San Juan 6:38 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁸ Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

San Juan 6:38 Iomraidhean Croise

San Mateo 20:28

Ateth ñerraꞌm na Ñeñthen Acheñetosets, napaꞌ ama añekpayeꞌ newapo añe patsro allochñapaꞌ sapaꞌ oꞌch attha atarr sesherbhapoen na ateth ñerraꞌmrratheꞌ napaꞌ atarr amhchaꞌtareth sentenen. Napaꞌ añekopña newapa allochñapaꞌ nachña sesherbhoseꞌña sa, ñeñthoꞌmarña napaꞌ naña pomostsa nañeña oꞌch nerromos sokop atthochña netsaꞌtwerrnasa soꞌchñar ñeñthes shontes paꞌnamen acheñres. Atthochña sapaꞌ amach sañeña rromatso soꞌchñarekop.

San Juan 3:13

‘Ama eñalle amaꞌt poesheñarra ñeñthchaꞌ aꞌtapoets ento ñamha ñeñthchaꞌ sowerrtsa ñeñthara entoth. Napthaña na Ñeñthen Acheñetosets ñeñthen sowatsa entoth, naptha nentar Nompor poeꞌntaño tharroꞌmar napaꞌ ñeñth naꞌnetser nepen.

San Juan 3:17

Yomporpaꞌ amakaꞌye añekpayeꞌ moeñanoña Poechemer arr patsro atthoch moeñosan acheñeneshaꞌ koñcheñtso. Ñapaꞌ añekopña moeñe atthoch ñach aꞌkeshphatoseꞌña acheñeneshaꞌ arr patsro.

San Juan 3:31

Ñewa, yeñoteñ ñeñth wetsa entoth Yomporeshoth eñchetepaꞌ ñapaꞌ atarrkaꞌye amhchaꞌtareth. Tharraña ñeñth patsoꞌmarneshaꞌ ñeñthpaꞌ alla eñorena patsoꞌmar. Ñeñth wetsa entoth Yomporeshoth eñchetepaꞌ ñapaꞌ atarrkaꞌye amhchaꞌtareth.

San Juan 4:34

Jesúsñapaꞌ alla oterraneterr: —Añkaꞌyeña nerrar nepen oꞌch nepha ateth moenen Nompor ñeñth nellsenseneꞌ, tharroꞌmar ñeñthpaꞌ atthochña eꞌñe netsotwoñ poꞌtarwas.

San Juan 5:19

Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.

San Juan 5:30

‘Amatheꞌ errothenoth es nephaꞌyesoña eꞌñe notha. Ateth eñotatenen Nomporpaꞌ atthochña nemñe patantaꞌtets acheñeneshaꞌ koñcheñtso, poꞌpotantaññapaꞌ amach. Ñamha errothenchaꞌ nentyeswerranetpaꞌ ñeñthpaꞌ eꞌñe pokteꞌ tharroꞌmar ama eꞌñe na nemnenñotheyeꞌ es nephaꞌyeno. Nomporña poemnenñoth es nephaꞌyen tharroꞌmar ña nellsenseneꞌ.

San Juan 6:29

Jesúsñapaꞌ ateth oterraneterr: —Ñeñth kowen enten Yomporpaꞌ oꞌch sameꞌñaꞌna na ñeñthen llesensen.

San Juan 6:33

Naña sokrramh sepen ñeñthen oꞌ apoerres Nompor, napaꞌxhoꞌña entoth nowapa Yomporeshoth allochñapaꞌ acheñeneshaꞌña arr patsropaꞌ ñetñapaꞌ korretsetach.

San Juan 6:42

Ñeñthpaꞌ ateth otyeset: —Añmapaꞌ añakaꞌye Jesús, José poechemer, ñeñth pompor ñamha pachor eꞌñekaꞌye yechmeꞌteñ. Theꞌñapaꞌ esoꞌmareꞌtña oten ñapaꞌ entothoꞌ wapa.

San Juan 6:57

Apa ñeñth nellsenseneꞌ ñapaꞌ ama arromñatheshayaye, ñakaꞌyeña napoeneꞌña attho napaꞌxhoꞌña korretsanach. Ateth nepena namha, allowen ñeñth pokrramh nepeneꞌ napaꞌxhoꞌña añ napoenanet atthoch ñetpaꞌxhoꞌña korretsetach ñamet.

Romanos 15:3

Amach aña ateth es yephaꞌyeno ñeñth ateth yemnen ya tharroꞌmar Cristopaꞌ ama aña ateth phaꞌyeseꞌthe ñeñth ateth moeneꞌth eꞌñe ñañeña. Añña phaꞌyeseꞌth ñeñth moenacheꞌth Pompor. Tharroꞌmar ñapaꞌ ñeñthekopña moeroxhteꞌth ñeñth ateth moenacheꞌth Pompor. Ñeñthoꞌmarña Cristopaꞌ ateth otaneꞌth Pompor, ñeñthpaꞌ ateth och: “Pha eꞌmoñeꞌtetañpaꞌ atthoña sasareꞌtennet.” Atthoña eꞌñe etsoterra ñoñets ñeñth ateth akellkaꞌwareth amaꞌt awathotheñ.

Efesios 4:9

Ñewa, all oten “aꞌterr poeꞌntaño.” Ñeñthoꞌmarña yeñoteñ allempo ama aꞌterraꞌpaꞌ ñapaꞌ entoth aswaña, xhap amaꞌt allowanen patso oꞌpono.

Hebreos 5:8

Ñewa, Cristo amaꞌt eꞌñe Yompor Poechemerpaꞌ ñapaꞌxhoꞌña atarr moeroxhta, atthoña eꞌñe yexhan atthoch eꞌñe kowen eꞌmhñotenan Pompor.