San Juan 6:62 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶² Taꞌm, ¿errothenaꞌtchaꞌ sotña ñerraꞌm poꞌñoxh sentennoñ na Ñeñthen Acheñetosets oꞌch alla naꞌterreñ ento alloth nowapa awath?

San Juan 6:62 Iomraidhean Croise

San Mateo 8:20

Jesúsñapaꞌ ateth och: —Theꞌpaꞌ napaꞌ peñotenchaꞌ amaꞌt nepakllapaꞌ ama necheñe allchaꞌ neyxhenañ. Roꞌkëphpaꞌ xhokma eñall paꞌpon allekma yexhena. Othexhnopaꞌxhoꞌña xhokma eñall paꞌmaꞌ allekma yexhaꞌyenet. Tharraña naña Ñeñthen Acheñetosetspaꞌ ama eñalle ñeñth eꞌñe nepakëll nepen allchaꞌ nephanena.

San Marcos 16:19

Oꞌña ateth otwanerranet Partseshaꞌ Jesúspaꞌ allentha aꞌtapater Pompor poeꞌntaño, allñapaꞌ anorrwen eꞌñe Pompor poꞌkowenroth, all partsotapretwera.

San Lucas 24:51

Eꞌñe poebensareꞌtampeñothanetpaꞌ allñapaꞌ aꞌtenocheꞌ poeꞌntaño oꞌ sowanenanña poeyochreshaxhno.

San Juan 16:28

Poꞌñoxh napaꞌ Apoeshoth nowapa, oꞌ nexhap añe patsro. Elloñapaꞌ oꞌch alla nesaꞌnerr añ pats, oꞌch alla awerren Apoesho.

San Juan 17:11

‘Theꞌña nokoppaꞌ oꞌ xherrmoch eꞌñech ñeñtheshaña añe patsroꞌtsenen tharroꞌmar napaꞌ oꞌch alla awerren pesho. Tharraña ñetpaꞌ alloꞌtsenaretach arr patsro. Pha Apa Partso, pekwamphsepaꞌch allowen ñeñth neyochreshaꞌ pephatenen. Pewamenkothchaꞌña pekwamphsanet. Allochña ñetpaꞌ oꞌch eꞌñe parrokmatet eꞌñe ateth yepena yamha.

San Juan 3:13

‘Ama eñalle amaꞌt poesheñarra ñeñthchaꞌ aꞌtapoets ento ñamha ñeñthchaꞌ sowerrtsa ñeñthara entoth. Napthaña na Ñeñthen Acheñetosets ñeñthen sowatsa entoth, naptha nentar Nompor poeꞌntaño tharroꞌmar napaꞌ ñeñth naꞌnetser nepen.

San Juan 6:27

Theꞌpaꞌ oꞌch notas, sapaꞌ amach aña semaꞌyoxhratsto yokrramh ñeñth eꞌnwapoꞌ. Añchaꞌña semaꞌyoxhra sokrramh ñeñth ama eꞌnwapawoyaye; ñeñthña alloch sapaꞌ korretsasach soksheñeshokmañen eꞌñe thayotheñ amaꞌt errponañowen. Ñeñthña sokrramhpaꞌ nach sapoerreꞌ Ñeñthen Acheñetosets tharroꞌmar Apapaꞌ oꞌ llesenserren na Ñeñthen Acheñetosets arr patsro.

San Juan 6:42

Ñeñthpaꞌ ateth otyeset: —Añmapaꞌ añakaꞌye Jesús, José poechemer, ñeñth pompor ñamha pachor eꞌñekaꞌye yechmeꞌteñ. Theꞌñapaꞌ esoꞌmareꞌtña oten ñapaꞌ entothoꞌ wapa.

San Juan 6:53

Jesúsñapaꞌ alla oterraneterr: —Poꞌñoxh oꞌch notas, ñerraꞌm ama serrerrnano nechets Ñeñthen Acheñetosets, ñerraꞌm ama sorrerrnano ñamha nerras, sapaꞌ amatheꞌ errothenoth sokrroña sa.

Los Hechos 1:9

Ñeñtha otwanenanetpaꞌ allempoñapaꞌ aꞌtenochayoꞌ enoneth. Añña poeyochreshaꞌ pokwanrrorteñothetpaꞌ oꞌ maꞌnatena oso. Oꞌwañ orrta, amaꞌt mamesha.

1 San Pedro 3:22

Allempo tanterra Cristopaꞌ oꞌ awerr poeꞌntaño. Theꞌñapaꞌ alloꞌtsen epoet Pompor eꞌñe poꞌkowenroth, allñapaꞌ all partsoten. Amaꞌt allowen ñeñth Pompor poꞌmhllañotheñnanesharpaꞌ ñetpaꞌxhoꞌña theꞌpaꞌ eꞌñe kowen ameꞌñeñet ñamet. Ñamha amaꞌt allowen ñeñth amhchaꞌtarethetyetsa poeꞌntañopaꞌ ñetpaꞌxhoꞌña ello ameꞌñaꞌweñet ñamet. Amaꞌt allowen ñeñth awamenkathexhnopaꞌxhoꞌña ello ameꞌñaꞌweñet.