San Juan 6:33 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³³ Naña sokrramh sepen ñeñthen oꞌ apoerres Nompor, napaꞌxhoꞌña entoth nowapa Yomporeshoth allochñapaꞌ acheñeneshaꞌña arr patsropaꞌ ñetñapaꞌ korretsetach.

San Juan 6:33 Iomraidhean Croise

San Juan 16:28

Poꞌñoxh napaꞌ Apoeshoth nowapa, oꞌ nexhap añe patsro. Elloñapaꞌ oꞌch alla nesaꞌnerr añ pats, oꞌch alla awerren Apoesho.

San Juan 17:8

Napaꞌ añña neꞌñorenanet ñeñth ateth photenen pha. Theꞌña ñetpaꞌ eꞌñe kowen ameꞌñennet. Ñamha eꞌñe poꞌñoxh eñoteñet napaꞌ eꞌñe peshoth nowapa, pha ñeñtheph nellsenserreꞌ.

San Juan 3:13

‘Ama eñalle amaꞌt poesheñarra ñeñthchaꞌ aꞌtapoets ento ñamha ñeñthchaꞌ sowerrtsa ñeñthara entoth. Napthaña na Ñeñthen Acheñetosets ñeñthen sowatsa entoth, naptha nentar Nompor poeꞌntaño tharroꞌmar napaꞌ ñeñth naꞌnetser nepen.

San Juan 6:32

Jesúsñapaꞌ alla oterraneterr: —Eꞌñe poꞌñoxh oꞌch notas: Ama Moisésoyeꞌ apaweteꞌtheña pan ñeñth wetsa entoth. Nakaꞌye Nompor sapoeneꞌña ñeñth eꞌñe poꞌñoxh sokrramh sepen. Añ sokrramhpaꞌ entothña wena.

San Juan 6:38

Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

San Juan 6:41

Attho Jesúspaꞌ otenanet, “Napaꞌ na korramhtsotets ñeñthen wapatsa entoth”, judioneshaꞌñapaꞌ pokwanaꞌteñothet otatseꞌtyeñet.

San Juan 6:48

Napaꞌ na korramhtsotets alloch eꞌñe sokrra.

San Juan 6:50

Tharraña ñeñthen soteneꞌ theꞌ ñeñthña eꞌñe poꞌñoxh sokrramh ñeñthen wapatsa entoth allochñapaꞌ eseshaꞌch rreꞌpaꞌ ñetñapaꞌ korretsetach thayotheñ eꞌñe errponañowen.

San Juan 6:58

Na ñeñthen sokrramh sepen ñeñthen wapatsa entoth. Ama attheyayno ñerraꞌmrratheꞌ pan ñeñth rreꞌth satañneshañ awath. Ñetpaꞌ oꞌ kollaꞌwenet. Eseshaꞌch eꞌñe pokrramh nepeneꞌ ñetñapaꞌ korretsetach thayotheñ eꞌñe errponañowen.

San Juan 8:42

Jesúsñapaꞌ alla oterraneterr: —Ñerraꞌm poꞌñoxh Sompor sepeñeñ Parets atarrtheꞌ semorrentennañ na tharroꞌmar napaꞌ Partseshothkaꞌye nowapa oꞌ nexhap arr. Napaꞌ amakaꞌye nothayeꞌ nowapo, napaꞌ Yomporña nellsenseꞌ.

1 Timoteo 1:15

Ñeñthoꞌmar theꞌpaꞌ oꞌ neñoter añepaꞌtña ñoñets ñeñth eꞌñe poꞌñoxh: Cristo Jesúspaꞌ añekopña wapa añ patso atthoch aꞌkeshphatosan allowen ochñatheneshaꞌ. Ñeñthoꞌmarña theꞌ napaꞌ neñotena, allowen ñeñth ochñatheneshaꞌpaꞌ na ello metanaꞌtwenawet poꞌchñaret. Ñeñthoꞌmar theꞌpaꞌ aña poktetsa oꞌch yameꞌñaꞌwerra ñeñthara añ ñoñets.