San Juan 6:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Jesúsña kowatsa aꞌyopaꞌ entapan shonteꞌ acheñeneshaꞌ ñeñth onaxhets ñeshoneth. Allempoñapaꞌ ateth otan Felipe: —Errawachkaꞌ yerañthaña pantheꞌ ñeñthchaꞌ rros acheñeneshaꞌ ñeñth oꞌ waxhaꞌta.

San Juan 6:5 Iomraidhean Croise

San Mateo 15:33

Poeyochreshaꞌñapaꞌ ateth otoset: —Errawachkaꞌye yentña allpon rreñets ñeñthchaꞌ yerrach shonteꞌ acheñ, arrpaꞌ amayakaꞌye.

San Marcos 6:32

Allempoñapaꞌ eꞌñe ñapthochayet awanmamphset noñtho, oꞌch awanmoet all ama acheñempañoyaye all otenanet Jesús.

San Lucas 9:10

Allempo waxherra Jesús poeyochreshaꞌ ñeñth llesensaꞌyes awaña. Ñetñapaꞌ oꞌ xhaxherret Jesúsesho, serrpareꞌtatyesweret Jesús allowen allpon ateth phaꞌyeset allemeñ anetsoꞌmar. Allempoña Jesúspaꞌ awanman poeyochreshaꞌ eꞌñe ñapthochayet, xhapoet all ama acheñempañoyaye all allameꞌtets anetso, ñeñth anetspaꞌ añ paꞌsoꞌcheñ Betsaida.

San Juan 1:43

Tsapathña Jesúspaꞌ sechena oꞌch awerr Galileo. Allña entwenan Felipe ñañapaꞌ ateth otweñ: —Amaꞌt pemno oꞌch phokthenen.

San Juan 1:44

Ñewa, Felipepaꞌxhoꞌña galileoꞌmarneshaꞌ, ña paꞌnetserpaꞌ añ paꞌsoꞌcheñ Betsaida ñeñthara ñamha Andrés paꞌnetser ñamha Pedro.

San Juan 1:45

Felipeñapaꞌ entwenan Natanaelpaꞌ ateth otweñ: —Yapaꞌ oꞌkaꞌye yenter ñeñth ñokop kellkëꞌth Moisés all orrtatan ñoñets ñeñth ateth anareth, ñamha ñokop kellkëꞌth ñeñth aꞌmhtaꞌyesayeꞌth Yompor poꞌñoñ. Añepaꞌtkaꞌye Jesús ñeñth wetsa Nazaretoth ñeñth José poechemer.

San Juan 1:46

Natanaelñapaꞌ ateth otapan Felipe: —Nazaretothpaꞌ amaꞌt awathapaꞌ amakaꞌye wenoña ñeñth eꞌñe kowen acheñ. Felipeñapaꞌ ateth otererr: —Poꞌñoxh orrakaꞌye oꞌch penteñaꞌ.

San Juan 1:48

Natanaelñapaꞌ ateth otosan Jesús: —Napaꞌ ¿errothenotheꞌtña peñotenen? Amakaꞌye pentarno. Jesúsñapaꞌ ateth otererr: —Allempo ama aꞌsechenphaꞌ Felipe nesho, allempo phapaꞌ alla phanen mañtho higocho nañapaꞌ nentenephkaꞌye.

San Juan 4:35

Amaꞌt sotenoña sa: “Palltenmeñ paꞌtatsmha arrorr oꞌch eꞌñe yaꞌyapaxhaꞌwa yenaremh.” Theꞌñapaꞌ oꞌch notas: Theꞌpaꞌ sekweꞌkaꞌye aꞌyo oꞌch sentap shonteꞌ acheñ ñeñth onaxhets, oꞌkaꞌye xhap allempoch ameꞌñerrnet. Theꞌ ñetpaꞌ eꞌñekaꞌye ateth nentenanet ñerraꞌm yenaremhpaꞌ oꞌ pomellaꞌwen oꞌkaꞌye xhap allempoch yapxhaꞌwe.