San Juan 5:36 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁶ Tharraña ateth naꞌpothen napaꞌ ñeñthña nanak sherbets. Ello metanenan ñeñth ateth aꞌpothan na Juan. Allowen es nephaꞌyen ñeñth ateth yechenna Apa oꞌch eꞌñe netsotoñ, añ netsotateñpaꞌ ñeñthña oꞌ eñotatanet napaꞌ Apa nellsenseneꞌ.

San Juan 5:36 Iomraidhean Croise

San Mateo 11:4

Jesúsñapaꞌ anapanetpaꞌ ateth otapanet: —Theꞌpaꞌ oꞌch awerres seserrpareꞌtatwerchaꞌ Juan ora allpon ñeñth ateth sentyeswennanaꞌ arr ñamha ora allpon ñeñth ateth seꞌmyeswennanaꞌ arr.

San Lucas 2:49

Ñañapaꞌ otapanet: —Esoꞌmareꞌtña seꞌnameꞌtenen. Amaꞌt señotennoña napaꞌ ñeñth poktetsa nokop oꞌch nethorreññaña ñeñth poktetsa Nomporekop.

San Juan 10:25

Jesúsñapaꞌ ateth otanet: —Amaꞌt notatstas sapaꞌ amachkaꞌ sameꞌñaꞌno. Napaꞌ eꞌñe neyemteñoth Apa ateth es nephaꞌyen. Ñeñth norrtatyenpaꞌ ñeñthchaꞌña señotateꞌ napaꞌ ñeñthen Cristotets.

San Juan 11:37

Poesheñaꞌtetsñapaꞌ ateth otyeset: —Añmapaꞌ ñeñthkaꞌye kowaterreꞌña aporoꞌyeth. Ñerraꞌm arroꞌtseneñchaꞌpaꞌ amachkaꞌye moenacheñe oꞌch rromoerreñña Lázaroñ.

San Juan 15:24

Ñerraꞌm amach norrtatanetañe kowenñats ñeñth amaꞌt awatha poꞌpsheññexhnopaꞌ ama orrtataneteꞌthe eꞌñe atthothapaꞌ amatheꞌ eñallñeña atthoch neyowaꞌyesanet poꞌchñarothet. Tharraña theꞌña ñetpaꞌ amaꞌt eꞌñe entennetañpaꞌ xhaña eꞌmoñeꞌtennet ñamha Nomporeꞌna eꞌmoñeꞌtennanet.

San Juan 17:4

‘Napaꞌ oꞌ eꞌñe nekowentatwonaph arr patsro. Oꞌ eꞌñe netsotwonaph ñamha petarwas ñeñth ateth photen.

San Juan 2:23

Allempoña alloꞌtsen Jesús Jerusaléño, all koshapretenet pascuapo shonteꞌ acheñeneshaꞌ enteññañet ñeñth attho orrtatenanet poꞌpartsoña all, ñeñthoꞌmarña allpaꞌ shonteꞌ ameꞌñaya.

San Juan 3:17

Yomporpaꞌ amakaꞌye añekpayeꞌ moeñanoña Poechemer arr patsro atthoch moeñosan acheñeneshaꞌ koñcheñtso. Ñapaꞌ añekopña moeñe atthoch ñach aꞌkeshphatoseꞌña acheñeneshaꞌ arr patsro.

San Juan 3:2

Ñañapaꞌ wapa Jesúsesho tsapopaꞌ ateth otos: —Maestrochaꞌ yeñoteneph phapaꞌ añ pellsenseneꞌ Yompor atthoch peyxhatosey kowen tharroꞌmar yapaꞌ yeñoteñ añach orrtatyeneꞌ partsoteñets ñeñth awamenkath pen Yompor.

San Juan 4:34

Jesúsñapaꞌ alla oterraneterr: —Añkaꞌyeña nerrar nepen oꞌch nepha ateth moenen Nompor ñeñth nellsenseneꞌ, tharroꞌmar ñeñthpaꞌ atthochña eꞌñe netsotwoñ poꞌtarwas.

San Juan 5:32

Eñallña poꞌpsheñeñ ñeñth eꞌñe no Nompor ñeñthña naꞌpotheneꞌña na. Ñamha neñoteñ ñerraꞌm ña naꞌpotheꞌpaꞌ ñeñth attho aꞌpothenen ñeñthña eꞌñe poꞌñoxh sherbets.

Los Hechos 2:22

Añpaꞌ ñeñthara alla oterraneterr Pedro: —Oꞌch, masheñe judioneshachaꞌ, noterrserr: Sapaꞌ señoteñ awañapaꞌ orrteꞌth Jesús ñeñth nazaretoꞌmarneshaꞌ. Ñapaꞌ xhokma orrtatonaseꞌth poꞌpartsoteña, ñamha xhokma orrtatyesonaseꞌth ñeñth ama sentare ñeñthchaꞌ señotateꞌ ñapaꞌxhoꞌña nanak Parets. Pompor apoeneꞌña poꞌpartsoña atthoch señotoñ Poechemer ña nanak Parets.

1 San Juan 5:9

Ñewa, arr patsro xhokma eꞌñe pokteꞌ yenteñ ñeñth ateth eñotateney acheñ tharroꞌmar ñeñthpaꞌ xhokma sherbeney. Ñamha ñeñth ateth eñotateney Yompor elloña ñeñthpaꞌ atarr nanak sherbeney. Tharroꞌmar ñeñthpaꞌ eꞌñe ña Poechemerekop eñotateney Jesúspaꞌ Yomporo Poechemer.