San Juan 6:29 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁹ Jesúsñapaꞌ ateth oterraneterr: —Ñeñth kowen enten Yomporpaꞌ oꞌch sameꞌñaꞌna na ñeñthen llesensen.

San Juan 6:29 Iomraidhean Croise

San Mateo 17:5

Allempo eñorena Pedropaꞌ xha orrtosawet os ñeñth atarr kowen poptetsa xhepaꞌtchaꞌ aꞌpomamphsosanet. Xha eꞌmorrtostsa ñoñets osoth; ñeñthña ñoñetspaꞌ Yompor otosawet; ñeñthpaꞌ ateth ot: —Añmapaꞌ ñeñth no Nechemer ñeñth atarr nemoerena ñeñthña atarr nokshateneꞌ, ñeñthchaꞌña eꞌñe kowen seꞌmhñoterr.

San Marcos 16:16

Allowen amaꞌt erraꞌtsena ñeñthchaꞌ ameꞌñerraya añ kowen ñoñets ñamha ñeñth pameꞌñeñothetpaꞌ apatarethterretchaꞌ ñetñapaꞌ aꞌkeshphatarethterretchaꞌ. Tharraña ñeñthchaꞌ ama ameꞌñerrtso, ñetñapaꞌ amñarethterrach koñcheñtso.

San Juan 3:36

Eseshaꞌch ameꞌñenaya Yompor Poechemer ñetpaꞌ korretsetach poksheñeshokmañen thayotheñ amaꞌt errponañowen. Añña ñeñth athpareꞌteneꞌ Yompor Poechemer ñetpaꞌ amach enterreto ñeñth korreñtsor. Ñetñapaꞌ xhachkaꞌye koñchaterranet Yompor.

San Juan 5:39

Sapaꞌ añchaꞌ sethorraꞌyesa Yompor poꞌñoñ ñeñth ateth anwareth awathotheñ tharroꞌmar sapaꞌ xhatheꞌ sotenapañ eꞌñe ñoñtsochayothapaꞌ sapaꞌ korretsasatheꞌ errponowañen. Tharraña Yompor poꞌñoñ ñeñth anwareth awathotheñ ñeñthpaꞌ nakaꞌyeña aꞌpotheꞌth.

San Juan 6:28

Acheñeneshaꞌñapaꞌ ateth otereterr: —Errothenwachkaꞌ yephaña ñeñth kowen enten Yompor.

San Juan 6:38

Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

San Juan 6:57

Apa ñeñth nellsenseneꞌ ñapaꞌ ama arromñatheshayaye, ñakaꞌyeña napoeneꞌña attho napaꞌxhoꞌña korretsanach. Ateth nepena namha, allowen ñeñth pokrramh nepeneꞌ napaꞌxhoꞌña añ napoenanet atthoch ñetpaꞌxhoꞌña korretsetach ñamet.

Los Hechos 16:31

Ñetñapaꞌ ateth ochet: —Añ pokteꞌ oꞌch phameꞌñera Yepartseshar Jesucristo, allochñapaꞌ atthoch pekeshperra. Ñamha atthoch keshperra ñeñth parro peyxhena pepakllo.

1 Tesalonicenses 1:3

Tharroꞌmar allempo yemaꞌyocheña Yompor xhokma yeyerpoensa attho sapaꞌ eꞌñe seyemteñoth Yompor atarr sethorraꞌyena ñokop ñamha eꞌñe semorrentannaꞌteñothpaꞌ atarr seyenpannena. Ñamha eꞌñe seyemteñoth Yepartseshar Jesucristo sapaꞌ oꞌ womenk sephaꞌnom seyoxher eꞌñe ñokop.

Hebreos 5:9

Attho yexhan poeꞌmhñoteñpaꞌ ñeñthoꞌmarña eꞌñe etsotwan ora atthoch aꞌkeshphatañta, allochñapaꞌ atthoch aꞌkeshphaterran eꞌñe poktakma allowen erraꞌtsenchaꞌ eꞌmhñoterreꞌ ña.

Santiago 2:22

Ñapaꞌ eꞌñe pokteꞌ entan Abraham tharroꞌmar eꞌñe poeyemteñothpaꞌ orrtatwan ora ñeñth ateth och Yompor. Ñeñthoꞌmarña yeñoteñ Abrahampaꞌ eꞌñe poktakma ameꞌñaneꞌth Yompor.

1 San Juan 3:23

Yompor poꞌñoñoth ateth oteney oꞌch eꞌñe kowen yameꞌñerrñaña Poechemer ñeñth Jesucristo. Ñamha oteney amoerannaꞌterrapoꞌch alloweney, ateth oteneyña ña.

1 San Juan 5:1

Alloweney erraꞌtseneychaꞌ ameꞌñerraya Jesúspaꞌ ña Cristotats ñeñtheyña yapaꞌ oꞌ eꞌñe poechemer perrey Yompor. Ñewa, yeñoteñ arr patsro ñerraꞌm yemorrenteña poesheñarr acheñ ñeñth achemereshath, poechemereshaꞌnaña eꞌñe yemorrentwena.

El Apocalipsis 2:26

Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo, ñeñth alloꞌna sets phaꞌnmoeꞌ ñeñth pokteꞌ nenten na, ñetpaꞌ napwerranetchaꞌ atthoch amhchaꞌtareth entenanet allowen paꞌnamen acheñeneshaꞌ ñeñth yexhaꞌyetsa añe patsro. Ñeñthpaꞌ ateth Nompor apoenen namha. Neyoroxhenñoch amhchaꞌnoxhtapreterrnetchaꞌ. Eꞌñe poꞌwamenkothet ñerraꞌm ñet moenats atarrchaꞌ moeroxhtateret allowen paꞌnamen acheñeneshaꞌ arr patsro. Ñeñthpaꞌ oꞌch netmaꞌntacha ñerraꞌmrratheꞌ ñeñth echeneꞌ poꞌkarr asreph, ñerraꞌm allo asoꞌtet patsrroꞌpaꞌ xhach aꞌmlloꞌtstach eꞌñe poktakma.