San Juan 5:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ ‘Tharraña napaꞌ ama añeyeꞌ neꞌneno atthoch ayeꞌchoxhtatennan acheñeneshaꞌ.

San Juan 5:41 Iomraidhean Croise

San Juan 12:43

Tharroꞌmar ñeñth ameꞌñetsañ ñetpaꞌ añeꞌna moenenet oꞌch eꞌñe kowen entenanet acheñeneshaꞌ. Ama añeyeꞌña moeneneto oꞌch eꞌñe kowen entanet Parets.

San Juan 5:34

Napaꞌ ama eꞌñe nokpa neꞌneno ñeñth naꞌpotheꞌ; añekpaꞌnaña notenes sa ñatoꞌ sapaꞌ sameꞌñoñatheꞌ Juan poꞌñoñ attho aꞌpothan na, allochñapaꞌ atthoch sekeshperra sameꞌñeñothen.

San Juan 5:40

Sañapaꞌ amaña semnoña oꞌch sameꞌñerrna atthochña eꞌñe sokrrerrañ.

San Juan 5:42

Tharroꞌmar napaꞌ neñotenes sapaꞌ amaꞌt mameshapaꞌ ama semorrenteño Yompor amaꞌt seyoxhra.

San Juan 5:44

Sapaꞌ tharroꞌmarña ama sameꞌñenno sapaꞌ añakaꞌye seꞌnen oꞌch eꞌñe sañeña ayeꞌchoxhtatannetsa, amakaꞌyeña añeyeꞌña seꞌneno atthoch eꞌñe kowen entas ñapoeth Yompor.

San Juan 6:15

Jesúsñapaꞌ eñotanet ñetpaꞌ añ moenenet oꞌch wapoñetpaꞌ oꞌch rromoset oꞌch noset ñeñthchaꞌ paꞌmhchaꞌtarether pet. Ñeñthoꞌmarña Jesúspaꞌ aꞌnawa awerr all aspentho eꞌñe ñapoeth.

San Juan 7:18

Ñerraꞌm eseshaꞌ eꞌñe ñothotha eñenpaꞌ ñetñapaꞌ añach eꞌnenet oꞌch kowentateññañ acheñeneshaꞌ eꞌñe ñokop. Añña ñerraꞌm eseshaꞌ eꞌneneꞌ oꞌch kowentatenan ñeñth llesenseneꞌ ñapaꞌ ñeñthña eñetsña ñoñtso eꞌñe poꞌñoxh ama shekëñtsoyaye.

San Juan 8:50

Napaꞌ ama añeyeꞌ neꞌneno atthoch nekowentata nañeña. Eñallña ñeñth nekowentateneꞌ na. Ña eñoretsa ateth es entyen arr patsro.

San Juan 8:54

Jesúspaꞌ ateth oterraneterr: —Ñerraꞌm na kowentatetsa nañeña, nekowentateña eꞌñe napaꞌ amatheꞌ es sherbeno. Nomporpaꞌ ña nekowentateneꞌ ñeñthara ñeñth soteneñ Seyompor-roꞌ sepeñ samha.

1 Tesalonicenses 2:6

Ñamha amaꞌt awatha ama añeyeꞌ yellkëno atthoch sapaꞌ oꞌch sekowentatennay amaꞌt ñamha allowen poꞌpotantañexhno. Ñamha yapaꞌ amaꞌt Cristo yellsensenayeñ ñeñthoꞌmarña yokoppaꞌ eꞌñe pokteñ oꞌch ateth yepennaseñ ñeñth ateth pena amhchaꞌtareth, tharraña yapaꞌ amaña yemno oꞌch ateth yepennasa.

1 San Pedro 2:21

Ñeñthoꞌmarña theꞌpaꞌ yapaꞌ oꞌ waꞌñerrey Cristo atthoch yameꞌñaꞌwera, allochñapaꞌ oꞌch yemoeroxhtaprecha ña. Ñapaꞌ ña ñanom moeroxhtatsa, tharraña ñapaꞌ yexhatnerrey atthoch añ poktetsa oꞌch yemoeroxhtapretera ña.

2 San Pedro 1:17

Tharroꞌmar yapaꞌ eꞌñe parro alloꞌtseney all aspentho allempo Yompor Parets gatey Poechemer poꞌkowenña. Yapaꞌ allempopaꞌ eꞌñe yeꞌmwaña ñoñets ñeñth yeꞌmorrtoya entoth. Yompor ñeñth nanak partsotets poeꞌntaño, poꞌkowenñopaꞌ ateth kowentatenan Poechemer, ñeñthpaꞌ ateth oten: “Añmapaꞌ ñeñth Nechemer ñeñth nanak nemorrentena, ñapaꞌ ña nanak nokshateneꞌ.” Ñeñthpaꞌ atthoña ayeꞌchoxhtatenan Poechemer.