San Juan 6:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Attho Jesúspaꞌ otenanet, “Napaꞌ na korramhtsotets ñeñthen wapatsa entoth”, judioneshaꞌñapaꞌ pokwanaꞌteñothet otatseꞌtyeñet.

San Juan 6:41 Iomraidhean Croise

San Lucas 15:2

Añña fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ amaꞌt mameshapaꞌ ama pokteyeꞌ enteñeto. Ñetñapaꞌ attha sasareꞌteñet Jesúspaꞌ ñeñthpaꞌ ateth otannaꞌtyenet: —Añ acheñer amaꞌt ñeñth atarr ochñatheneshaꞌpaꞌ esoꞌmartheꞌña eꞌñe kowen agapyenanet, ñamha alla rrallmeꞌchapreteñet.

San Lucas 19:7

Allempoña acheñeneshaꞌ ateth eñchet, ñetñapaꞌ amaꞌt mameshapaꞌ ama pokteyeꞌ es entaye. Ñetpaꞌ ateth otannaꞌtyeset: —Esoꞌmarchaꞌkaꞌyeña beꞌthososña Jesús allchaꞌ mos añ acheñer paꞌpakllo ñeñth atarr nanak ochñath.

San Lucas 5:30

Fariseoneshaꞌ ñamha ñeñth atarr etsotayenayeñ ñoñets ñeñth ateth anareth, ñetñapaꞌ sasareꞌteññañet Jesús poeyochreshaꞌ. Attheñapaꞌ otarethtet: —Taꞌm, esoꞌmartheꞌña serrallmeꞌchapreteñña añ acheñeneshar ñeñth poeshkëñotheꞌna cobraꞌyeneꞌ acheñeneshaꞌ aton kelle ñamha epas acheñeneshaꞌ ñeñth atarr ochñatheneshaxhno.

San Juan 1:19

Allempo judioneshaꞌ paꞌmhchaꞌtaretherneshaꞌ ñetñapaꞌ moeñet acheñ Jerusaléñoth ñeñthchaꞌ awanmatsa Juanesho. Añ moeñet judioneshaꞌ poꞌkornaneshar ñamha levitaneshaꞌ ñeñth poꞌtarwas peneꞌ oꞌch thorrenet Parets paꞌpakllo. Ñetpaꞌ añekop amñarethtet ñetchaꞌ aꞌphthoꞌtoset Juan ñapaꞌ eseshaꞌtheꞌña. Oꞌña xhapoet ñeshopaꞌ ateth otoset: —Phapaꞌ ¿eseshapeꞌtña, amaꞌt añeyaype ñeñthephchaꞌ Cristoterrets?

San Juan 6:33

Naña sokrramh sepen ñeñthen oꞌ apoerres Nompor, napaꞌxhoꞌña entoth nowapa Yomporeshoth allochñapaꞌ acheñeneshaꞌña arr patsropaꞌ ñetñapaꞌ korretsetach.

San Juan 6:43

Jesúsñapaꞌ ateth otanet: —Sapaꞌ amach attha sotatseꞌtannaꞌtyesatsto.

San Juan 6:48

Napaꞌ na korramhtsotets alloch eꞌñe sokrra.

San Juan 6:58

Na ñeñthen sokrramh sepen ñeñthen wapatsa entoth. Ama attheyayno ñerraꞌmrratheꞌ pan ñeñth rreꞌth satañneshañ awath. Ñetpaꞌ oꞌ kollaꞌwenet. Eseshaꞌch eꞌñe pokrramh nepeneꞌ ñetñapaꞌ korretsetach thayotheñ eꞌñe errponañowen.

San Juan 6:60

Allempoña ateth eꞌmoeñet ateth oten, shonteꞌ poeyochreshaxhnopaꞌ ateth otyeset: —Añ ñoñetspaꞌ amakaꞌye eꞌñeyeꞌ pokteyaye, amatheꞌ eseshaꞌ ameꞌñayo.

San Juan 6:66

Allempotheñña shonteꞌ Jesús poeyochreshaxhno poerraxherret ñeshothpaꞌ oꞌwañ chopeñeꞌchenet parro.

San Juan 7:12

Allña acheñeneshaꞌpaꞌ shonteꞌ eñosyenet ñokop. Patantaꞌtetspaꞌ ateth otyenet: “Ñapaꞌ eꞌñe kowen acheñer”; poꞌpotantañexhnopaꞌ ateth otyenet: “Amakaꞌye kowenayaye, atthakaꞌye shekareꞌtyenan acheñeneshaꞌ.”

1 Corintios 10:10

Ñamha ama pokteyaye oꞌch yethanmareꞌcha Yompor. Ñeñth ateth peꞌth ñamha patantaꞌtets acheñeneshaꞌpaꞌ ñeñthoꞌmaroꞌña amñarethtet ñeñth amtsañpaꞌ oꞌ aꞌkllatwanet.

San Judas 1:16

Ñamha ñeñth ashkañneshaꞌpaꞌ atarrchaꞌ thanmareꞌtyeñet, xhach poꞌpoñ entwenet. Añach kothapeꞌchyenet ñeñth moenaꞌyenet eꞌñe ñokpoeta. Xhoꞌnatheꞌ ñetpaꞌ atarrchaꞌ ommoñathet. Ñamha ñerraꞌm esempo eꞌñe kowen eñosyenet acheñeneshakop, ñetpaꞌ añekpach eꞌñe kowen eñosyenet atthoch es apoenanet acheñeneshaꞌ.