San Juan 6:56 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁶ Ñeñthchaꞌ rreneꞌ nechets ñamha ñerraꞌm orrennanet nerras ñetñapaꞌ eꞌñech parrokmatennet na, napaꞌxhoꞌña eꞌñech neparrokmatenanet ñet.

San Juan 6:56 Iomraidhean Croise

San Juan 14:20

Allempoch chorrerrsa Yompor Poekamkëñ allempochña señoter napaꞌ eꞌñe poꞌñoxh neparrokmaten epan Apa, sañapaꞌ separrokmaterrnach, nañapaꞌ neparrokmatennasach.

San Juan 14:23

Jesúsñapaꞌ ateth oterraneterr: —Ñerraꞌm eseshaꞌch nemorrentaya na eꞌñechña ateth perret ñeñth ateth notenanet. Apañapaꞌ atarrchaꞌ morrentenanet. Ñeshetoñapaꞌ yexhapchaꞌ atthoch yeyxherra ñet poeyoxhreto.

San Juan 6:55

Tharroꞌmar nechets ñeñth eꞌñe poꞌñoxh korramhtsotets; ñerraspaꞌxhoꞌña ñeñth eꞌñe poꞌñoxh orrpapoꞌ.

2 Corintios 6:16

Ñamha ñeñth paꞌpakëll pen Yomporpaꞌ ama attheyaye ñerraꞌmrratheꞌ ñeñth ayexhkatareth ñeñth poꞌyomporer phaꞌyen poꞌpotantañ acheñeneshaꞌ arr patsro. Tharroꞌmar amaꞌt yapaꞌ alloweney ñeñthey ameꞌñenaya, yañapaꞌ paꞌpakëll peney Yompor ñeñth ama arromñatheshayaye. Añpaꞌ ñeñth ateth oten Yompor: Napaꞌ xhokmach neyxhena eꞌñe ñesheto parro allchaꞌ nechopeñeꞌchen. Napaꞌ Poꞌyomporer pennet, ñetpaꞌxhoꞌña eꞌñe neyochreneshaꞌ nepenanet.

Efesios 3:17

Ñamha xhokmoepaꞌch yexhena Cristo eꞌñe seyoxhro eꞌñe seyemteñoth ña. Allochñapaꞌ atthochña eꞌñe sagapoñ Yompor poemorrenteña atthoch eꞌñe womenk sephaꞌ seyoxher Yomporekop. Ateth ñerraꞌmrratheꞌ tsach ñeñth atarr erxhath eꞌñech womenk orrena patso, allochña poeꞌchorpaꞌ eꞌñech kowen then.

1 San Juan 2:24

Ñeñthoꞌmarña oꞌch notas, Yompor poꞌkowenña ñeñth seꞌmoerr awañmoꞌchotheñ, theꞌña sa attho oꞌ eꞌñe señoter seyoxhro alloꞌnepaꞌch sesen ameꞌñaꞌnmatsa allochñapaꞌ atthoch eꞌñe kowen separrokmaterr epas Yompor Poechemer ñamha epas Yompor Parets.

1 San Juan 3:24

Erraꞌtsenchaꞌ eꞌñe kowen ameꞌñenaya Yompor poꞌñoñ ñeñth ateth oteney, ñetñapaꞌ eꞌñe parrokmatenet epoet Yompor. Ñeñthoꞌmarña yeñoteñ yeparrokmaten, Parets Poekamkëñoth ñeñth chorratenya ñeñthña yeñotateneꞌña eꞌñe yeparrokmateña Yompor.

1 San Juan 4:12

Yomporpaꞌ ama eseshaꞌ poentare. Tharraña ñerraꞌm eꞌñe yemorrentannena alloweney, poꞌñoxhpaꞌ eꞌñe yeparrokmaten epay Yompor. Ña poemorrenteñapaꞌ eꞌñech chorrenya poktakma.

El Apocalipsis 3:20

Señochepaꞌch ñeñthchaꞌ ateth netmaꞌntaterrsa. Napaꞌ atethchaꞌ nepena ñerraꞌmrratheꞌ eseshaꞌ ñeñth xhokma xhoreꞌtets yetarroth. Ñerraꞌm eseshas seꞌmapoerrnan neñoñ ñamha ñerraꞌm setorampenen, nañapaꞌ oꞌch nebeꞌthos all, allñapaꞌ oꞌch yerrallmeꞌchen parro.