Ateth ñerraꞌm na Ñeñthen Acheñetosets, napaꞌ ama añekpayeꞌ newapo añe patsro allochñapaꞌ sapaꞌ oꞌch attha atarr sesherbhapoen na ateth ñerraꞌmrratheꞌ napaꞌ atarr amhchaꞌtareth sentenen. Napaꞌ añekopña newapa allochñapaꞌ nachña sesherbhoseꞌña sa, ñeñthoꞌmarña napaꞌ naña pomostsa nañeña oꞌch nerromos sokop atthochña netsaꞌtwerrnasa soꞌchñar ñeñthes shontes paꞌnamen acheñres. Atthochña sapaꞌ amach sañeña rromatso soꞌchñarekop.
San Juan 6:51 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho51 Eꞌñe poꞌñoxh napaꞌ na ñeñthen korramhtsotets alloch eꞌñe sokrra ñeñthen wapatsa entoth. Ñerraꞌm eseshaꞌ rreꞌ añ korrametspaꞌ ñetñapaꞌ korretsetach thayotheñ eꞌñe errponañowen. Añ korramets ñeñthchaꞌ nepomoerr na acheñeneshakop arr patsro alloch eꞌñe korrenet, ñeñthpaꞌ añkaꞌye nechets. Faic an caibideil |
San Juan 6:51
30 Iomraidhean Croise
Cristoña ñeñth Poꞌñoñ pen Yompor oꞌ acheñetos arr patsro, oꞌ yeyxhañ eꞌñe parro mameꞌ añe patsro. Ñapaꞌ atarr amoerañtosa. Ñamha attho yexhatosey Yompor poꞌñoñ ñeñthña ñoñetspaꞌ eꞌñe poꞌñoxh ateth, ama shekëñtsoyaye amaꞌt mamesha. Ñamha yapaꞌ xhokma yentoñeꞌth poꞌkowenña. Ñeñthña poꞌkowenñapaꞌ ateth ñerraꞌm Pompor ñeñth poꞌpathrror peneꞌ ña.
Tsapathña Juan allempo entapan Jesús ñeshoneth en, ñañapaꞌ ateth otan acheñeneshaꞌ: —Añkaꞌyeña ñeñth oꞌ llesenserr Yompor ñeñthchaꞌ Poꞌcarneror pen, ñach yawanmamperreꞌ yoꞌchñar alloweney ñeñthey añe patsroꞌtsaꞌyeney, tharroꞌmar ñach rromoerrets yoꞌchñarekop atethchaꞌ perra ateth amtsarethtena carnero ochñartsokop.
‘Napaꞌ eꞌñe poꞌñoxh ateth notenes: Ñerraꞌm eseshaꞌ eꞌmhñoteꞌ neñoñ ñamha ñerraꞌm yemterrnanet Nompor ñeñth nellsenseneꞌ ñetñapaꞌ korretsetach poksheñeshokmañen thayotheñ errponañowen. Amach aꞌkoñchatarethterreto amaꞌt errponaña. Tharroꞌmarña ñetpaꞌ oꞌ metanerretña ñeñth eꞌñe poꞌñoxh rromoeñets, oꞌ xherret allña ñetpaꞌ korretsetach thayothen errponañowen.
Jesúsñapaꞌ alla oterraneterr: —Napaꞌ na korramhtsotets alloch eꞌñe sokrra. Eseshaꞌch wapatsa nesho ñetña amaꞌt awathapaꞌ amach alla cheporrerreteꞌthe. Eseshaꞌch nameꞌñerraya na ñetña amaꞌt awathapaꞌ amach alla oñpaꞌterreteꞌthe. Ñewa, ñeñthpaꞌ añ notenes, eseshaꞌch nameꞌñerraya na ñetñapaꞌ xhokmach eꞌñe kosherret poeyoxhreto, amaꞌt awathapaꞌ amach alla es eꞌnerreteꞌthe.
Ñamha attho Yomporpaꞌ moenatan Poechemer Cristo allempopaꞌ ñachña alloꞌna sets yamoꞌtstataya alloweney acheñeneshay Pomporesho. Allochñapaꞌ oꞌwañchaꞌ alloꞌna ochñatheneshaꞌ enteney Yompor. Atthoña yapaꞌ apoerrey llesens elloneth atthoch yach eñotatyeseꞌ paꞌnamen acheñeneshaꞌ allochñapaꞌ ñetpaꞌxhoꞌña atthoch eꞌñe amoꞌtsterranet Yompor.
Añ ñeñthara Cristo ñapaꞌ amaꞌt parrochapaꞌ ama phano ñeñth ama pokteyeꞌ enteno Pompor Parets, tharraña Pomporñapaꞌ awoꞌt moenateñ oꞌch ateth apharethta ñerraꞌmrratheꞌ acheñ ñeñth atarr ochñath. Tharraña ñeñth attho apharethtapaꞌ ñeñthpaꞌ eꞌñe yokop. Allochñapaꞌ eꞌñe yeyemteñoth Poechemer Cristo, Pomporña yapoerreꞌ alloch eꞌñe pokteꞌ enterrey.
Elloña Cristopaꞌ atarr morrentenya. Ñeñthoꞌmarña eꞌñe pokteꞌ eñch atthoña poma ñañeña attho rroma yokop ateth peteꞌth awath allempo moetseteꞌth carnero Yomporekop. Ñeñthña eꞌñe kowen enteꞌth Yompor eꞌñe ateth ñerraꞌmrratheꞌ ñeñth allo atarr eñmosathtamphsacheteꞌth awath ña. Attho atarr morrentya Cristo, yokoppaꞌxhoꞌña añ poktetsa eꞌñech kowen yemorrentannaꞌtwena.
Poꞌñoxh Jesucristo eꞌñe ña poꞌchtsoth orrtaterrnay poꞌpoñ etserra atthoch yapaꞌxhoꞌña oꞌch yexhapampera Yompor atthoch yeꞌñoranaꞌtera. Ñeñthpaꞌ eꞌñe kowen atthoch yeyemteña eꞌñe poꞌñoxh. Ñeñthpaꞌ añ tomaꞌntena ñerraꞌmrratheꞌ Cristopaꞌ oꞌ xhapaterrey allowa yottampeññañet besmo Parets poꞌponro all poꞌprawo.
Añ poktetsa oꞌch separrokmaterr epas Cristo. Cristo ñeñth atarr sherbets ateth ñerraꞌm mapoeꞌ ñeñth nenet kellpach paꞌrrphoth allo orratenet pokoll ñeñth nanak echarr. Tharraña mapoeꞌ amaꞌt nanak sherbenpaꞌ ama añeyaye alloch eꞌñe yokrra. Añña Cristo attho sherbenpaꞌ allochña eꞌñe yokrra poꞌñoxh. Amaꞌt acheñeneshaꞌ amaꞌt ama kowenayeꞌ enteñeto Cristopaꞌ Pomporñapaꞌ eꞌñe pokteꞌ enteñ. Pomporñapaꞌ ña akreꞌ ñeñthchaꞌ nanak sherbhats ñokop ateth ñerraꞌm mapoeꞌ ñeñth nanak kowen allochña thomatenan paꞌpakëll.
Sanasan