San Juan 5:39 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁹ Sapaꞌ añchaꞌ sethorraꞌyesa Yompor poꞌñoñ ñeñth ateth anwareth awathotheñ tharroꞌmar sapaꞌ xhatheꞌ sotenapañ eꞌñe ñoñtsochayothapaꞌ sapaꞌ korretsasatheꞌ errponowañen. Tharraña Yompor poꞌñoñ ñeñth anwareth awathotheñ ñeñthpaꞌ nakaꞌyeña aꞌpotheꞌth.

San Juan 5:39 Iomraidhean Croise

San Mateo 22:29

Jesúsñapaꞌ atet otapanet: —Xhakaꞌye atarr sepanteñ tharroꞌmar amakaꞌye xhennasoña seyoxhro ñeñth eꞌñe poꞌñoxh ateth yexhateney Yompor poꞌñoñ ñeñth ateth anwareth awathotheñ. Ñamha aña sepantateneꞌ tharroꞌmar sapaꞌ ama sepokteññañe Yompor poꞌwamenk.

San Marcos 10:3

Ñañapaꞌ ateth otapanet: —Sapaꞌ ¿amaꞌt señotenoña Moisés poꞌñoñ ñeñth ateth nonaseꞌth?

San Marcos 12:10

Allempoña Jesúspaꞌ ateth oterraneterr: —Sapaꞌ amaꞌt awathapaꞌ amaꞌtña selleyareña ñeñth ateth anwareth Yompor poꞌñoñ awathotheñ. Tharroꞌmar ñeñthpaꞌ ateth oten nokop, all atmaꞌntatarethen mapoeꞌ. Ñeñthpaꞌ ateth oten: Añ mapoeꞌ ñeñth ama pokteyeꞌ entyeno ñeñth thomatyeneꞌ pokoll, ñeñthña theꞌpaꞌ oꞌ anarethterra ñeñthchaꞌ ello atarr kowen sherberrets eꞌñe ateth ñerraꞌm kellpach allo eꞌñe kowen echarr orratenet pokoll.

San Lucas 16:29

Abrahamñapaꞌ alla otererr: “Ñetpaꞌ echenet Yompor poꞌñoñ ñeñth kellkëꞌth Moisés ñamha allowen ñeñth aꞌmhtayeꞌth Yompor poꞌñoñ awath. Theꞌpaꞌ eꞌmhñoterrñañetepaꞌ Yompor poꞌñoñ ñeñth echenet.”

San Lucas 16:31

Abrahamñapaꞌ alla otererr: “Ñerraꞌm amach eꞌmhñoterrñañeto Yompor poꞌñoñ ñeñth ateth kellkëꞌth Moisés ñamha allowen ñeñth aꞌmhtayeꞌth Yompor poꞌñoñ awath, theꞌña amaꞌt eseshaꞌch tanterrtsa rromothpaꞌ amach eshek xhapanetoña poeyoxhreto atthoch kothapeꞌcherret ello eꞌñe kowen Yomporekop.”

San Lucas 24:25

Jesúsñapaꞌ alla otnerraneterr: —Sapaꞌ ama es sexhenoyoña seyoxhro, atarr seꞌcharrtaten seyoxher atthoch eꞌñe sameꞌñaꞌwaña ora ñeñth ateth eñosyeseteꞌth Cristokop allowen ñeñth aꞌmhtaꞌyesayeꞌth Yompor poꞌñoñ awathotheñ.

San Lucas 24:27

Allempoña Jesúspaꞌ oꞌ yerpatnerraneterr ora allowen ñeñth ateth anareth añekop ñeñthchaꞌ Cristotats. Eꞌñe Moisés poꞌñoñotheñ yerpatnomanet ñamha poꞌpotantañexhno poꞌñoñ ñeñth eñosyestseꞌth Cristokop, ñeñthara ñeñth aꞌmhtaꞌyesayeꞌth Yompor poꞌñoñ awath.

San Lucas 24:44

Allempoñapaꞌ ateth oterraneterr: —Ñeñth ateth notaseꞌth allempo orameñ alloꞌtseney eꞌñe parro, ora allowen ñeñth ateth anareth awathotheñ Yompor poꞌñoño nokop, ñeñthña theꞌpaꞌ oꞌ eꞌñe etsotwerra —eꞌñe Moisésotheñ poꞌñoñ ñeñth ateth anareth amaꞌt ñamha ora allowen ñeñth kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ, amaꞌt ñamha ñeñth akellkarethtatseꞌth libro Salmos, theꞌpaꞌ ñeñthña oꞌ eꞌñe etsotwerra ñeñth ateth anaꞌyesareth nokop awathotheñ.

San Juan 1:45

Felipeñapaꞌ entwenan Natanaelpaꞌ ateth otweñ: —Yapaꞌ oꞌkaꞌye yenter ñeñth ñokop kellkëꞌth Moisés all orrtatan ñoñets ñeñth ateth anareth, ñamha ñokop kellkëꞌth ñeñth aꞌmhtaꞌyesayeꞌth Yompor poꞌñoñ. Añepaꞌtkaꞌye Jesús ñeñth wetsa Nazaretoth ñeñth José poechemer.

San Juan 5:32

Eñallña poꞌpsheñeñ ñeñth eꞌñe no Nompor ñeñthña naꞌpotheneꞌña na. Ñamha neñoteñ ñerraꞌm ña naꞌpotheꞌpaꞌ ñeñth attho aꞌpothenen ñeñthña eꞌñe poꞌñoxh sherbets.

San Juan 5:36

Tharraña ateth naꞌpothen napaꞌ ñeñthña nanak sherbets. Ello metanenan ñeñth ateth aꞌpothan na Juan. Allowen es nephaꞌyen ñeñth ateth yechenna Apa oꞌch eꞌñe netsotoñ, añ netsotateñpaꞌ ñeñthña oꞌ eñotatanet napaꞌ Apa nellsenseneꞌ.

San Juan 5:40

Sañapaꞌ amaña semnoña oꞌch sameꞌñerrna atthochña eꞌñe sokrrerrañ.

San Juan 5:46

Ñerraꞌm poꞌñoxh sameꞌñeñañ Moiséspaꞌ napaꞌxhoꞌña sameꞌñennañchaꞌ tharroꞌmar ñapaꞌ nokopkaꞌye kellkonas.

San Juan 7:52

Ñetñapaꞌ ateth ochet: —Esoꞌmarwachkaꞌ pemoñesyaña galileoꞌmarneshaꞌ, ñatoꞌ phapaꞌ galileoꞌmarneshaphtheꞌ. Phapaꞌ amarramcheꞌ galileoꞌmarneshayaype. Theꞌpaꞌ pelleyaꞌyes Yompor poꞌñoñ allochñapaꞌ oꞌch peñoch Galileothpaꞌ amaꞌt poesheñarrapaꞌ amach wapoña ñeñthchaꞌ aꞌmhteneꞌ Yompor poꞌñoñ.

Los Hechos 13:27

Amaꞌt oꞌ xhap ñeñth Cristotatspaꞌ añña ñeñth jerusaléñoꞌmarneshaꞌ, ñamha ñeñth paꞌmhchaꞌtaretherneshaꞌ penet, ñetñapaꞌ ama eseshaꞌ eñotaye. Ama xhapaneto poeyoxhreto ateth oteꞌth awath ñeñth aꞌmhtayeꞌth Yompor poꞌñoñ ñeñth xhokma lleyenet añ yethro allempokma amesenet. Ñeñthoꞌmar theꞌñapaꞌ oꞌ etsotatoñet Yompor poꞌñoñ. Theꞌñapaꞌ oꞌ pomet Jesús atthoch moetset.

Los Hechos 17:11

Añña judioneshaꞌ ñeñth Bereoꞌtsaꞌyenpaꞌ ñetñapaꞌ eꞌñe kowen kothapeꞌchenet ama attheyayeto ateth ñerraꞌm judioneshaꞌ ñeñth Tesalónicoꞌtsaꞌyen. Eꞌñe poksheñeshaꞌ eꞌmhñotoñet Yompor poꞌñoñ, allothña ñetpaꞌ oꞌ eꞌnyeset Yompor poꞌñoño all akellkareth awathotheñ. Tharroꞌmar ñetpaꞌ moeneñet oꞌch eñochet ñatoꞌ poꞌñoxhtheꞌ ateth serrpareꞌten Pablo ñamha Silas. Patheꞌtets yethpaꞌ atthekma peteꞌth.

Los Hechos 26:27

Amhchaꞌtarethe Agripa, phapaꞌ ¿phameꞌñeñaꞌt ñeñth aꞌmhtayeꞌth awath Yompor poꞌñoñ? Napaꞌ neñoteneph phapaꞌ phameꞌñeña.

Romanos 1:2

Añ kowen ñoñetspaꞌ ñeñthara ñoñtsor ñeñth amaꞌt awath Yomporpaꞌ eꞌñe eñotatwaneꞌth ñeñth aꞌmhtaꞌyesayeꞌth poꞌñoñ ñeñthchaꞌ ateth perrnay theꞌ añeñpo. Ñeñthoꞌmarña ñetpaꞌ kellkaꞌyeseteꞌth ñeñth ateth otaneteꞌth Parets.

Romanos 3:2

Ñewa, oꞌch yot ñanom ñeñth attho sherbenet. Ñetña aparethet Yompor poꞌñoñ ñanom attho ñetchaꞌ aꞌpothenet ñeñthara ñoñets.

Colosenses 3:16

Cristo poꞌñoñpaꞌ xhokmoepaꞌchña eꞌñe kowen sokthapeꞌcheñ sa seyoxhro, atthochña eꞌñe ora señoteñowenpaꞌ xhokmoepaꞌch seyxhatannena atthoch eꞌñe kowen sokshatannena. Ñamha separasyosoꞌteñothpaꞌ semorrechepaꞌch allowen morreñtsoxhno ñeñth Partsokop atthoch saꞌyeꞌchoxhtatoñ attho saxhoteñ. Soksheñeshowenña seyoxhropaꞌ separasyosoꞌchepaꞌch Yompor.

Hebreos 11:16

Ñetpaꞌ añña eꞌneteꞌth ñeñthchaꞌ eꞌñe paꞌnetser perret poꞌñoxh ñeñth atarr nanak kowen, ñeñthpaꞌ añepaꞌt Yompor paꞌnetser ñeñth poeꞌntañoꞌtsen. Ñeñthoꞌmarña Yomporpaꞌ eꞌñe pokteꞌ entenanet ama penkënaneto attho Poꞌyomporer peñet. Ñañapaꞌ oꞌpatatenanet ñeñthchaꞌ eꞌñe poꞌñoxh paꞌnetser perret all poeꞌntaño.

Hebreos 11:35

Amaꞌt poꞌpotantañ koyaneshaxhno ñetpaꞌxhoꞌña eꞌñe poeyemteñothet Yompor, oꞌ alla atantatarethterret pamoꞌts ñeñth rromoets. Poꞌpotantañ amaꞌt atarr atserrphatseꞌtarethtenet, ñetpaꞌxhoꞌña eꞌñe poeyemteñothet Yompor ama moeneñeto oꞌch kexhpoet Yompor atthoch aꞌrroyarethetyerret. Eꞌñe pokteꞌ enteñet oꞌch rromoet poeyemteñothet Yompor tharroꞌmar ñetpaꞌ eñoteñet allach tanterret ello ñeñth atarr nanak kowentetsa.

El Apocalipsis 19:10

Nañapaꞌ nekonkorposa mellañotheñ paꞌrrpho ñeñth neserrpareꞌtateneꞌ oꞌch nemaꞌyochyañ, tharraña ñapaꞌ ateth oten: —Napaꞌ amach pemaꞌyochatsetno, napaꞌ añana ñeñthen pethorrapretenaya Yomporekop ñamha allowen pemoꞌnasheñneshaxhno ñeñth serrpareꞌteneꞌ attho ameꞌñeñet Jesús. Phapaꞌ añchaꞌña pemaꞌyocha Yompor ñapoeth. Tharroꞌmar allowen ñeñth aꞌmhteneꞌ Yompor poꞌñoñ, eꞌñe ña Poekamkëñothpaꞌ añ serrpareꞌtenet ñeñth attho yameꞌñeña Jesús.