌ pokteꞌ senten oꞌch yaꞌkrrach acheñ amapaꞌ añtheꞌ pokteꞌ senten amach yaꞌkrratatsche xhachña yemtsatach? Ñetñapaꞌ amaꞌt poesheñarrothetapaꞌ ama eseshayeꞌ anapaye.

San Marcos 3:6

Fariseoneshaꞌña xhaꞌnmaxherretpaꞌ kothapeꞌchatannaꞌtet epoet Herodes poeyochreshaꞌ, ñetñapaꞌ Jesúsa atarr oꞌpatenet atthoch moetsatachet.

San Juan 1:17

Ñoñets ñeñth ateth anareth awathotheñpaꞌ ñeñth kellkonay Moisés awath. Tharraña Jesucristopaꞌ ñaña orrtatoseꞌña moereñets ñamha ñapaꞌ añ orrtatonay ñoñets ñeñth eꞌñe poꞌñoxh Yompor poꞌñoñ alloch yekeshperra.

San Juan 10:39

Ellopaꞌ moeneñetañ oꞌch rromoet tharraña ñet allempopaꞌ xha aꞌkeshphachet.

San Juan 11:53

Eꞌñe allempotheñña atarr oꞌpateñet Jesús oꞌch moetsatachet.

San Juan 5:16

Ateth pena Jesús añe yethro allempo amesen judioneshaꞌ ñeñthoꞌmarña ñetpaꞌ oꞌpateñet Jesús.

San Juan 5:18

Ñeñthoꞌmarña judioneshaꞌ paꞌmhchaꞌtaretherneshaꞌpaꞌ ello atarr nanak oꞌpateñet oꞌch moetset, tharroꞌmar ñetpaꞌ ateth otyeset: —Ñapaꞌ ama ñapthayeꞌ añe yether oꞌ poeswerro allempokma yamesen, ñapaꞌ añeꞌnaña oten eꞌñoꞌ Pompor penan Parets, ñapaꞌ atthakaꞌye moeneñ oꞌch Partsokoptartena.

San Juan 5:45

Amach sokthapeꞌchatsche ñatoꞌ nach sotteñeꞌcherreꞌ esempowañen Apoesho. Tharraña eñallkaꞌyeña poꞌpsheñeñ ñeñthchaꞌ sotteñeꞌcherreꞌ ñeñthpaꞌ añkaꞌye Moisés, sañapaꞌ ñeñthaña atarr nanak seyemtena.

San Juan 7:1

Allempoña Jesúspaꞌ alla chopeñeꞌchyen eꞌñe alla Galileoꞌmar. Ama moeno oꞌch chopeñeꞌchen ñamha all Judeoꞌmar tharroꞌmar judioneshaꞌpaꞌ xha oꞌpateñet oꞌch moetset.

San Juan 7:25

Patantaꞌtets jerusaléñoꞌmarneshaꞌpaꞌ ateth otyenet: —Taꞌm amatheꞌ añeyayeña ñeñth oꞌpatenet oꞌch moetset.

Los Hechos 7:38

Amaꞌt allempo yatañneshañ chopeñeꞌcheteꞌth amarathareropaꞌ añña Moisés alloꞌtseneta parro amaꞌt allpaꞌ xhokmach apxheteꞌth Yomporekop. Ñapaꞌ alloꞌtsena aspentho Sinaíphno allempo orrtoña Yompor poꞌmhllañotheñer ñeñth eñoranaꞌtaya ñamha oꞌ yexhach ñoñets alloch eꞌñe yokrra Partsokop. Ñeñthña ñoñets allempo poerrerra Moisés aspenthothpaꞌ oꞌ yexhatwerran ñamha pamoꞌtseshaꞌ.

Gálatas 3:19

Añ ñoñets ñeñth ateth net allempopaꞌ ñeñthpaꞌ ateth pha: Yomporpaꞌ awoꞌt moeñan poꞌmhllañotheñnaneshar atthoch ñetpaꞌ oꞌch eñoranaꞌchet Moisés atthoch ñach aꞌmhteꞌ añ ñoñets judioneshakop. Tharraña añ ñoñetspaꞌ eꞌñe tharrempowa sherbhaꞌ allempo wapa Cristo ateth Yompor otan awath Abraham. Eꞌñe poꞌñoxh yameꞌñeñoth aꞌkeshphaterreychaꞌ. Theꞌ ellonethpaꞌ oꞌch neñotatas ñeñthekop nanña elloneth Moisés poꞌñoñ. Ñewa, ñeñthpaꞌ añekpa anarettha atthoch yeñoch ñeñth allpon ochñaꞌteñets enten Yompor ñamha atthoch ñeñthchaꞌ yeñotateneꞌ ñerraꞌm esempo oꞌ yephowa ñeñth ama pokteyeꞌ enteno Yompor.

Gálatas 6:13

Tharraña amaꞌt ñeñth oꞌ atsorrarethetwapaꞌ ama ameꞌñaꞌweneto allowen ñoñets ñeñth ateth anareth judioneshakop. Ñetpaꞌ aña moenenet eꞌñe sameꞌñeñoth ñetpaꞌ oꞌch tsorratatenset atthoch ñetpaꞌ oꞌch ommoꞌchwerrnaset judioneshesho sechets.