San Juan 5:45 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁵ Amach sokthapeꞌchatsche ñatoꞌ nach sotteñeꞌcherreꞌ esempowañen Apoesho. Tharraña eñallkaꞌyeña poꞌpsheñeñ ñeñthchaꞌ sotteñeꞌcherreꞌ ñeñthpaꞌ añkaꞌye Moisés, sañapaꞌ ñeñthaña atarr nanak seyemtena.

San Juan 5:45 Iomraidhean Croise

San Lucas 16:29

Abrahamñapaꞌ alla otererr: “Ñetpaꞌ echenet Yompor poꞌñoñ ñeñth kellkëꞌth Moisés ñamha allowen ñeñth aꞌmhtayeꞌth Yompor poꞌñoñ awath. Theꞌpaꞌ eꞌmhñoterrñañetepaꞌ Yompor poꞌñoñ ñeñth echenet.”

San Juan 12:48

Eseshaꞌchña nachmeneꞌ ñeñthchaꞌ ama ameꞌñerraye neñoñ, ñokpoetñapaꞌ eñall atthoch amñarethterret koñcheñtso. Ñeñthara añ ñoñets ñeñth neñen na theꞌpaꞌ ñeñthchaꞌña moeñaterrawetña koñcheñtso esempowañen.

San Juan 7:19

‘Amaꞌt apasoña Moisés ñoñets ñeñth ateth anareth. Tharraña amaꞌt apaseñ, sañapaꞌ amaꞌt eꞌñe poesheñarrothesapaꞌ ama sephowenoña ñeñth ateth oten añ ñoñets, ñeñthepñapaꞌ esoꞌmareꞌtña theꞌpaꞌ semneñña oꞌch semtsan.

San Juan 8:9

Ñetñapaꞌ oꞌ eꞌmet ateth otanet Jesúspaꞌ eꞌñe akophotheñ awanemwerret eꞌñe poesheñaꞌttset. Añ ñanom awanerrtsa poꞌnmeneshaxhno, atthothapaꞌ oꞌ ñapthamha Jesús epoet koyaneshaꞌ.

Romanos 2:12

Amaꞌt ateth ñerraꞌm ñeñth ama judioneshayaye ñeñth ama echenaye Moisés poꞌñoñ, ñerraꞌm añ kothenet ñeñth ama kowenayayepaꞌ elloña ñetpaꞌ chenkaꞌwerretchaꞌ, tharraña ñetpaꞌ amach añeyeꞌ aꞌchenkaterraweto Moisés poꞌñoñ. Tharraña judioneshaꞌñapaꞌ amaꞌt echeññañetañ Moisés poꞌñoñ, tharraña ñerraꞌm atthera, añach kothapeꞌchyenet ñeñth ama kowenayaye, ñetpaꞌ añachña aꞌchenkaterrawet ñeñthara Moisés poꞌñoñ.

Gálatas 3:10

Tharraña allowen ñeñth yemtenaya ñoñets ñeñth ateth anareth judioneshakop oꞌch eꞌñe etsotwet ñetñapaꞌ oꞌ anarethtet allowenetpaꞌ aꞌkoñchatarethtetchaꞌ tharroꞌmar ateth anwareth Yompor poꞌñoño amaꞌt awathotheñ, ñeñthpaꞌ ateth oten: “Allowen ñeñth ama etsotwenaye eꞌñe poktakma allowen allpon ñoñets ñeñth ateth anareth kellko, ñamha ñerraꞌm ama phoweto allowen ñeñth ateth anarethpaꞌ aꞌkoñchatarethtetepaꞌch.”