San Juan 6:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Jesúsñapaꞌ chetan panpaꞌ parasyosoꞌtampes, allempoñapaꞌ apan poeyochreshaꞌ. Poeyochreshaꞌñapaꞌ epatyeset allowen acheñeneshaꞌ ñeñth anorrxhets all. Atthekma pha allempo apaꞌyesanet ñamha kak. Allowenetpaꞌ eꞌñe agapwawet ñeñth allpon moenaꞌyeset.

San Juan 6:11 Iomraidhean Croise

San Mateo 15:36

Allñapaꞌ agapan ñeñth kanxherr pan ñamha kakatholleshaꞌ. Agapwepaꞌ oꞌ parasyosoꞌtenanerr Pompor allothñapaꞌ oꞌ shotaꞌtan pan, shetseꞌtan ñamha kak, apanatyesan poeyochreshaꞌ. Ñetñapaꞌ oꞌ epatyeset ñamet allowen acheñeneshaꞌ eꞌñe epaꞌwet.

San Lucas 24:30

Allempoña anorrxhaꞌtoset allchaꞌ rrallmeꞌchoset. Jesúsñapaꞌ chetosan pan, parasyosoꞌtamphsosan pan, shotaꞌtospaꞌ apaꞌyesosanet.

San Juan 21:10

Jesúsñapaꞌ ateth oterraneterr: —Sakraꞌ patantarr kak ñeñth serrmoen eꞌñe errteꞌ.

San Juan 21:13

Allempoña wapanet Jesús allameꞌtets, chetosan pan apaꞌyesosanet. Apaꞌyesosanet ñamha kak.

San Juan 21:9

Allempo sowaꞌrretwerret patsopaꞌ all entwerret kellmesh all worten all achmarethtena kak; alloꞌtsen ñamha pan.

San Juan 6:23

Tharraña noñthexhnoñapaꞌ xhokma waxhena Tiberiasoth, oꞌ xhapoet allameꞌtets all rret ellerro pan ñeñth parasyosoꞌtampes Partseshaꞌ Jesús.

San Juan 6:9

—Arr poesheñarr wepoeshachorpaꞌ echenankaꞌye amnar pan ñeñth cebada ñamha epa kak. Atthapaꞌ amatheꞌ yepataneto, acheñpaꞌ shonteꞌkaꞌye.

Los Hechos 27:35

Ñeñtha otwanet oꞌ chetan panpaꞌ oꞌ maꞌyocha eꞌñe alla all shontena acheñeneshaꞌ. Allothpaꞌ shotan panpaꞌ oꞌ rreꞌ.

Romanos 14:6

Tharroꞌmar ñerraꞌm eseshaꞌ onañchaꞌyeneꞌ yeth ñeñthchaꞌ ateth etsotayes, ñapaꞌ ateth oten ñeñthpaꞌ ateth yameꞌñeña ya Yompor. Atthekma yepena yamha ñeñthey ama onañchaꞌyenaye yeth, yapaꞌxhoꞌña ateth yameꞌñeña Yompor. Ñamha ñeñthey paꞌnamen es rraꞌyetspaꞌ yapaꞌxhoꞌña ateth yameꞌñeña Yompor, tharroꞌmar yeparasyosoꞌteñeshaꞌ Yompor es yerraꞌyen. Atthekma pena ñamha ñeñth es thoreꞌtetsa, ñetpaꞌxhoꞌña ateth ameꞌñeñet Yompor ñamha ñetpaꞌ eꞌñe poeparasyosoꞌteñeshet Yompor es thoreꞌtyenet.

1 Corintios 10:31

Ñeñthoꞌmar theꞌpaꞌ oꞌch notas: Amaꞌt erraꞌtsena es yephaꞌyenpaꞌ añ pokteꞌ oꞌch yorrtena eꞌñe kowen, atthoch acheñeneshaꞌ oꞌch ayeꞌchoxhtateññañet ñamet Yompor. Amaꞌt allempo es yerraꞌyen, ñamha amaꞌt allempo es yorryenpaꞌ añ pokteꞌ oꞌch yorrtaten eꞌñe kowen Yomporekop.

1 Tesalonicenses 5:18

Ñamha amaꞌt errothenoꞌtsensa xhokmoepaꞌch separasyosoꞌteñ Yompor tharroꞌmar ñeñthpaꞌ ateth moenen eꞌñe yokop allowenakpay ñeñthey yemtenoya Poechemer ñeñth Cristo Jesús.