San Juan 5:44 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁴ Sapaꞌ tharroꞌmarña ama sameꞌñenno sapaꞌ añakaꞌye seꞌnen oꞌch eꞌñe sañeña ayeꞌchoxhtatannetsa, amakaꞌyeña añeyeꞌña seꞌneno atthoch eꞌñe kowen entas ñapoeth Yompor.

San Juan 5:44 Iomraidhean Croise

San Mateo 23:5

Fariseoneshaꞌ allowen ñeñth ateth etsotayeneñpaꞌ ñeñthpaꞌ eꞌñe pommoꞌcheñotheta ateth penet allochñapaꞌ acheñeneshaꞌñapaꞌ eꞌñech kowen entyeñet ñeñth attho atarr thorraꞌyenetañ Yomporekop. Tharraña ñeñthpaꞌ eꞌñekaꞌye orrena. Ñamha ñetpaꞌ xhakaꞌye ateshatomoerrtatenet poremh allñapaꞌ all kellkëññañetañ Yompor poꞌñoñ amaꞌt ñeñthpaꞌxhoꞌña allokaꞌyeña wankatoꞌtenet. Tharraña ñeñthpaꞌ eꞌñe añekpa ateth penet atthoch acheñeneshaꞌpaꞌ eꞌñech kowen entenanet. Tharraña ñeñthpaꞌ eꞌñe orrena ateth penet ñeñth attho ommoꞌchenet. Ñamha ñetpaꞌ añeꞌnakaꞌyeña allpochaꞌphtatenet ñeñth xheraꞌrrtenet paꞌshtamoeto paꞌrrpeꞌmoneth. Tharraña ñeñthpaꞌxhoꞌña eꞌñe añekpa ateth penet eꞌñe pommoꞌcheñothet.

San Lucas 19:17

Pamoꞌmteꞌñapaꞌ ateth otwer: “Eꞌñe pokteꞌ, phapaꞌ atarr kowen pesherbenen. Amaꞌt allponatholla napaꞌnmaph awaña, phañapaꞌ atarr kowen pesherbhaton. Ñeñthoꞌmarña theꞌpaꞌ oꞌch nenwerreph xharrakop anets allchaꞌ paꞌmhchaꞌtarethterra pha.”

San Juan 12:43

Tharroꞌmar ñeñth ameꞌñetsañ ñetpaꞌ añeꞌna moenenet oꞌch eꞌñe kowen entenanet acheñeneshaꞌ. Ama añeyeꞌña moeneneto oꞌch eꞌñe kowen entanet Parets.

San Juan 17:3

Añmapaꞌ ñeñthña alloch ñetpaꞌ korretsetach thayotheñ eꞌñe errponañowen ñerraꞌm esempo eñoterrpet pha ñeñtheph phapoeth eꞌñe poꞌñoxh Yomporetets ñamha ñerraꞌm eñoterrnet na ñeñthen Jesucristo pha pellsensaren.

San Juan 3:20

Allowen ñeñth ama masosyayeꞌ kothapeꞌchyeneto ñetpaꞌ ama kowenayeꞌ enteñetoña Cristo ñeñth aꞌpoetarsampeneꞌ alloweney yokthaphña. Ñeñthoꞌmarña ama eneto alloꞌtsen ñeñth aꞌpoetarsamphsañtetsa thayeꞌtoꞌtheꞌ orrtatarethtet pokthaphñet ñeñth ama masosyo.

San Juan 5:41

‘Tharraña napaꞌ ama añeyeꞌ neꞌneno atthoch ayeꞌchoxhtatennan acheñeneshaꞌ.

San Juan 8:43

Esoꞌmareꞌtña sapaꞌ ama xhennasoña seyoxhro ñeñth notenes. Ñatoꞌ tharroꞌmartheꞌña ama semno oꞌch seꞌmhñoten ñeñth ateth notenes.

Romanos 2:10

Tharraña allowen ñeñth kotheneꞌ ñeñth kowentetsa Yomporekop arr patsropaꞌ Yomporñapaꞌ kowenchaꞌ enterranet, apwerranetchaꞌ alloch eꞌñe kowentapreteret, apwerranetchaꞌ ñamha atthoch koshaꞌwerret eꞌñe kowen poeyoxhreto. Atethchaꞌ perran allowen ñeñth eꞌñe kowen korraꞌyetsa, amaꞌt ñanom ateth ñerraꞌm judioneshaꞌ allothpaꞌ ñamha ñeñth ama judioneshayaye.

Romanos 2:7

Ñerraꞌm xhokma yokthapeꞌchen eꞌñe kowen Yomporekop, ñamha ñerraꞌm xhokma yoktheññañ poꞌkowenña, ñamha ñerraꞌm añ yeꞌnen atthoch ñapaꞌ eꞌñech kowen entwerrey, ñamha atthoch apwerreychaꞌ ñeñth alloch yokrrerra errponowañen, allempoña poꞌñoxhpaꞌ apwerreychaꞌ atthoch yapaꞌ korretsayach yoksheñeshokmañen thayothen eꞌñe errponañowen.

1 Corintios 4:5

Ñeñthoꞌmarña notenes, amach sotatsto ateth: añ acheñer nanak kowen, poꞌpsheñeñpaꞌ ama kowenayaye. Theꞌpaꞌ amach sotatsto ateth, tharroꞌmar esempowañenchaꞌ werra Yepartseshar. Allempopaꞌ ñachña eñotatwerrets ñeñth yaꞌnasotyena theꞌ. Ñamha ñachña eñotatwerrets amaꞌt ñeñth ateth yemnaꞌyen yeyoxhro. Errponeychaꞌ ñeñthey kowen entwerr Yomporpaꞌ allponeychaꞌxhoꞌ ayeꞌchoxhtatwerr.

2 Corintios 10:18

Tharroꞌmar añ acheñer ñeñth eñoretsa eꞌñe kowen ñokpapaꞌ ñeñthpaꞌ ama pokteyeꞌ enteñe Yompor. Tharraña amaꞌt erraꞌtsena acheñer Yomporchaꞌ eñosets kowen ñokop, ñeñthña eꞌñe pokteꞌ enten ña.

Filipenses 2:3

Ñamha amach aña atarr sellkatsto ñeñth eꞌñe sokpa. Añchaꞌña poesheñaꞌttsospaꞌ sellkapreta ñeñth llekatyeneꞌ samoꞌts. Ñamha amach sañeña entatstatso ateth ñerraꞌmrratheꞌ ñeñthes nanak sherbets. Añchaꞌña ateth sent samoꞌts ateth ñerraꞌmrratheꞌ ñetña nanak sherbetset, phañapaꞌ amach es asherbenayeꞌ penteno.

1 Tesalonicenses 2:6

Ñamha amaꞌt awatha ama añeyeꞌ yellkëno atthoch sapaꞌ oꞌch sekowentatennay amaꞌt ñamha allowen poꞌpotantañexhno. Ñamha yapaꞌ amaꞌt Cristo yellsensenayeñ ñeñthoꞌmarña yokoppaꞌ eꞌñe pokteñ oꞌch ateth yepennaseñ ñeñth ateth pena amhchaꞌtareth, tharraña yapaꞌ amaña yemno oꞌch ateth yepennasa.

1 Timoteo 1:17

Ñeñthoꞌmarña theꞌpaꞌ nanak noksheñoth noten, amorrentpawepaꞌch Yompor ñeñth partsotets eꞌñe ñapoeth awathotheñ errponowañen, ñeñthara ñeñth ama arromñatheshayaye amaꞌt awatha, ñeñth amaꞌt eseshapaꞌ ama poentare, ñeñthara ñeñth eꞌñe ñapoeth eñotañ. Ñeñthoꞌmarña yekowentatoñepaꞌch thayotheñ errponowañen. Ñeñthpaꞌ atthetepaꞌch Nompore.

Hebreos 3:12

Ñeñthoꞌmarña, masheñneshachaꞌ ñamha noxhaneshachaꞌ, theꞌpaꞌ oꞌch notas samha, eꞌñech señota seyoxhro ateth sokthapeꞌchyen eꞌñe poesheñaꞌttsos, ñatoꞌpaꞌ amatheꞌ kowenayeꞌ sokthapeꞌcheno, ñatoꞌpaꞌ amatheꞌ poꞌñoxhayeꞌ sameꞌñeñoña Yompor. Ñerraꞌm poꞌñoxh ateth sepenapaꞌ ñeñthpaꞌ ñeñthach sekexhpaterreꞌ Yompor amaꞌt ñeñth Yomporer ñeñth ama arromñatheshayaye.

Santiago 2:1

Masheñneshachaꞌ ñamha noxhaneshachaꞌ, theꞌpaꞌ oꞌch noterrserr poꞌpoñ. Sa eꞌñe sameꞌñeñoth Yepartseshar Jesucristo ñeñth eꞌñe koxhneshareꞌ orrtatetspaꞌ amach poesheñaꞌttsa eꞌñe kowen sentatsto. Sapaꞌ eꞌñech kowen senteñ allowen acheñeneshaꞌ.

1 San Pedro 1:7

Tharroꞌmar nanak womenk echarr yenteñ, tharraña Yomporpaꞌ eñochchaꞌ ñerraꞌm poꞌñoxh eꞌñe yameꞌñeña ña. Ateth ñerraꞌm oropaꞌ xhoch ñanom atserrtachet womenk allochñapaꞌ oꞌch eñochet ñerraꞌm poꞌñoxh ñeñthpaꞌ eꞌñetheꞌ orocheꞌ. Ñeñthña amaꞌt oropaꞌ wañerrchaꞌ esempo. Amaꞌt nanak tsaꞌteꞌ oro, tharraña attho poꞌñoxh yameꞌñera Cristo, ñeñthña ello nanak sherbets. Ñerraꞌm poꞌñoxh yeyemteña ña, yeyemteñoth ñapaꞌ eꞌñech kowen entyeswerrey esempowañenchaꞌ werra Jesucristo, atthochña eꞌñe kowen yekowentapretera, eꞌñech kowen yaꞌmhchaꞌtarethtapretera.