San Juan 6:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ —Arr poesheñarr wepoeshachorpaꞌ echenankaꞌye amnar pan ñeñth cebada ñamha epa kak. Atthapaꞌ amatheꞌ yepataneto, acheñpaꞌ shonteꞌkaꞌye.

San Juan 6:9 Iomraidhean Croise

San Mateo 14:17

Ñetñapaꞌ ateth ochet: —Ya arrpaꞌ amakaꞌye es yechenoña amaꞌt koñeꞌtha; yapaꞌ eꞌñekaꞌye amnara pan yechen ñamha epatholl kak.

San Mateo 16:9

Themeꞌttsenaꞌtña ama es sexhenoyoña seyoxhro. Amaꞌtña seyerpoenoña allempo natontat amnar pan ñeñth nerratallmeꞌchpaꞌ alloꞌtsen amnaroch mil acheñeneshaꞌ. Amaꞌt seyerpoenoña ñamha ñeñth allpon chorrarerrets kañthro ñeñth sapxherr allempo.

San Marcos 6:38

Jesúsñapaꞌ ateth oterraneterr: —Ñewa, sekwaꞌ pan, ¿errpontheꞌ sechen? Ñetña kowet panpaꞌ ateth otereterr: —Eꞌñekaꞌye amnara pan eñall ñamha epatholl kak.

San Marcos 8:19

Ñewa, awaña allempo neshotaꞌt amnar pan eꞌñekaꞌye epaꞌwa amnaroch mil yakmaneshaꞌ. Ellopaꞌ ¿errponaꞌtña sapxhaꞌwerrña ñeñth ashotaꞌtyesareth allempo eꞌñe seyetwa? ¿Errponaꞌtña kañther seꞌchorrerr? Ñetñapaꞌ ateth ochet: —Xharraꞌkaꞌye poechena epa kañther.

San Lucas 9:13

Tharraña Jesúsñapaꞌ otan poeyochreshaꞌ: —Sachkaꞌye apaꞌyesawet ñeñthchaꞌ rret. Ñetñapaꞌ ateth ochet: —Ya arrpaꞌ amakaꞌye es yecheno amaꞌt koñeꞌtha. Yapaꞌ eꞌñe amnara pan yechen ñamha epatholl kak. Ñatoꞌ yapaꞌ oꞌch awey anetso allchaꞌ yerañthenaꞌ rreñets ñeñthchaꞌ yerrach allowen shonteꞌ acheñeneshaꞌ.

San Juan 11:21

Martaña allempo poktenan Jesús ateth otapoeñ: —Ñerraꞌm, Partseshachaꞌ, arroꞌtsenpeñchaꞌ amatheꞌ rromoerrñeña nesayañ.

San Juan 11:32

Allempoña xhap María alloꞌtsen Jesús, all entospaꞌ konkorposa paꞌrrphoth. Ñapaꞌxhoꞌña ateth otos: —Ñerraꞌm, Partseshachaꞌ, arroꞌtsenpeñchaꞌpaꞌ amatheꞌ rromoerrñeña nesayañ.

San Juan 21:10

Jesúsñapaꞌ ateth oterraneterr: —Sakraꞌ patantarr kak ñeñth serrmoen eꞌñe errteꞌ.

San Juan 21:13

Allempoña wapanet Jesús allameꞌtets, chetosan pan apaꞌyesosanet. Apaꞌyesosanet ñamha kak.

San Juan 21:9

Allempo sowaꞌrretwerret patsopaꞌ all entwerret kellmesh all worten all achmarethtena kak; alloꞌtsen ñamha pan.

San Juan 6:11

Jesúsñapaꞌ chetan panpaꞌ parasyosoꞌtampes, allempoñapaꞌ apan poeyochreshaꞌ. Poeyochreshaꞌñapaꞌ epatyeset allowen acheñeneshaꞌ ñeñth anorrxhets all. Atthekma pha allempo apaꞌyesanet ñamha kak. Allowenetpaꞌ eꞌñe agapwawet ñeñth allpon moenaꞌyeset.

San Juan 6:7

Felipeñapaꞌ ateth och: —Amaꞌt epoch xharroch xharraꞌ denario alloch yerañtha panpaꞌ amaꞌt poeshmetathollapaꞌ amatheꞌ rraꞌyeseto.

2 Corintios 8:9

Ñewa, sapaꞌ oꞌ señoter ñeñth ateth pha Yepartseshar Jesucristo. Ñapaꞌ atarr amoerañtosa, ñapaꞌ esokmañen echeneñ Pomporesho, tharraña eꞌñe poemorrenteñothey ya, ñañapaꞌ attha wokchañetos. Allochña eꞌñe poewokchañeteñoth yokop, yañapaꞌ shonteꞌch esokmañen yecherr Yomporeshoth.

El Apocalipsis 6:6

Alloꞌtsaꞌyen ñeñth berrmaꞌthtetsapaꞌ eꞌñe all rroxhothpaꞌ neꞌmoererr ñeñth ateth eꞌmorrterrerr ñoñets, ñeñthpaꞌ ateth oten ñoñets: —Patherr kilo trigopaꞌ nankëpaꞌch tsaꞌteterr amaꞌt ñeñth patherr denario, ñamha maꞌpa kilo cebadapaꞌ nankëpaꞌch tsaꞌterra. Tsaꞌterrepaꞌch ñamha patherr denario. Tharraña olivoseꞌ ñamha vinospaꞌ xhokmoepaꞌch eñall, amach seprratamphsatsetye.