San Juan 6:66 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶⁶ Allempotheñña shonteꞌ Jesús poeyochreshaxhno poerraxherret ñeshothpaꞌ oꞌwañ chopeñeꞌchenet parro.

San Juan 6:66 Iomraidhean Croise

San Mateo 19:22

Oꞌña eꞌmwan wepoeshaꞌ ñeñth ateth och Jesúspaꞌ ñañapaꞌ poellkëñeshaꞌ awerr tharroꞌmar ñapaꞌ shonteꞌ esokmañen echyen.

San Lucas 9:62

Jesúsñapaꞌ ateth och: —Ñeñth ama eꞌñeyeꞌ maꞌyoxhrenaye atthoch thorrenet eꞌñe kowen Yomporekop, ñeñthña acheñerpaꞌ amach eꞌñe kowenayeꞌ sherbeno atthoch eꞌñe epatwan Yompor poꞌkowenña ñeñth attho atarr ayochreshathtena ña. Ñeñth acheñerpaꞌ atethchaꞌ netmaꞌntacha: Ñerraꞌm eseshaꞌ orreneꞌ etamapets atthoch etaman pats eꞌñe kowen paxharr paꞌmro, ñerraꞌm paꞌcheꞌñontha kowaꞌnom amaꞌt mameshapaꞌ amach etsotanoña etamapets atthoch eꞌñe paxharr etaman pats allchaꞌ nareꞌtatseꞌt paꞌmro.

San Juan 2:2

Jesúsña epoet poeyochreshaꞌpaꞌ ñetpaꞌxhoꞌña awaꞌñarethtet allchaꞌ rrallmeꞌchapretenetaꞌ.

San Juan 6:60

Allempoña ateth eꞌmoeñet ateth oten, shonteꞌ poeyochreshaxhnopaꞌ ateth otyeset: —Añ ñoñetspaꞌ amakaꞌye eꞌñeyeꞌ pokteyaye, amatheꞌ eseshaꞌ ameꞌñayo.

San Juan 6:64

Tharraña pantantaꞌttsospaꞌ amaña sameꞌñenno. Ñewa, Jesúspaꞌ eꞌñe allempotheñ eñotenan ñeñthchaꞌ ama ameꞌñerrtso. Eꞌñe eñotenan ñamha ñeñthchaꞌ pomoerreꞌ.

San Juan 7:3

Allempoña Jesúspaꞌ ateth och paꞌmoꞌnasheñneshaꞌ: —Theꞌpaꞌ orrerreph arroth, awerreph alla Judeo allochñapaꞌ peyochreneshaxhno ñeñth alloꞌtsaꞌyen oꞌch phorrtatwerranet ñamet pepartsoña ñeñth ateth pephaꞌyena theꞌ arrma.

San Juan 8:31

Allempoña Jesúspaꞌ ateth otan judioneshaꞌ ñeñth ameꞌñenaya ña: —Ñerraꞌm xhokma sokthapeꞌchon neñoñ poꞌñoxhpaꞌ neyochreshaꞌch nepenes.

2 Timoteo 1:15

Napaꞌ oꞌ notaph ateth tharroꞌmar amaꞌt phapaꞌ peñoteñtheꞌ shonteꞌ acheñ ñeñth yexhaꞌyetsa Asioꞌmarpaꞌ oꞌ sowanerrnet, ateth ñerraꞌm Figelo ñamha Hermógenes.

2 Timoteo 4:10

Tharroꞌmar arr masheñ Demaspaꞌ oꞌ aꞌypoꞌñaꞌnerren arr napoeth, ñapaꞌ oꞌ awerr Tesalónico, tharroꞌmar ñapaꞌ aña nanak morrentena ñeñth patsoꞌmarekpa. Añpaꞌxhoꞌña masheñ Crescentepaꞌ oꞌ awoꞌ ñamha Galacio. Ñamha masheñ Titopaꞌ oꞌ awoꞌ anetso Dalmacio.

Hebreos 10:38

Tharraña Yomporpaꞌ ateth oten: Ñeñth eꞌñe pokteꞌ nenten na amaꞌt erraꞌtsena acheñer tharroꞌmar eꞌñe poeyemteñothen na, ñeñthñapaꞌ korretsach. Tharraña ñerraꞌm eseshaꞌ nepoerramperraya ñapaꞌ oꞌwañchaꞌ alloꞌna koshatenen.

1 San Juan 2:19

Amaꞌt awañmoꞌcha eꞌñe parrokma yapxhañeꞌth ñetña theꞌpaꞌ oꞌ awanmoet elloneth oꞌ sowanerryet tharroꞌmar poꞌñoxhpaꞌ ama allowenakmayeꞌ yeparrokmaterro. Ñerraꞌm poꞌñoxhchaꞌ allowenakmay yeparrokmaterreñ allempoña ñetpaꞌ alloꞌtsaꞌyenetañatheꞌ ñamet yesho. Tharraña theꞌña ñetpaꞌ oꞌ awanerret elloneth atthoña oꞌ yeñoterranet poꞌñoxhpaꞌ ama allowenakmayeꞌ yeparrokmaterro.